Juswa Fare pala hageya
Fare pala hageya
Maktub ge Juswa ne ŋgay ameya ge Israyela vya ma ne ame suwal wak tuli, a gá kat na go no. Dimma ne na dḭl ne tó go, ndu ge maktub mbe ne jan na fare gḛ a Juswa ge Nun vya, na ge ne pehir ge Efrayim ne zi, goopol ge Musa ne (Isi 13:8,16). Juswa pe wan go «Bage ɗiŋnedin má ne».
Go̰r siya ge Musa ne go, a Juswa e Musa ne, ɗame Israyela vya ma no ɗiŋ a ame suwal ge Dok ne ke wak tuli hon nama baŋ ma na no. No ŋgay go, Dok koy na wak tuli ge na ne ke ne nama baŋ ma, dé ya wi na wak nama vya kon ma ta no, fare ge Dok ne jan na wak woɗege uzi to.
A Dok ka mbar nama pore mballa zi ne, ɗiŋ a ame suwal Kanan no, a va ta na no me. Amma swaga ge a ne ke sone, Dok ka abe tene ne nama ta uzi, ka ya̰ nama naa ge ho̰l ma hal nama pal. A go no, swaga Juswa ne dé ya na dam ma wak aya go, e Israyela vya ma ke wak tuli ne Bage ɗiŋnedin no, ne da pe nama koy na eya ma ne na wak honna ma (Jus 24).
Maktub ge Juswa ne ŋgay pore mballa ge naa ge Dok ne ma ne dunya no zi ne suwal wak tuli ge Dok ne joo pe ameya. Swaga pore no zi, Dok ɓyare sone to, laar ɓyareya ge na ne go, naa gwa̰ ne naa pala na eya ma pe se, naa ho̰ na hormo me. Ndu ge ne ke mborra wak honna ge Dok ne ma pal, Dok poseya ne na.
Varseya ge maktub ge Juswa ne
1- Ameya ge suwal Kanan ne (1—12)
2- Suwal varra pehir ma buwal zi (13—21)
3- Fare wak aya ne siya ge Juswa ne (22—24)
Currently Selected:
Juswa Fare pala hageya: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.