Jeremia 52
52
1Zedekia jâreᴋalauᴋpoᴋ 21nik ataningolerame, jârillo 11 nâvlugit ataniovoᴋ Jerusaleme; anânangalo atteᴋalauᴋpoᴋ Hamutalemik, Jeremiab Libnamiob paninganik.
2Idluitulilauᴋporlo Nâlakab takoane, Jojakimib piniarningit tamaita maliklugit.
3Nâlakab ningarninga pitjutauvoᴋ Jerusalememe Judamelo, pingujarnerᴋârtinago tâpkoninga najukaminit. Zedekiablo Babilonib ataninga nâlagomajungnaipâ.
4Atanioningata jâringita 9ingane, takkit 10ingane, takkiub uvlungita 10ingane, Nebukadnezarib Babilonib ataningata sorᴋsuktoᴋatigêksoamelo Jerusalem opaktoriartorpât, tangmarterpullo nalâne; taluliorpullo avatâne ilûnâne.
5Taimaglo iglugasaksuit ilumajauvut Zedekiab atanioningata jâringita 11ingat tikidlugo.
6Taᴋᴋit sittamangita uvlungita 9ingane kâksoaᴋ sugaludlarpoᴋ iglugasaksoarne, nerᴋiksaᴋangilarlo nunab inunginut.
7Tâva iglugasaksuit itârtauvut, sorᴋsuktuksallo ᴋemâdlarput, unnuarmelo iglugasaksoarnit anilutik itertârvikut ᴋarmaᴋsoâk tapitarêk akorngangnêtokut, ataniub perorsêvingata apᴋutâgut; (Kaldêamiullo iglugasaksuit ilumavait,) anivullo naᴋsarsûb apᴋotinganut.
8Kaldêamiulle sorᴋsuktoᴋatigêksoangita ataneᴋ udlapât, angulâllo Zedekia Jerikub naternangine; tâpsomalo sorᴋsuktuksangit ilûnatik siamangavut tâpsomangat.
9Atanerlo tiguvât âlâllo Babilonib ataninganut Riblamêtomut Hâmatib nunangane; tâpsomalo erᴋartorpâ.
10Babiloniblo ataningata Zedekiab erningit toᴋopait tâpsoma ijîkita sângangne; Judablo angajoᴋâᴋsoangit ilûnaita toᴋogivait Riblame.
11Zedekiablo ijîgik pêjarpak; Babiloniblo ataningata ᴋelaksorpâ ᴋelaumgujanut, aularutilugolo Babilonemut, parngnanairsimavingmêtipâlo toᴋovia tikidlugo.
12Takkillo tallimangita uvlungita 10ingane, tagva ataniub Nebukadnezarib Babilonib ataningata jâringita 19ingane, Nebuzaradan, ataniub udjertortingita angajoᴋâᴋsoanga, ataniub simmertinga, tikipoᴋ Jerusalemut;
13Tâpsomalo Nâlakab iglunga, ataniublo iglunga, Jerusalemiblo iglungit ilûnaita, ila, angajoᴋâᴋsuit iglungit ilûnaita ikipait ikomamut.
14Kaldêamiullo sorᴋsuktoᴋatigêksoangita, ataniub udjertortingita angajoᴋâᴋsoanganêtut, Jerusalemib avaloᴋsoangit igupterpait ilûnaita.
15Nebuzaradaniblo, ataniub udjertortingita angajoᴋaᴋsoangata, inuit aklujungita ilangit, inuillo iglugasaksoânêtualauᴋtut amiakungit, ᴋemâsimalauᴋtullo Babilonib ataninganut, sanavaktullo amiakungit, aularutivait.
16Nebuzaradanible, ataniub udjertortingita angajoᴋâᴋsoangata, inuit aklujungita ilangit amiakôtipait vaineᴋuteleriᴋovlugit perorsêvileriᴋovlugillo.
17Napajulle ᴋaᴋorliojut Nâlakab iglunganêtut, ikkoggallo ᴋattaujaᴋsoarlo ᴋaᴋorleᴋ Nâlakab iglunganêtut Kaldêamiut serᴋomipait, ᴋaᴋorlingillo aularutivait Babilonemut.
18Ukkusillo, poagitillo, taᴋᴋersûtillo, pogutaujallo, alupsautillo, tamaitalo perᴋutit ᴋaᴋorliojut kivgartornermut atortut, aularutivait.
19Kajûtallo, aumaᴋautillo, pogutaujallo, ukkusillo, nanneroaᴋarvîllo, alupsautillo, ᴋalutallo; goldinaujut goldeovlutik, silberinaujut silbereovlutik, ataniub udjertortingita angajoᴋâᴋsoangata aularutivait.
20Napajûglo maggûk, ᴋattaujaᴋsoarlo, tuktuvangoallo 12 ᴋaᴋorliojut ikkoggat allerangit, ataniub Salomob sanalauᴋtangit Nâlakab iglunganut; perᴋutit makkoa ilûnatik ᴋaᴋorlingat kiktitautingnut ôktortaulaungilarlônêt.
21Napajûglo imaipûk: aipâ talertut 18tut poᴋtotigivoᴋ, silingninga avatâgut ôktortauvlune talertut 12tut siliktigivoᴋ, ibjuningalo inugangoatitut sittamatut ibjutigivoᴋ; suvlôvoᴋ.
22Kânganalo avaliaruteᴋarpoᴋ; avaliarutelo aipâ talertut tellimatut poᴋtotigivoᴋ, nuluangoaᴋarporlo paungangoaᴋarlarmelo avaliaruteme avatâgut, ilûnatik ᴋaᴋorliovut; napajûblo aipanga taimaitoᴋarivoᴋ, paungangoaniglotauᴋ.
23Paungangoaᴋarput 96nik avatâgut, anorinut sittamanut sangmijunik; paungangoat nuluangoanêtut avatâgut katilugit 100ovut.
24Ataniublo udjertortingita angajoᴋâᴋsoangata tiguvait Seraia ajoᴋertuinerojoᴋ, Zefanialo ajoᴋertuijoᴋ tugleᴋ, itertarvingmiglo udjertortut pingasut;
25Iglugasaksoarnillo tiguvait sorᴋsuktuksat angajoᴋângat, angutillo 7 ataniub kênanganik takonârtut, iglugasaksoarne naipitaujut; sorᴋsuktoᴋatigêksuillo angajoᴋâᴋsoangata aglaktinga, nunab inunginik sorᴋsungnermut katimaᴋojipaktoᴋ; nunablo inunginit angutit 60, iglugasaksoarne naipitaujut.
26Nebuzaradaniblo, ataniub udjertortingita angajoᴋâᴋsoangata, tiguvait tikiutilaitalo Babilonib ataninganut Riblamut.
27Babiloniblo ataningata anauvait toᴋolugillo Riblame Hâmatib nunangane. Taimak Judakut nunamingnit aularutijauvut.
28Tamadja inuit Nebukadnezarib aularutijangit, jâringita 7ingane Judit 3,023;
29Nebukadnezarib jâringita 18ingane inuit 832 aularutivait Jerusalemit;
30Nebukadnezarib jâringita 23ingane Nebuzaradanib, atanermik udjertortut angajoᴋâᴋsoangata, inuit Judiojut 745 aularutivait; inuit ilûnatik katilugit 4,600ovut.
31Pijokarporlo Jojakinib, Judab ataningata aularutijauningata jâringita 37ingane, taᴋᴋit 12ingane, taᴋᴋiub uvlungita 25ingane, Evilmerodab, Babilonib ataningata, atanioningata jâringita sivorlerpângane, Jojakinib, Judab ataningata, niaᴋoa ᴋagvertingmago, anitilâllo parngnanairsimavingmit;
32Ilanârnartomiglo oᴋarvigivâ, iksivautangalo poᴋtonersautipâ atanit tâpsomanêtut Babiloneme iksivautanginit.
33Annorângillo parngnanairsimaviksiutit assetârpait, nerriᴋatigitsainarpâlo inôsinga nâvlugo.
34Babiloniblo ataningata patangaititsainarpâ, ᴋaut tamât patangaijutiksanganik, toᴋovia tikidlugo, inôsingata uvlungit nâvlugit.
Currently Selected:
Jeremia 52: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.