1 Pitrosi 3
3
Banna ni basali
1 #
Baef 5.22; Bakol 3.18 Kamukwaoswana, ni mina basali, mu ipeye kwatas'a banna ba mina, kuli haiba ba bañwi ku bona ba sa lumeli linzwi la Mulimu, ba tiswe mwa tumelo ki mikwa ya mina. Ha ku tokwahali kuli mu bulele linzwi. 2Ba ta iponela i sa li bona ku kena ni ku luka kwa mikwa ya mina. 3#1 Tim 2.9 Mu si ke mwa lika ku ekeza kwa bunde bwa mina, ka ze bonahala kwande, i be ka mo mu lukiseza milili ya mina, kamba ka lifaha za gauda ni liapalo ze nde ze mu ka apala.
4Kono bunde bwa mina i be bwa mwahali, ili bunde bo bu sa feli, bwa pilu ye kuzize, ye na ni musa, ya butokwa mwa meeto a Mulimu. 5Kakuli ka nako ye felile, ki mo ne ba ezeza basali ba ba kenile, ba ba ne ba sepile Mulimu. Ne ba ikabisa ka ku utwa banna ba bona, ba ipeile kwatas'a bona. 6#Sim 18.12 Sara n'a li cwalo. N'a utwa Abrahama, mane n'a mu bizanga “Mulen'a ka.” Ni mina mu bana ba basali ba Sara cwale, haiba mu eza ze nde, mi mu sa sabiswi ki se siñwi.
7 #
Baef 5.25; Bakol 3.19 Ni mina banna cwalo, mu pile ni basali ba mina, mu nze mu hupula kuli ki batu ba ba fokola. Kabakaleo mu ba kuteke, kakuli ni bona, hamoho ni mina, ba ta amuhela mpo ya bupilo ku Mulimu. Mu eze cwalo kuli litapelo za mina li si ke za paleliswa ki se siñwi.
Ku nyandisezwa ku luka
8Ka ku feleleza, ni li cwana. Kaufel'a mina mu be ni mihupulo ni maikuto a li mañwi. Mu latane sina bana ba mba, mi mu be ni musa ni buikokobezo. 9Mu si ke mwa kutisa bumaswe ka bumaswe, kamba litapa ka litapa. Kono mu tohonolofaze, kakuli ki litohonolo l'a sepisize ku mi fa lona Mulimu, muta a mi biza. 10#Lipi 34.12-16 Sina mo ku ñolezwi kuli,
“Mutu kaufela ya bata ku ikola bupilo
ni ku ba ni mazazi a tezi tabo,
a tuhele ku bulela ze maswe,
ni buhata.
11A tuhele ku eza ze maswe,
mi a eze ze nde.
A batisise kozo, mi a i tundamene.
12Kakuli Mulimu u talimezi
ba ba lukile,
mi kamita u teeleza litapelo za bona.
Kono ba ba eza ze maswe,
wa ba kelyeka!”
13Ki mañi ya ka mi utwisa butuku haiba mu tundamezi ku eza ze nde? 14#Mat 5.10; Isa 8.12-13 Mane niha mu ka nyanda kabakala ku eza hande, mu na ni litohonolo! Mu si ke mwa saba batu, mi mu si ke mwa filikana. 15Kono mu be ni likute ku Kreste mwa lipilu za mina, a be yena Mulen'a mina. Mu itukiseze ka nako kaufela ku alaba mutu ufi ni ufi ya kupa ku talusezwa ka sepo ye mu na ni yona. 16Kono mu eze cwalo ka musa ni ka likute. Mu be ni lizwalo le linde, kuli ha mu tamiwa litaba, bao ba ba bulela ze maswe ka mikwa ya mina ye minde, sina ha mu li balateleli ba Kreste, ba te ba swabiswe ki ze ba bulela. 17Kakuli ki ko kunde ku nyandisezwa likezo ze nde, haiba ki yona tato ya Mulimu, ku fita ku nyandisezwa likezo ze maswe. 18Kaniti yena Kreste kasibili u mi shwezi. U shwezi libi za batu hañwi feela. Yena ya n'a li yo munde, u shwezi ba ba maswe kuli a mi ise ku Mulimu. Niha ku shwile mubili wa hae, moya wa hae, ona, u pilisizwe. 19Mi ki ka moya kuli u il'o luta mioya ye si ka lukululwa ko i sa tamezwi. 20#Sim 6.1—7.24 Yeo ki yona mioya ya ba ba ne ba hanile ku utwa Mulimu, ha n'a sa litezi ka pilu-telele, mazazi ao Nuwe ha n'a sa yaha Aleka. Batu ba sikai, ba supile ni a li muñwi feela ba ba ne ba keni mwa Aleka, ki bona ba ba pilisizwe kwa mezi. 21Mezi ao, n'a swanisa kolobezo, ili yona ye mi pilisa ka nako ye. Kolobezo yeo, ha si ya ku tapisa masila a fa mubili, kono ki ya ku kupa ku Mulimu lizwalo le linde. Kolobezo i mi pilisa ka zuho ya Jesu Kreste. 22U ile kwa lihalimu mi u inzi ku la bulyo la Mulimu ku busa mangeloi ni ba ba na ni maata kaufela mwa lihalimu.
Currently Selected:
1 Pitrosi 3: Lozi09
Highlight
Share
Copy
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.