Daalam 1
1
Fare pala hageya
1Daalam ge Jeso Kris ne. Dok ho̰ na na ne da pe na ŋgay na mo̰r ma kaŋ ge ne mbo mbo ya avun cap. Jeso teme na maleka ya Yohanna ta ndwara go na wa̰ na daalam mbe pe. 2Yohanna ke sayda go kaŋ ge na ne kwa mbe ma no pet na fare ge Dok ne ge Jeso Kris ne dya̰ na ya ne#1:2 Yohanna wa̰ na daalam mbe pe ya 1:11-20 zi.. 3Bage ne isi maktub mbe no, ne nama ge ne za̰ fare ge waageya mbe ma no, ne nama ge ne koy fare ge ne njaŋge ne na zi ma, a da ne laar saal! Ago swaga ma ga gwa.
MAKTUB GE ƁASE GE DOK NE MA GE ƁYALAR MA NE
Wak sanna
4A mbi Yohanna, mbi njaŋge maktub hon swaga koteya ge ɓase ge Dok ne ma ge ɓyalar ge ne suwal Asiya go ma ne: Bage ne go, ge ne ka dḛ, ge ne mbo mbo ya, ne O̰yom ge ɓyalar ge ne na hool gan ndwara se ma, na ŋgay aŋ na kwa a̰se, na ho̰ swaga katɗa ge halas me! 5Na ka go no me ne Jeso Kris, na ge Bage sayda ge fareba, na ge ne e pe tanna ne naa ge siya ma buwal zi, na ge ne gan ge ne suwar pal ma pala digi. Ne na ge na laar ne wa̰ nee, ge ne zu nee ne nee sone ma go ne swama ge na ne#Isa 55:4, Kmb 89:28, Kol 1:20., 6na ge saŋge nee pehir ge naa ge ke tuwaleya ma ne#Wat 19:6, 1Bit 2:5. ne na Bá Dok pe, na ɓo uwareya ne pool doŋ pe ma ne doŋ pe ma! A go.
7Ndi, na sḛ mbo ya go ne pḭr ma, ndwara fa̰ ge daage pet mbo kwa na, ko nama ge a ne tṵ́ na ma#Dan 7:13, Mar 14:62, Zak 12:10, Yoh 19:37.. Pehir ge ne suwar pal ma pet a mbo wan kḭḭmi ne na pe. O̰, a go! 8Mbi Alpha ne Omega, Bageyal Dok jya̰ ne, na ge ne go, ge ne ka dḛ, ge ne mbo mbo ya, Bage pool pet.
Daalam ge Yohanna ne ɓo na til Patmos zi
9Mbi Yohanna ge aŋ ná vya, aŋ kon ge ne njot yál, ge ne muluk, ne ge ne wan tene Jeso zi. A mbo dol mbi til Patmos zi ne fare ge Dok ne pe, ne mbi ne waage Jeso pe me. 10Dam ge Bageyal ne go, O̰yom wan mbi, mbi za̰ ka̰l a̰me ndaar dimma ne burci go ne mbi go̰r ya, 11ka jan go: «Kaŋ ge mo ne kwa na mbe no, njaŋge na maktub zi, teme na hon ɓase ge Dok ne ma ge ne suwal ge ɓyalar mbe ma no go: Efesus, Ismirna, Pergam, Tyatira, Sardes, Filadelfiya, ne Lawdikiya.»
12Mbi saŋge tene se ndwara ndil ka̰l ge ne jya̰ mbi fare mbe. Swaga ge mbi ne saŋge tene se, mbi kwa ɗuli kal ge dinar ma ɓyalar. 13Ɗuli mbe ma tuŋsi zi, mbi kwa dir a̰me dimma ne ndu go. Ka̰ ba̰r ga̰l twala ne digi ɗiŋ mbo na koo se, ne bit ge dinar vwalla na pul go me#Dan 7:13, 10:5, 7:9, 10:6.. 14Na pala susu ka saal teret dimma ne tame susu go, na ndwara pul kaal kekeŋ dimma ne ol swala go. 15Na koo ma dimma ne fool ŋgirma gurgiya go, ge a ne ɗyage na ɗyage go. Na ka̰l ŋgore vinna da ne sḭḭl ge maŋgaɗam ga̰l yuwam ne go. 16Wa̰ guwa̰r ma ɓyalar ya na tok matoson zi, kasagar ge ɗel azi ge zwama camam ka pwat ne na wak zi ya, na ndwara ka serra dimma ne gyala ne det se njiw go#Isa 49:2, Ibr 4:12, Isa 44:6, 48:12.. 17Swaga ge mbi ne kwa na, mbi dol tene na koo se dimma ne mbi ne su su go, e na tok matoson mbi pal, jan mbi go: «Sya vo to! Mbi ge zḛ ge ne ge hṵsi ge, 18mbi da ne ndwara. Mbi su, se no mbi da ne ndwara doŋ pe ma ne doŋ pe ma, mbi da ne lakle ge siya ma ne, ne ge taal ge siya ma ne. 19Njaŋge kaŋ ge mo ne kwa ma, kaŋ ge ne go ma, ge ne mbo mbo ya ma. 20Fare ɗimil ge guwa̰r ge ɓyalar ge mo ne kwa nama mbi tok matoson zi, ne ɗuli kal ge dinar ge ɓyalar mbe ma pe wanna no: Guwa̰r ge ɓyalar mbe ma a maleka ge swaga koteya ge ɓase ge Dok ne ma ge ɓyalar ma ne, ɗuli kal ge ɓyalar mbe ma a swaga koteya ge ɓase ge Dok ne ma ne ma ɓyalar me.»
Currently Selected:
Daalam 1: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.