Jobo 3
3
Pilaelo ya Jobo ku Mulimu
1 #
Jer 20.14-18
Kwa mafelelezo Jobo a utwahala a nz'a kuta lizazi l'a n'a pepilwe ka lona.
Jobo
2Jobo a li,
3 #
Litu 23.14
Mulimu, kuta lizazi le ni pepilwe
ka lona.
U kute ni bona busihu bo ne ni
itwezwi ka bona.
4Mulimu, u fetule lizazi lani
kuli li be lififi.
U si ke wa li hupula ni kamuta.
Li si ke la ba ni liseli hape.
5Lizazi leo, u li eze la malu
ni lififi.
U li kwahele ka malu, mi u felise
liseli.
6Takula busihu bo mwa silimo,
mi bu si ke bwa balwa hape.
7U bu eze busihu
mo ku si ke kwa pepwa mutu,
bo bu si na tabo.
8Bulelela balauli ba kute lizazi leo,
bona ba ba ziba ku laela Leviatani.
9Lilungwe li si ke la benya.
Busihu bo bu si ke bwa patalala!
10Kuta busihu bo, bo ni pepilwe
ka bona,
bo bu ni tisize mwa manyando
ni maswabi.
11Ni lakaza kuli kabe ni shwezi
mwa mba ya bo ma,
kamba ku shwela fa lipepelo.
12Me n'a ni ambekeziñi fa mahutu
a hae?
U ni anyiselizeñi kwa mazwele a hae?
13Kabe ne ni shwile hona foo,
kabe nako ye ni mwa pumulo.
14Ne ni ka be ni lobezi sina malena
ni babusi ba ba yahile sinca mandu
a bulena a kale.
15Cwale ne ni ta lobala sina bana
ba malena
ba ba talize mandu a bona ka gauda
ni silivela.
16Kamba ne ni ka lobala
sina banana ba ba pepilwe ba shwile.
17Mwa mabita batu ba ba maswe
ba tuhela bumaswe bwa bona,
mwateñi babeleki ba ba katezi
ba pumula.
18Mane nihaili mapantiti ba ikola
kozo,
kakuli ba lukuluhile kwa ku huwelezwa,
ni kwa litaelo ze buhali.
19Batu kaufela ba ba mwateñi
ba swana,
ba bahulu ni ba banyinyani.
Mane ni bona batanga ka nako yeo
ba lukuluhile.
20Ya mwa butata u pilelañi?
Ya mwa maswabi u felwañi liseli?
21 #
Sin 9.6
Ba litezi lifu, kono ha li tahi.
Ba lakaza libita kwa bufumu bufi
ni bufi.
22Ha ba na tabo konji ha ba se
ba shwile, mi ba pumbekilwe.
23Mulimu u ba patela za kwapili,
mi u ba kwalela mwahali kafa ni kafa.
24Na lila bakeñisa ku ca,
mi ha ni fezi ku tonga.
25Ze ni saba kaufela za ezahala.
26Ha ni na kozo ni pumulo,
mi manyando a ka h'a feli.
Currently Selected:
Jobo 3: Lozi09
Highlight
Share
Copy
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.