Temel kerra ma Fare pala hageya
Fare pala hageya
Maktub Temel kerra ma a maktub ge azi ge Luka ne njaŋge na hon ndu ga̰l ge ɓaŋlaŋ Tewfilus (ndi fare pala hageya ge maktub ge Luka ne, Luk 1:1-4, Tkm 1:1-2). Njaŋge na ge del wara myanaŋgal para azi (62) mbo del wara myanaŋgal para anda (64) go go. Luka wan temel ge naa ge temeya ma ne ke go̰r siya ne tanna ge Jeso ne go ma, swaga ge a ne ɓo O̰yom go. Wan nama temel ge a ne e pe kerra ma pe ne Ursalima go, mbo suwal Yuda go pet, mbo suwal Samariya, ɗiŋ mbo maŋgaɗam ga̰l yuwam le may ya (Luk 24:47-48, 1:8).
Swaga ge Jeso ne ya̰ na naa ge ame hateya ma, ne mbo na Bá ta digi zi ya, teme nama ya O̰yom ge mbegeya ndwara hon nama pool ge oy fare ge kwaɗa ge Dok ne ge Ursalima go, ne suwal Yuda go pet, ne Samariya go, ɗiŋ mbo dunya pe ndegɗe. O̰yom ka e nama ke kaŋ ŋgayya ma, ka e naa hon fareba Jeso ta. Luka wan fare ge pe dolla ge ɓase ge Dok ne ma ne ge Yahud ma buwal zi, ne donna ge ɓase ge Dok ne ma ne ɗiŋ mbo suwal ge pehir ge ɗogle ma ne go.
Ne Tkm 1—12, Luka wan gḛ fare ge Bitrus ne ke ma pe. Ago swaga ge naa ge ame hateya ma ne ɓo O̰yom, a oy fare ge Dok ne Ursalima diŋ, swaga mbe go, naa gḛ ge be to a ho̰ fareba no. Nama sḛ ma pet a ka dagre ɗu, O̰yom zi, kaɗeya zi, ne ba̰a̰n zi, ne hateya zi me. Ne jo̰ a ka zam zḛ bama temel kerra zi, a ka zon moy ma, a ka ke kaŋ ŋgayya ma gḛ ne pool ge O̰yom ne ɗe, Yahud ma ga̰l ma ɗage ne yil digi, a ɗage ke nama yál dimma ne a ne ke Jeso go no. A hun naa a̰me ma ne nama buwal zi, a wan a̰me ma daŋgay me. A go no, naa ge Kris ne ma ɓarse suwal ma go no, a ka oy fare ge Dok ne bama ndwara zḛ me.
Ne Tkm 13—28 Luka wan fare ge Bulus ne ke ma. Swaga ge O̰yom ne tá Bulus ma ne Barnabas ne temel ge fare oyya ne pe ge suwal Antiyokus go, nama sḛ ma ɗage mbo oy fare suwal ma go. A go no, swaga ge a ne varse ne ta go puy, Bulus waage fare ge Dok ne naa ta pet, yahud ma ne pehir ge ɗogle ma ta ɗiŋ mbo suwal Roma, suwal ga̰l ge Italiya ne.
Maktub Temel kerra ma ŋgay nee ma̰ no go, temel ge Jeso ne ya̰ na naa, a waage fare ge kwaɗa naa ta pet, yahud ma ne pehir ge ɗogle ma pet, ne da pe nama dé ya haseya go, nama ɓo ndwara ge ɗiŋnedin me. Ago temel mbe kerra zi, Jeso ya go dagre ne nee O̰yom zi, na sḛ bage ne hon nee pool ke kaŋ ŋgayya ma ne ndwara go, naa kwa go na ya go poseya ne nee, na Dok ge pool ne.
Varseya ge maktub temel kerra ne
1- Nṵsiya ne fare waageya pe (1:1-26)
- Wak honna ge go̰r dab ma ne wak tuli ge Jeso ne (1:1-14)
- Erra ge Yahuda Iskariyot ne (1:15-26)
2- Fare waageya Ursalima go (2:1—8:3)
3- Fare waageya Yuda ma ne Samariya go (8:4—12:25)
4- Temel kerra ge Bulus ne (13:1—28:31)
- Mborra ne fare waageya pe ge zḛ ge (13:1—14:28)
- Koteya ge ga̰l Ursalima go (15:1-35)
- Mborra ne fare waageya pe ge azi (15:36—18:22)
- Mborra ne fare waageya pe ge ataa (18:23—21:16)
- Daŋgay ge Bulus ne Ursalima go, Sezare go, ne Roma go (21:17—28:31)
Currently Selected:
Temel kerra ma Fare pala hageya: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.