1Tesalônisianina 4
4
Hafatrafatra: fahamasinana sy fitiavana
1Farany, ry kristianina havana, izao no angatahinay sy ihantanay aminareo ao amin’i Jesoa Tompo: efa nianaranareo taminay izay fitondran-tena mety hankasitrahin’Andriamanitra, sady efa arahinareo koa, ka mandrosoa mandrakariva amin’ny fandehanana araka izany. 2Efa fantatrareo, araka ny didy nomenay anareo avy amin’i Jesoa Tompo, 3fa ny hanamasinanareo ny tenanareo no sitrapon’Andriamanitra: dia ny hifadianareo ny fijangajangana, 4sy ny hahaizanareo tsirairay avy, manana ny fanaky ny tenanareo#4,4-7 Ny fanaky ny tenany, ny vatany izany angamba; fa hoe: ny vadiny no toa marina kokoa (zahao 1Pier 3,7), ary fakàna vadin’olona no hevitry ny hoe: manao an-keriny, amin’ny rahalahiny amin’izany raharaha izany (ny fanambadiana), amin’ny and faha-6. amin’ny fahamasinana sy fananan-kaja, 5fa tsy amin’ny filàn-dratsin’ny nofo araka ny fanaon’ny Jentily izay tsy mahalala an’Andriamanitra, 6ary ny tsy hisian’olona manao an-keriny na an-kafetsena amin’ny rahalahiny amin’izany raharaha izany, fa ny Tompo no mpamaly izany rehetra izany, araka ny efa voalazanay sy nasehonay marina taminareo; 7satria tsy ho amin’ny fahalotoana, fa ho amin’ny fahamasinana no niantsoan’Andriamanitra antsika. 8Koa izay manamavo izany didy izany, dia tsy manamavo olombelona, fa manamavo an’Andriamanitra, Izay nanome ny Fanahiny Masina ho ao aminareo.
9Ny amin’ny fifankatiavan’ny mpiray tam-po amin’ny finoana, dia tsy ilaina ny hanoratana izany aminareo, satria tenanareo no nampianarin’Andriamanitra hifankatia, 10sady efa manao izany rahateo amin’ny havana rehetra iray finoana eran’i Masedônia ianareo. Miangavy aminareo anefa izahay, ry kristianina havana, mba handroso kokoa mandrakariva amin’izany. 11Mahaiza miaina amim-piadanana, sy manatanteraka tsara ny raharahanareo, ary miasa tanana araka ny nandidianay anareo, 12mba handehananareo amim-pahamendrehana amin’izay eo ivelany, sy tsy hiankinanareo amin’olona foana.
Ny velona sy ny maty amin’ny fiavian’ny Tompo
13Ary tsy tianay ny tsy hahafantaranareo ny amin’izay efa nody mandry#4,13-14 Izay efa nody mandry. Ny mpino maty manam-pahasoavana mahamasina ihany ireo, fa hoe: izay maty ao amin’ny Kristy (and. faha-16)., sao dia malahelo toy ny sasany tsy manam-panantenana koa ianareo. 14Fa araka ny inoantsika an’i Jesoa ho efa maty sy nitsangan-ko velona no hitondran’Andriamanitra an’izay nody mandry hiaraka aminy koa, amin’ny alalan’i Jesoa. 15Ka izao no lazainay aminareo, araka ny tenin’ny Tompo: Isika izay velona sy tavela ho amin’ny fiavin’ny Tompo, dia tsy mba hialoha izay efa nody mandry tsy akory; 16fa hisy baiko homena, sy feon’Arkanjely ary feon-trômpetran’Andriamanitra, dia hidina avy any an-danitra ny Tenan’Izy Tompo, ka izay maty tao amin’i Kristy no hitsangana aloha; 17raha efa izany, hakarina hiaraka amin’izy ireo eny amin’ny rahona koa isika velona sisa tavela, hitsena ny Tompo eny amin’ny habakabaka, dia ho any amin’ny Tompo mandrakizay isika#4,15-17 Todiho 1Kôr 15,51; 2Kôr 12,1; Gal 1,12. Isika izay velona sy tavela, sns. Izany hoe izay ho tratra velona amin’izay, izay ho Eglizy amin’izay (ary azo antsoina hoe isika ny Eglizy); fa izany dia tsy filazana marina fa hahatratra izany tokoa ny tenan’izy Md. Paoly sy ireo ilazany izany. Hakarina velona, tsy ho faty, fa hovana: 1Kôr 15,52.. 18Koa izany teny izany àry no aoka hifanalanareo alahelo.
Currently Selected:
1Tesalônisianina 4: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.