Mika 2
2
Sarya kunna naa ge ne ke fare pool ma pal
1Woo! Nama ge a ne dwat ke naa yál ma,
nama ge a ne saare sone kerra bama saŋgal ma pul go ma,
Swaga ge swaga ne ko̰y, a ke dimma ne bama ne dwat go,
ne pool ne bama tok go pe.
2Swaga ge a ne ke ene ne ndu a̰me gaaso pe,
a harge na ŋgaɗat,
ko kadɗa a ke ene da ne ndu a̰me yàl pe puy,
a maŋge na ŋgaɗat.
A ke ndu son ma ne na yàl mwaɗak yál,
a ka maŋge naa joo ma ne naa tok go.
3Ne pe no, Bage ɗiŋnedin jan go:
Mbi nṵsi dam ge yál ya go ne naa hir ge go mbe ma pe,
aŋ mbo ɓol viya̰ ge kan aŋ pala dḛ to,
aŋ mbo gwan her aŋ pala digi mborra viya̰ go to.
Ago dam ge ne mbo ya mbe, a dam ge yál ne.
4Dam mbe go dḛ ɗe,
a mbo ka mbal fare sḭ aŋ pal janna go:
«A yá̰ i ya tok baŋ kakala,
a ame suwar ma ya ne mbi naa ma tok go.
A ame nama kyaɗa ɗaa?
I naa ge ho̰l ma mbo var ta nama ta buwal zi.»
5Ne pe no, aŋ mbo ɓol ndu a̰me ne ɓase ge Bage ɗiŋnedin ne ma
buwal zi, ge ba gwan dol táál var aŋ, aŋ suwar ma ndwara to bat.
Mḛreya ne nama ge a ne gage fare janna ge anabi ne ma pe
6Naa a̰me ma jan mbi go:
«Só mo wak se jan fare baŋ go yayak to,
mo ne pool kabre fare ge dale mbe ma janna go,
nee mbo wat saaso zi to!
7Aŋ ge Yakub vya ma, aŋ jan fare go ne:
Wan tene ge Bage ɗiŋnedin ne det ja na wak aya go ɗaa?
Ker kaŋ ma din go ɗaa?»
Amma fare janna ge na ne ma te be tuli camam
ne naa ge dosol ma pe to’a?
8Ago dana gale no,
aŋ ndi mbi ɓase ma dimma ne aŋ naa ge ho̰l ma go,
aŋ ka fage nama ge ne gwan ne pore wak zi ya ma
ba̰r ga̰l ma ne nama ba̰r ge pul zi ma pal uzi
swaga mborra tuli zi baŋ go.
9Aŋ ka yan mbi ɓase ma gwale ma uzi,
ne nama zok ge siŋli ma zi ya zum.
aŋ ka maŋge mbi kaŋ ge hormo ge mbi ne ho̰ nama,
ne nama vya ma tok go.
10Ɗage me digi, mbo me!
Ago swaga katɗa ge halas be gwan gá ne aŋ pe to!
Ne harcal to ge aŋ ne ma pe,
aŋ mbo ɓol yál njotɗa ge ɓaŋlaŋ.
11Naa a̰me ma zut ja zum, a ka kun aŋ hale janna go:
«Aŋ mbo ɓol oyo̰r jiya̰l ma ne jiya̰l ge pore ma njotɗa!»
Naa a̰me ma, a ka gwan jan fare ge dale ma go:
12«O! Yakub vya ma, mbi mbo kote aŋ ya digi mwaɗak,
Israyela vya ge ne gá ne ndwara ma, mbi mbo kote aŋ ya digi,
mbi mbo ɓan aŋ pala digi
dimma ne tame ma ne kote bama ɗyagarta zi go,
dimma ne vog ge tame ma ne ne kote swaga zam zàm go go.
Aŋ mbo kat ɓase gḛ ge be to.
13Bage tyan viya̰ mbo ka mborra aŋ ndwara zḛ.
Aŋ mbo gá suli,
aŋ mbo zut gulum ndwala
aŋ wat zum.
Aŋ gan mbo ka mborra aŋ ndwara zḛ,
Bage ɗiŋnedin mbo kat aŋ pala zḛ.»
Currently Selected:
Mika 2: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.