Filippimiunut 2
2
Kristuse maliklugo piojorijuiᴋojaunermik. Timôteuse Epafrodituselo pivlugik.
1Ilipsingne tagva kaiblaijoᴋarpat Kristuseme, manigoijoᴋarpat naglingnerme, illagêktoᴋarpat Anernerme, ômamut naglingniktoᴋarlunelo nâpkiniktoᴋarpat;
2Kuviasûtiksara tagva nâmaksitiniarsiuk, issumaᴋaᴋatigêngnipsingnut, nagliᴋatigêngnipsingnullo, illagêngnipsingnullo, atausionipsingnullo;
3Sunamik piniarase akkerartornermut nertornauteᴋaromamullo nunguniartomik; piojoringinermulle illase opiginersarisigik ilipsingnit nangmineᴋ.
4Ilûnaselo atunit pipsingnik nangminipsingnik piniarase, ilapsele pinginik issumaᴋaritse.
5Ilûnase issumaᴋaritse Jêsusib Kristusib issumaᴋarningatut.
6Tâmna Gûdetun-ikalloarame, nertornautigilaungilâ, Gûde adsigivlugo:
7Ingminigle nikanarsâlauᴋpoᴋ, kivgatun-ilerdlune; inutuinaᴋ adsigililauᴋpâ, inutuinaujotullo ilinganinga naipitaulauᴋpoᴋ.
8Ingminik miklilerdlune nâlainalauᴋtoᴋ toᴋomut, toᴋomut seningajolingme aglât.
9Tamanna pivlugo Gûdib nâlegaviksoangortilauᴋpâ, atteᴋartilâllo atternit tamainit anginerpângojomik.
10Jêsusib attingane sêrᴋut ilûnatik sêrᴋortortuksaungmatta nâlengnermut, ᴋilangmêtullo nunamêtullo, nunab atanêtullo:
11Oᴋallo ilûnatik nalonaijaijuksaungmatta Jêsuse Kristusemik Nâlegaujomik, Gûdib Atâtab nitornautinganut.
12Taimaimat nagliktakka, sorlo nâletsainalaurapse, najorapse kissianeungitoᴋ, mânaletauᴋ anginersamik aglat apsimatilunga, piulijauniksase piniarsiuk kuksasukluse sajukluselo.
13Gûde tagva pititsijoᴋ ilupsingne pijomanermiglo nâmaksititsinermiglo, idluarijane pitjutigilugo.
14Tamainik piniaritse ᴋunutuiluse ᴋolaraselo;
15Passijaksauᴋonase idluarkovluselo, Gûdemut ᴋitorngaulerdluse, pidlaraksaunase inuᴋatigêt oᴋautsarêtut mumiksimajullo akorngane, tâpkonane ᴋaumaniogapse nennergoatitut nuname;
16Oᴋauseᴋ inôjutaujoᴋ atavigênarlugo; tamattominga Kristusib uvluksangane nertornauteᴋarᴋovlunga, sulinanga aᴋpangilaunginama, sulinangalônêt sanalaunginama.
17Augale kovijaukpallônêt okpernipsingnut, Gûdemik kivgartûtigijapsingnut, tunergutaujomut sorlo, ᴋuviasukpunga, ilûnaselo ᴋuviasuᴋatigiluse.
18Tamanna ilipsetauᴋ ᴋuviasûtigijaksarivase, ᴋuviasuᴋatigijaksarivapsingalo.
19Nerriukpungale Nâlekame Jêsuseme, mânakassakut Timôteuse tiliniarapko ilipsingnut, uvangatauᴋ nakoᴋsijauᴋovlunga, ᴋanoᴋ ilinganipsingnik tussaruma.
20Nilâgôrtomik issumaᴋateᴋanginama assianik, tâpsotunaᴋ ômamut (pijariaᴋarnipsingnik) issumagivluse pijomik.
21Ilûnatik nangminitik issumagingmagit, Kristusib Jêsusib pingit issumaginagit.
22Tâmnale ᴋaujimavase idluartoᴋsôngmat; sorlo atâtab ᴋitorngane kivgartoᴋatigingmago, taimâk kivgartoᴋatigilauᴋpara oᴋautsinik tussarnertunik.
23Nerriukpungale tâmna tiliniarlugo tagvainaᴋ, tukkisitualeruma ᴋanoᴋ ilinganiarmangârma.
24Nâlekamele sungertûteᴋarpunga, nangmineᴋtauᴋ uvanga mânakassâkkut tikiniarapse.
25Pijariaᴋarasugijarale, tilivlugo ilipsingnut Epafrodituse ᴋatangutiga, piniaᴋatigalo, sorsugiaᴋatigalo, ilipselo tililauᴋtase, uvangalo pitsiartiga ajoᴋsarnimne.
26Ilûnase kipiniarvigilaungmase, angijomiglo issumajâlauᴋpoᴋ, tussaumagapse ᴋanimalaungninganik.
27Ila ᴋanimadlalauᴋpoᴋ toᴋoniarᴋôrdlune, Gudible nâpkigilauᴋpâ; tâmnale kissimeungilaᴋ, uvangeletauᴋ, kappiasungnikka unuksivalliatitauᴋonagit.
28Tamanna pitjutigillugo tuavi tilivara ᴋuviasuᴋovluse takolermigupsiuk, uvangalo kiksarnikinersauᴋovlunga.
29Illaliorsiuk tagva Nâlekame ᴋuviasutsiarluse; taimaitullo opigisigik.
30Kristusib piniarᴋojangit pivlugit toᴋo ᴋanidlalaungmago, inôtsine ivlerinikidlaramiuk, kivgartoromavlunga innangerdluse.
Currently Selected:
Filippimiunut 2: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Filippimiunut 2
2
Kristuse maliklugo piojorijuiᴋojaunermik. Timôteuse Epafrodituselo pivlugik.
1Ilipsingne tagva kaiblaijoᴋarpat Kristuseme, manigoijoᴋarpat naglingnerme, illagêktoᴋarpat Anernerme, ômamut naglingniktoᴋarlunelo nâpkiniktoᴋarpat;
2Kuviasûtiksara tagva nâmaksitiniarsiuk, issumaᴋaᴋatigêngnipsingnut, nagliᴋatigêngnipsingnullo, illagêngnipsingnullo, atausionipsingnullo;
3Sunamik piniarase akkerartornermut nertornauteᴋaromamullo nunguniartomik; piojoringinermulle illase opiginersarisigik ilipsingnit nangmineᴋ.
4Ilûnaselo atunit pipsingnik nangminipsingnik piniarase, ilapsele pinginik issumaᴋaritse.
5Ilûnase issumaᴋaritse Jêsusib Kristusib issumaᴋarningatut.
6Tâmna Gûdetun-ikalloarame, nertornautigilaungilâ, Gûde adsigivlugo:
7Ingminigle nikanarsâlauᴋpoᴋ, kivgatun-ilerdlune; inutuinaᴋ adsigililauᴋpâ, inutuinaujotullo ilinganinga naipitaulauᴋpoᴋ.
8Ingminik miklilerdlune nâlainalauᴋtoᴋ toᴋomut, toᴋomut seningajolingme aglât.
9Tamanna pivlugo Gûdib nâlegaviksoangortilauᴋpâ, atteᴋartilâllo atternit tamainit anginerpângojomik.
10Jêsusib attingane sêrᴋut ilûnatik sêrᴋortortuksaungmatta nâlengnermut, ᴋilangmêtullo nunamêtullo, nunab atanêtullo:
11Oᴋallo ilûnatik nalonaijaijuksaungmatta Jêsuse Kristusemik Nâlegaujomik, Gûdib Atâtab nitornautinganut.
12Taimaimat nagliktakka, sorlo nâletsainalaurapse, najorapse kissianeungitoᴋ, mânaletauᴋ anginersamik aglat apsimatilunga, piulijauniksase piniarsiuk kuksasukluse sajukluselo.
13Gûde tagva pititsijoᴋ ilupsingne pijomanermiglo nâmaksititsinermiglo, idluarijane pitjutigilugo.
14Tamainik piniaritse ᴋunutuiluse ᴋolaraselo;
15Passijaksauᴋonase idluarkovluselo, Gûdemut ᴋitorngaulerdluse, pidlaraksaunase inuᴋatigêt oᴋautsarêtut mumiksimajullo akorngane, tâpkonane ᴋaumaniogapse nennergoatitut nuname;
16Oᴋauseᴋ inôjutaujoᴋ atavigênarlugo; tamattominga Kristusib uvluksangane nertornauteᴋarᴋovlunga, sulinanga aᴋpangilaunginama, sulinangalônêt sanalaunginama.
17Augale kovijaukpallônêt okpernipsingnut, Gûdemik kivgartûtigijapsingnut, tunergutaujomut sorlo, ᴋuviasukpunga, ilûnaselo ᴋuviasuᴋatigiluse.
18Tamanna ilipsetauᴋ ᴋuviasûtigijaksarivase, ᴋuviasuᴋatigijaksarivapsingalo.
19Nerriukpungale Nâlekame Jêsuseme, mânakassakut Timôteuse tiliniarapko ilipsingnut, uvangatauᴋ nakoᴋsijauᴋovlunga, ᴋanoᴋ ilinganipsingnik tussaruma.
20Nilâgôrtomik issumaᴋateᴋanginama assianik, tâpsotunaᴋ ômamut (pijariaᴋarnipsingnik) issumagivluse pijomik.
21Ilûnatik nangminitik issumagingmagit, Kristusib Jêsusib pingit issumaginagit.
22Tâmnale ᴋaujimavase idluartoᴋsôngmat; sorlo atâtab ᴋitorngane kivgartoᴋatigingmago, taimâk kivgartoᴋatigilauᴋpara oᴋautsinik tussarnertunik.
23Nerriukpungale tâmna tiliniarlugo tagvainaᴋ, tukkisitualeruma ᴋanoᴋ ilinganiarmangârma.
24Nâlekamele sungertûteᴋarpunga, nangmineᴋtauᴋ uvanga mânakassâkkut tikiniarapse.
25Pijariaᴋarasugijarale, tilivlugo ilipsingnut Epafrodituse ᴋatangutiga, piniaᴋatigalo, sorsugiaᴋatigalo, ilipselo tililauᴋtase, uvangalo pitsiartiga ajoᴋsarnimne.
26Ilûnase kipiniarvigilaungmase, angijomiglo issumajâlauᴋpoᴋ, tussaumagapse ᴋanimalaungninganik.
27Ila ᴋanimadlalauᴋpoᴋ toᴋoniarᴋôrdlune, Gudible nâpkigilauᴋpâ; tâmnale kissimeungilaᴋ, uvangeletauᴋ, kappiasungnikka unuksivalliatitauᴋonagit.
28Tamanna pitjutigillugo tuavi tilivara ᴋuviasuᴋovluse takolermigupsiuk, uvangalo kiksarnikinersauᴋovlunga.
29Illaliorsiuk tagva Nâlekame ᴋuviasutsiarluse; taimaitullo opigisigik.
30Kristusib piniarᴋojangit pivlugit toᴋo ᴋanidlalaungmago, inôtsine ivlerinikidlaramiuk, kivgartoromavlunga innangerdluse.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.