1 Sunda Hamuleinid’a 2
2
Andjafâ hi Juda ma Jakob goromina
1Israel groma ba wana: Ruben, Simeon, Levi, Juda, Isakar, Zabulon, 2Dan, Josef, Benjamin, Neftali, Gad ki Aser.
3Juda groma ba wana: Er, Onan ki Sela; grom suma hindi ndazina mi vud’uzi nata amam mba Kanan nda abut simiyêm ala Suwa-d’a. Juda gorom ma ngolâ Er ni sama asa’atna avok Ma didina; Ma didina mi tchum mbeyo. 4Juda akunomba Tamar ti vud’um Peres ki Zera. Juda groma pet ni vahl. 5Peres groma ba wana: Hesron ki Hamul. 6Zera groma ba wana: Zimri, Etan, Heman, Kalkol ki Dara; azi pet ni vahl. 7Karmi goroma ba wana: Ni Akar#2.7 Akar: D’oze, Akan. Gol Jos 7.1. ma mi mba ki ndaka yam Israel-lâ ata yima mi le sun nda ata yat tuo d’a kahle suma Ma didina mi he nga vuna kazi á yod’a d’uo na. 8Etan goroma ba wana: Azariya. 9Hesron grom suma mi vud’uzina ba wana: Jeramel, Ram ki Kelubai.
10Ram mi vut Aminadap, Aminadap mi vut Nason ni ma avok Juda gromina. 11Nason mi vut Salma, Salma mi vut Bowas. 12Bowas mi vut Obed, Obed mi vut Jesse. 13Jesse mi vut gorom ma avo’â a yum ala Eliyap, ma mbàna a yum ala Abinadap, ma hindina a yum ala Samma, 14ma fid’ina a yum ala Netanel, ma vahlâ a yum ala Radai, 15ma karagayana a yum ala Osem, ma kid’iziyana a yum ala David mi. 16B’oziyozi suma aropma ni Seruya ki Abigayel. Seruya grotna ba wana: Abisai, Jowap ki Asayel. Azi pet ni hindi. 17Abigayel ti vut Amasa. Abumî Jeter, ni ma Ismael-lâ.
18Kalep Hesron goroma mi vut grona fid’i kamamba Azuba. Suma andjofâ simiyêzi ba wana: Jeser, Sobap ki Ardon, d’a atchad’a simiyêt ala Jeriyot. 19Azuba ti mid’a. Kalep mi vatcha d’a dinga a yat ala Efrata, ti vud’um Hur. 20Hur mi vut Uri, Uri mi vut Besalel. 21Bugola, kid’a Hesron bizam ndak dok karagayad’a, mi ve Makir ma Galät abuma goromba. Ti vud’um Segup. 22Segup mi vut Jayir ma mi nga kazì ma nglona dok mbà yam hindi yam ambas sa Galät-tina. 23Suma Gesur-râ ki suma Aram-ma a hlazì ma Jayir-râ zlapa kazì ma Kenat-na kazì ma nguyuma pet mi. Azì ma nglona pet ni dok karagaya. Suma a kak yam ambas ndatina pet ni Makir ma Galät abuma groma. 24Bugol matna hi Hesron ma amamba a yat ala Abiya-na, Kalep mi hulong ve Efrata kua; ti vud’um Asehur; mam mi ma gäd’u azì ma Tekowa-nina#2.24 Tekowa: Gol Francais Courant. Zla ndata nga ki vun Hebre-na pid’ak ki..
25Hesron gorom ma ngolâ Jeramel groma ba wana: Ram ni gorom ma ngolâ. Bugola, mi vut Buna, Oren, Osem ki Ahiya. 26Jeramel mi vatcha d’a dinga simiyêt ala Atara; ndat ni Onam asumu. 27Jeramel gorom ma ngolâ Ram groma ba wana: Mas, Jamin ki Eker. 28Onam groma ba wana: Samai ki Jada. Samai groma ba wana: Nadap ki Abisur. 29Abisur amamba simiyêt ala Abisayil, ti vud’um Aban ki Molit. 30Nadap groma ba wana: Selet ki Apayim. Selet mi mit ni bei gor ba. 31Apayim goroma ni Jisei. Jisei goroma ni Sesan, Sesan goroma ni Alai. 32Jada Samai wiyema groma ba wana: Jeter ki Jonatan. Jeter mi mit ni bei gor ba. 33Jonatan groma ba wana: Pelet ki Zara. Wana ni Jeramel groma.
34Sesan gorom mandjuf nga d’i, wani mi nga ki gro aropma. Sesan mi nga ki magom ma Ezipte-na tu, simiyêm ala Jara. 35Sesan mi he goromba atchad’a mi magom mama Jara; ti vud’um Atai. 36Atai mi vut Natan, Natan mi vut Zabat, 37Zabat mi vut Eflal, Eflal mi vut Obed, 38Obed mi vut Jehu, Jehu mi vut Azariya, 39Azariya mi vut Hales, Hales mi vut Elasa, 40Elasa mi vut Sismai, Sismai mi vut Salum, 41Salum mi vut Jekamiya, Jekamiya mi vut Elisama.
42Kalep Jeramel wiyema groma ba wana: Gorom ma avo’â a yum ala Mesa. Mam mi abu Zif ki Maresa. Maresa nabu Hebron. 43Hebron groma ba wana: Kore, Tapuwa, Rekem ki Sema. 44Sema mi vut Raham, Raham mi vut Jorkeyam, Jorkeyam mi vut Samai. 45Samai goroma ni Mawon, Mawon nabu Bet-Sur. 46Kalep mi vatcha d’a gora simiyêt ala Efa. Ti vud’um Haran, Mosa ki Gazes. Haran mi vut gorâ, mi yum ala Gazes mi. 47Jadai groma ba wana: Regem, Jotam, Gesan, Pelet, Efa ki Säf. 48Kalep amam mba gora Mäka ti vud’um Seber ki Tirhana. 49Bugola, ti vut grona kua mbà, Säf ki Seva. Säf ni Matmana abumu. Seva ni Makbena azi ki Gibeya abuzi mi. Kalep gorom mba atchad’a a yat ala Aksa.
50Wana nandjafâ hi Kalep-ma: Sobal Hur gorom ma ngol ma mi vud’um ata Efrata-na ni ma gäd’u Kiriyat-Jarim-ma; 51Salma ni ma mi gäd’u Betelehem-ma; Haref ni ma mi gäd’u Bet-Gader-râ. 52Sobal ma mi gäd’u Kiriyat-Jarim-ma groma ba wana: Harowe ki Hasi-Hamenuhot. 53Ades suma Kiriyat-Jarim-ma ba wana: Suma Jeter-râ, suma Put-na, suma Sumat-na, suma Miser-râ. Nata ades ma teteng máma ba, suma Sorat-na ki suma Estawol-lâ a buzugï ataziya. 54Wana nandjafâ hi Salma-na: Suma Betelehem-ma, suma Netofa-na, suma Atrot-Bet-Jowap-ma, suma Hasi-Hamanati-na, suma Sora-na, 55suma ndum mbaktum suma a nga kaka Jabes-sâ, suma Tirat-na, suma Simat-na ki suma Sukat-na mi. Azi ni suma Ken suma a tcholï ata Hamat ma mi gäd’u azì ma Rekap-mina.
Currently Selected:
1 Sunda Hamuleinid’a 2: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.