Rômiunut 16
16
Paulusib salutitsingininganik.
1Fêbele ᴋatangutivut arnaᴋ, ilagênik Kenkrêamiunik kivgartortoᴋ ilipsingnut perᴋovara.
2Ilipsingnut illaliortauᴋovlugo Nâlekame, sorlo ivjornaitut iluseᴋartuksaungmatta, ikajorsiuglo suliaksangine tamaine, ikajortaujariaᴋarninga ilipsingnut issumagilugo. Tâmnatauᴋ unuktunik ikajulaungmat, uvamniktauᴋ.
3Prisilla Akvilalo piniarᴋatîkka Kristuse Jêsuseme salutisigik.
4Tâpkua niaᴋoêrtautitsomalauᴋpuk inôsera piulijomavlugo, tâpkoa ᴋujagivâkka pitônangale, okpertulletauᴋ ilûnatik nalojunit pijut.
5Okpertuttauᴋ tâpkoa iglomioᴋatingit salutisigik. Salutisiuk Epanêtuse naglidlartara, Achâjamiunit okperᴋârtoᴋ Kristusemut.
6Salutisiuk Marîa, unuktunik sulidlarlunelo pinialauᴋtoᴋ pivluta.
7Salutisigik Andrônikuse Jûniaselo, illâkka ᴋelaksortauᴋatîkkalo, Aposteline nertornartuk, uvamnit okperᴋârtuk Kristusemut.
8Salutisiuk Ampliase, nagliktara Nâlekame.
9Salutisigik Urbane piniaᴋativut Kristuseme, Staggiselo nagliktara.
10Salutisiuk Apellese (ôktorsimanermut) idluartoᴋ Kristuseme. Salutisigik Aristobûlusekut.
11Salutisiuk Herôdio illaga. Salutisigik Narsisusib illangit Nâlekamêtut.
12Salutisigik Trifêna Trifôsalo, Nâlekame piniarᴋattartuk. Salutisiuk Persida naglingnartoᴋ, unuktunik pinialauᴋtoᴋ Nâlekame.
13Salutisiuk Rûfuse anerimajoᴋ Nâlekame, tâpsomalo anânanga uvangatauᴋ anânagijara.
14Salutisigik Asinkrituse, Flegonelo, Hermaselo, Patrôbaselo, Hermêselo, ᴋatangutigêllo tâpkonanêtut.
15Salutisigik Filolôguse, Julialo, Nereuselo najangalo, Olimpaselo, ivjornaitullo ilûnaita tâpkonanêtut.
16Saluteᴋatigêgitse salutimut ivjornaitomut. Kristusib illagêktoᴋotingita salutipâse.
17Kaiblarpapsele, ᴋatangutikka, uloreagisigik akkerartortitsijullo issumaluktitsijullo, ajoᴋertûtsit illinialauᴋtapse assiatigôrtut, avileritselo tâpkonangat.
18Taimaitut Nâlegavut Jêsuse Kristuse kivgartungilât, natjatigle; oᴋautsinullo ajungitôjârtunut manigornartôjârtunullo pasijaksaungitut ômatingit uivêrivait.
19Nâlatsiarnise tussaumajaungmat tamainut. Tamanna pivlugo ᴋuviasûtigivapse. Pijomavungale, ajungitomut silatoᴋovluse, ajortomulle silatuneᴋarᴋonase.
20Gûdible ulapirsaijub Sâtanase tullerniarpâ itikapse atânut mânakut. Nâlegapta Jêsusib saimaningata illagilise. Amen.
21Timôteusib piniaᴋatima, Lûziusiblo, Jâsoniblo, Sosipâteriblo illama salutipâse.
22Uvanga Terziuse, aglangnik ukkuninga aglaktunga, salutipapse Nâlekame.
23Gajusib, uvangalo ilagêktullo ilûnatik tujormiovigijapta salutipâse. Erastusib iglogasaksoarmiut kênaujanginik pairsijub salutipâse; taimaktauᴋ Kuartusib ᴋatangutib.
24Nâlegapta Jêsusib Kristusib saimaningata illagilise ilûnase. Amen.
25Ilipsingnigle sôngotitsijungnartoᴋ, oᴋautsinut tussarnertunut oᴋautigijamnut Jêsuse Kristusemik, (tamakkutigûna nalonalauᴋtoᴋ nalonairpoᴋ, silaᴋsûb pigiarninganit oᴋautaulaungitoᴋ;
26Mânale nalonairsimavoᴋ, nalautaijullo aglanginut issoᴋangitoᴋsûb Gûdib perᴋojanga maliklugo oᴋautigijaujoᴋ, nalojunut tamainut, okpilerniarᴋovlugit nâlaklutik,)
27Gûde tâmna silatujotôjoᴋ nertortaule Jêsuse Kristusikut issoᴋangitomut. Amen.
Korinteme aglaktaumavut Rômiunut, Fêbiblo okpertôᴋatigênik Kenkreamiunuk kivgartortub naksarpait.
Currently Selected:
Rômiunut 16: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.