Dwage Eya Fare pala hageya
Fare pala hageya
Maktub Dwage eya ge Musa ne ŋgay fare janna ge Musa ne swaga ge a ne dé ya suwal wak tuli warbe go, ge babur pul ge suwal Mowab ne go, maŋgaɗam Urdun le ge ham ge go (1:1-5), swaga ge ne kwa go na ga gwa suya go (34:5). Musa é pe wan Israyela vya ma kwaɗa ge Dok ne ke ne nama pe ma no. Dok ke wak tuli ne nama pe, ho̰ nama na eya ma no, ɗame nama ful pul zi ɗiŋ del wara anda, ka koy nama ne nama naa ge ho̰l ma ta.
Ne 12—26 ŋgay dwageya ge Musa ne dwage eya ma hon Israyela vya ma ne mborra ge nama ne mbo wat suwal wak tuli diŋ pe, a go no maktub mbe dḭl tó no go Maktub Dwage eya. A be go Musa dwage eya ma ɗeŋgo to, amma ho̰ nama zwama ge katɗa kwaɗa Dok zi. A go no ge 6:4-6 jya̰ no go: «Za̰ Israyela! Bage ɗiŋnedin a nee Dok ne, Bage ɗiŋnedin a myalam ɗu kikit. Mo laar na wa̰ Bage ɗiŋnedin Dok ge mo ne ne dulwak ɗu, ne mo sḛ mwaɗak, ne mo pool mwaɗak me. Fare ge mbi ne jan mo nama ma̰ mbe ma no, mbo kat mo dulwak zi.»
Maktub mbe pe aya (Dwa 31—34) ŋgay kaŋ mballa ge Musa ne, ne talla ge Juswa ne ndwara er Musa, na ba gá ɗame Israyela vya ma wat suwal Kanan diŋ, ne siya ge Musa ne me.
Maktub Dwage eya ŋgay nee ma̰ no go ndu ge ne ɓyare katɗa ge tuli, ago na gwa̰ ne na pala eya ge Bage ɗiŋnedin, Bage máya pe se kaŋ ma zi pet, swaga ge daage go pet me.
Varseya ge maktub dwage eya ne
1- Fare janna ge zḛ ge ge Musa ne (1:1—4:43)
2- Fare janna ge ndwara azi ge Musa ne (4:44—11:32)
3- Eya ma ne wak honna ma ge Dok ne (12:1—26:19)
4- Vḛso kerra ge Israyela ma ne ne wak tuli pe (27:20—28:68)
5- Musa fare janna ge go̰r dab (28:69—30:20)
6- Wak siya ne siya ge Musa ne, (31:1—34:12)
Currently Selected:
Dwage Eya Fare pala hageya: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.