Ruth 2
2
Ruth kattersivok sullugainernik Boasib perorsêvingane.
1Angutekalaukpoktauk, Naemib uingata illanarijanganik, Elimêlechib illanginit, Boasemik attelingmik, anguteôlauktomik perᴋutelingmik.
2Ruthelo Moabitereôjok Naemimut oᴋarpok: Perorsêvingmut ailaulanga, sullugainerniglo kattersilunga, tamna malliklugo saimaneksivigijara. Tapsomale oᴋautiva: Ailerît panik.
3Tamna aivok, tikkilune kattersivok perorsêvingme kibluijut malliklugit. Nellautsivorlo perorsêvik tamna perkutaulaungmat Boasemut Elimelechib illanginit pijomut.
4Ahâglo, Boase Bethlehemit pivok, oᴋarlunelo kibluijunut: Nâlekab illagilise! Tapkoa kiovut: Nâlekab saimartilitit!
5Boaselo kivgaminut kibluijunut Angajoᴋangortitaumajomut, oᴋarpok: Kia arnak una pigivauk?
6Kivgarlo angajoᴋangortitaumajok kibluijunut kiovok, Oᴋarlunelo: Arnauvok tamna, Moabitereôjok, Naemi Illagêllugo utterlauktok Moabiterit nunanganit.
7Oᴋalaungmat: Nagliktara, kattersikolaunga kippitat akkorngane, kibluijut malliklugit; taimâglo tikkipok sullilunelo tagvane uvlâmit mânna tikkilugo, iglominelo annikitotuinarmik nokᴋarpok.
8Tagva Boas Ruthemut oᴋarpok: Tussârkît pannîk? Perorsêviub oma assianut aijuksaungilatit, kattersilutit; nulerniarnaglonêt ovangat, arnaᴋotimnetualerille;
9Takkolutillo nane kibluivigijanganik perorsêvingme, tagvunga mallikit. Angutekotikka perkolaukpakka ullapitaukonak kinamut. Immerujarangavillo, ailerit immerᴋaumut, nukapiakotima kalluvigijanganut, immerlutillo.
10Tagva pâmakterpok kênane pûvlugo, tuksiarlunelo nunamêdlune, oᴋautivalo: Sunamut saimaneksivik ijikpît sângangne, illitarigamga, takkorngartaugalloartunga?
11Boase kiovok, oᴋautilâlo: Oᴋautsaumavunga tamainik pinniarnerilauktarnik sakkingnut, uikpit tokᴋungata kingorngane; atâtait anânaillo, inûlervîllo kemalaurangne, inûᴋattigêksoarnullo tikkisimavlutit illitarilaungitarnut sivorngane.
12Nâlekab pinniarnerilauktat akkilêjutigiliuk illingnut, akkilertaunîllo namâmarigle Nâlekame Israelib Gûdingane, tikkivigijarne; esarᴋungita attâne Sungertutiksaᴋaromavlutit.
13Tamna oᴋarpok: Saimaneksilaunga ijikpit sângangne, Nâlegâk; mannigoramga, kivgallo pitsiarlutit oᴋarvigivat, kivgavit illangatitun îlungitungalônêt.
14Boasib oᴋautivâ: Nerriviksaulerpat najutilerit, Kakᴋojaktorlutillo, tamuatillo missuktiuk sêrnartomut. Tamnalo ikterpok kibluijut senianut. Tapsomalo manijervigiva Kakᴋojaksanik jarrasimajunik; tamnalo nerrivôk akkeartorlunelo amiakokartitsilarmelo.
15Nikkovingmallo kattersilune, Boasib nukapiakotine perkovait, oᴋarlunelo: Kippitat akkornganêtauk kattersikogisiuk kangusuktiniarnagolo;
16Kattersimajunittauk amiakoᴋartitsileritse, ᴋemailuselo, kattersikovlugo tamattominga, suartoᴋarniaranelo tapsominga tamanna pivlugo.
17Taimâk kattersivok perorsêvingme unnuk tikkilugo, katjuklugillo kattersorlauktane; Efalo tatteᴋasalaukpok Gerstenik.
18Kivikpaillo, ailunelo iglugaseksoarnut, sakkingatalo takkovait kattersorlauktangit. Tagva sagvarpa tunnilâlo tapsomunga amiakogilauktane akᴋeartornekogilauktaminit.
19Tagva sakkingata oᴋautiva: Nane uvlome kattersilaukît, nanelo sennalaukît? Saimartitaule illitarksilauktok illingnik. Tapsomale sakkine oᴋautiva, kiname sennavigilauktamine, oᴋarlunelo: Angut sennavigilauktara uvlome, atteᴋarpok Boasemik.
20Naemile ukkuaminut oᴋarpok: Saimartitaule Nâlekamut, takkopsoanine sapkolaunginamiuk, tamangnut inôjunut tokᴋungajunullo. Naemilo oᴋarpok tapsomunga: Angut tamna illagivavut, kingormgujijuksangôlunelo uvaptingnik.
21Ruth Moabitereôjok oᴋarpok: Oᴋautilaurivânga: Nukapiakotimnut illautsainartuksauvotit, kattersiᴋârtinagit tamainik perortoᴋotimnik.
22Naemi Ruthemut, ukkuaminut oᴋarpok: Nâmakpok panîk, tapsoma arnakotingitaularkattigigungne, innertertaukonak assiata perorsêvingane.
23Taimak Boasib arnakotinginut illautsainarpok, kattersilunelo, kattersivik Gerstenik Weizeniglo soraikârtinago; utterlunelo sakkiminut.
Currently Selected:
Ruth 2: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.