Ruth 1
1
Ruth ingergarpok Naemi illagêllugo Bethlehêmut.
1Nelliutome taipsomane idluarsaijut atanniotillugit, kângnartokalaukpok nuname. Angullo Bethlehêmiok Judamêtomiok, nûlaukpok ingergarlune Moabiterit nunanganut, nulliane ernangnelo illagêllugit;
2Atteᴋalauktok Elimêlechemik, nulliangalo Naemimik, ernigiglo aipanga Mahlonemik, aipalo Chil-Jonemik, Efratemiongôlaukput Bethlehêmit Judametomit. Tikkinamiglo Moabiterit nunanganut tagvanetualaukput.
3Elimelechelo Naemib uinga tokᴋovok, tâmnalo amiakolerpok ernangne illagêllugik.
4Tapkoa nullianikpuk arnângnik Moabitereôjungnik. Aipanga atteᴋalaukpok Arpamik, aippa Ruthemik. Tagvanelo Nunaᴋalaukârlutik Jârinik tellimaujortunik,
5Tamarmîk tokkolerpuk, Mahlon Chil-Jonelo; arnârlo amiakolaukpok ernangminit uingminillo.
6Tagva parngnailerpok ukkuangne illagêllugik, aularmilunelo Moabiterit nunanganit; tussarlaurame Moabiterit nunangane, Nalekab innuᴋotine nellipsarlaungmagit, kakkojaksamiglo tunnitsivigingmagit.
7Annilaukporlo innimit, innigilauktaminit, ukkuakitalo illagivâk. Pissuklunelo apkome, tikkitsomavlune Judakut nunanganut,
8Ukkoangminut oᴋarpok: Aileritik utterlutiglo attunit anâname iglunganut. Nâlekab napkiningnermik pinniarvigilitik sôrlo illiptik tokkungajune, uvamnelo pilauraptik.
9Nâlekab tunnitsivigilitik, innilanganermik Nachvârkovlutik, attunit uime iglungane; kunnikpâglo. Tagva nippitik kagvarpâk ᴋêalutiglo,
10Oᴋautivâglo: Illagêllutit nunakotingnut aijomavoguk.
11Naemile oᴋarpok: Uttileritik panîka! Sôg illagijomavitinga? ᴋanok pijomârtome erneᴋarungnarniarkîk timimne uingolerniartungnik illiptingnut?
12Uttileritik panîka ailutiglo; mânale ningiongoluarpunga uingnigungnarnermut. Oᴋarajaralloarumalo: Nerriungnarpok unuarme tamattomane uingningniarama, ᴋittornganiglo erniniarama,
13ᴋanorle utakᴋijungnaralloarkitîk inumariolerninginik? ᴋanok mulludlartuksauvitik uingnigatîk? Aukak, panîka! Naiperᴋotigidlaraptik; Nâlekab aggangita akkerartorlunga tikkidlarmanga.
14Tagva nippitik kagvarpakik ᴋêanersaulutiglo sulle. Arpablo sakkine kunnikpâ; Ruthele tapsomanêtuarpok.
15Tamnale oᴋarpok: Ahâk angajungoit utterpok Inuᴋotiminut Gûdiminullo; igvittauk utterit angajungoit malliklugo.
16Ruth kiovok: Oᴋarviginiarnanga ᴋemmajaksarigapkit, uttertuksaugamalo illingnit. Aivigijarnut, tagvunga aijomagivunga; ânokᴋarvigijarne, tagvane nokᴋaromagivunga; inuᴋotitit inuᴋotigivakka, Gûdillo Gûdigivara.
17Tokᴋoniarvingne, tagvane tokᴋoniarivunga, tagvanelo illijartortaujomagivunga. Nâlekab imâk imâglônêt pinniarvigilinga, tokᴋûb avititaksarivâtiguk.
18Takkogame mânna, attangusivlune issumaᴋarmat aiparijomavlugo, oᴋarvigijungnailerpa tamattominga.
19Taimâk tapkoa ingiarᴋattigêkpuk, Bethlehêmut Tikkiᴋâratik. Bethlehemullo pingmânnik iglugaseksoarmiut Ilûnatik innilangajuêrutigivakit, oᴋarlutiglo: Tamna Naemiôva?
20Tâmnale oᴋarpok: Tainiarassinga Naemimik, taingarsingale Maramik, ajugakangitub angijomik kiksartilaungmânga.
21Pittaᴋaloriklunga aularlaukpunga, angênarlungale Nâlekab angerartilaurivânga. Sôgle Naemimik taivissingâ? Nâlekab miklilertilauralloarmanga, ajugaᴋangitublo Kiksartimânga.
22Kattersivigle Gerstenik nelliutilaukpok Naemi ukkuangalo Ruth, Moabitereôjok, utterlaungmannik Moabiterit nunanganit Bethlehêmut.
Currently Selected:
Ruth 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.