2 Pedro 3
3
Promesa tokante binida di Señor
1Kerido rumannan, ya esaki ta e di dos karta ku mi ta skibi boso. Den tur dos mi ta refreská boso memoria pa guia boso pensamentu den e direkshon korekto. 2Kòrda loke e profetanan santu a bisa hopi tempu pasá i e loke Señor i Salbador, pa boka di boso apòstelnan, a manda boso hasi. 3Na promé lugá boso mester sa ku den e último dianan lo tin hende ku ta hasi bofon. Nan ta hende ku ta sigui nan mes mal deseonan#2 Timoteo 3:1-5; Hudas 18 i 4nan lo chèrchè bisa: ‘E n' primintí di bini bèk? Ta unda El a keda? Nos antepasadonan a bai sosegá kaba i tur kos a keda meskos ku fo'i kuminsamentu di kreashon.’#Ezekiel 12:22 5Nan ta chèrchè asina, komo ku deliberadamente nan ta ignorá ku Dios fo'i hopi tempu pasá a duna òrdu pa shelu i tera keda kreá fo'i awa i pa medio di awa.#Génesis 1:6-9; Salmo 24:2 6I ta pa medio di esei tambe e mundu di e tempu ei a keda destruí durante e diluvio!#Génesis 7:11 7Pero pa medio di e mesun òrdu Dios a reservá e shelu i tera ku ta eksistí awor pa destrukshon ku kandela. E kandela ei lo kima shelu i tera dia Dios husga i destruí hende ku no ta tene kuenta kunÉ.
8Pero, kerido rumannan, boso no mester lubidá ku pa Señor un dia ta meskos ku mil aña i mil aña meskos ku un dia!#Salmo 90:4 9No ta tarda Señor ta tarda pa kumpli ku su promesa, manera algun hende ta suponé, pero ta pasenshi E tin ku boso.#3:9 boso; otro manuskrito tin: nos Señor no ke pa niun hende bai pèrdí. E ke pa tur hende kombertí i sigui su boluntat.#Ezekiel 18:23; 33:11; Sabiduria 1:13; 11:23; 12:8-10 10Pero dia di Señor su huisio lo bini manera ladron.#Mateo 24:43; Lukas 12:39; 1 Tesalonisensenan 5:2; Revelashon 16:15 Riba e dia ei shelu lo disparsé ku un klap enorme i kandela lo kima e astronan selestial laga nan dirti kaba na nada. I Señor lo haña mundu ku tur loke tin den dje kla pa kai bou di su huisio.#3:10 I…huisio; otro manuskrito tin: I mundu ku tur loke ta riba dje lo kima kaba na nada
11Si konsiderá ku tur e kosnan akí lo keda destruí asin'ei,#3:11 Si…asin'ei; otro manuskrito tin: P'esei si konsiderá ku tur e kosnan akí lo keda destruí kon santu i dediká na Dios boso bida lo no mester ta! 12Warda riba e dia di Señor su huisio i hasi lo posibel pa e yega pronto. Pasobra ta riba e dia ei shelu lo kima i ta destruí i e astronan selestial lo dirti kaba na nada. 13Pero nos ta warda riba e shelu i tera nobo kaminda tur hende lo biba un bida rekto,#Isaías 65:17; 66:22; Revelashon 21:1 tur esaki di akuerdo ku loke Dios a primintí.
14P'esei antó, mi kerido rumannan, komo boso ta warda pa e kosnan akí tuma lugá, hasi boso máksimo esfuerso pa Dios haña boso puru i sin mancha, i pa boso ta na pas kunÉ. 15Realisá ku e pasenshi ku Señor tin ku hende ta sirbi pa duna nos oportunidat pa haña salbashon. Ta e kosnan akí mes nos kerido ruman Pablo a skibi boso, ku e sabiduria ku Dios a dun'é. 16Den tur su kartanan el a papia ku boso tokante e puntonan akí, ounke tin algun kos poko difísil den su kartanan. Hende ignorante i débil den fe ta trose e kosnan akí, meskos ku nan ta trose otro parti di Skritura i asina nan ta hinka nan mes den pèrdishon.
17P'esei, kerido rumannan, ya komo boso sa e kosnan akí kaba, sea alerta pa boso no laga eror di hende sin eskrúpulo lastra boso bai kuné, pone boso kai fo'i riba e fundeshi firme kaminda boso ta pará. 18Pero sigui krese den grasia i konosementu di nos Señor i Salbador Hesu-Kristu. Gloria n'E, awor i pa semper! Amèn!#3:18 Amèn!; otro manuskrito no tin: Amèn!
Currently Selected:
2 Pedro 3: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013