Efêsusemiunut 6
6
Kitorngat angajoᴋâllo kivgallo kaiblartauninginik. Okpertut sorsuktuktuksatitut-ituksat sakkunginik.
1Ilipse sorutsit, angajoᴋâse nâleksigik Nâlekame; tamanna pijariaᴋarmat.
2Atâtallo anânallo nâlekik; tamadja perᴋojaᴋ sivorliojoᴋ, angersimanelik (imâk):
3Kanoengitsiarᴋovlutit, akunêrtomiglo inôniarᴋovlutit nuname.
4Ilipselo angajoᴋaujose, ᴋitorngase ningaᴋsarniarasigik, inugoiniarsigigle nâlektilugit, Nâlekablo oᴋausinginik ᴋaujitilugit.
5Ilipse kivgaujose nâlegase nunamêtut nâleksigik, kuksasukluse sajukluselo, ômatipsigut issumalingasuerdluse, Kristuse sorlo nâleklugo;
6Kivgartorneᴋ inuit takoane, inungnut idluarijaujomavluse, pinago; Kristusible kivgangititut pititse, ômamut Gûdib pijomajanga nâleklugo, ᴋunutuidluse.
7Nâlekamut kivgartorasugititse, inungnu-ungitoᴋ.
8Kaujimagapse, naliat kivgaujorlônêt kivgaungitorlônêt Nâlekamut akkilertaujomârmat ajungitulininga maliklugo.
9Angajoᴋaujose ilipse, taimaktauᴋ (kivgase) piniarvigisigik, siluktailititselo; ᴋaujilerluselo Nâlegaᴋarmigapse ᴋilangme, tâpsomanelo inuit adsigêngitôngilat.
10Tagvale ᴋatangutikka nakoᴋsitiniaritse Nâlekame, ajugaᴋangitub pitsartuninganut.
11Gûdib saputjiniksanga atiniarsiuk, Sâtanasib pingitsertortub uivêriklerninginut sôngoᴋovluse.
12Uviningmullo aungmullo sorsugiaᴋanginapta, ataniviksoarnulle pitsartujoᴋsoarnullo, silaᴋsûb ataninginut, silaᴋsûb mattoma tâᴋtôningane ataniotijunut, anernernut ajortunut ᴋilaub atânêtunut.
13Tamanna pivlugo Gûdib saputjiniksanga tiguniarsiuk, ajugauᴋovluse uvloᴋ ajortoᴋ neliutikpat aulatausuerdluse, tamaitalo nâmaksilugit salaᴋainarᴋovluse.
14Tagva makitipsigut tapserusijaritse mikseᴋârnermik, idluarnerlo atimavlugo, sagvingmiutarivlugo.
15Itigapsigullo kamiksimatitse, oᴋautsit tussarnertut ullapirsainartut oᴋâlatigivlugit opalungairsimavluse.
16Tamainille piluardluse okperneᴋ tiguniarsiuk sapulutarivlugo, ajortoᴋsûb (Sâtanasib) ᴋargjunginik ikomalingnik ᴋamitsijungnarᴋovluse tamattomunga.
17Niaᴋôtiksaᴋaritselo piulijaunermik, saviksoaᴋarluselo Anernerub pinganik, tamadja Gûdib oᴋausinganik.
18Tuksiatsainaritse ilûnainik pijarialingnik, anernikut tuksiarluse ᴋenuluselo; taimailiorᴋovluse sorairase pigârmititse tamât, ivsornaitut tamaita tuksiulugit;
19Uvangatauᴋ pivlunga, tunitsivioᴋovlunga oᴋâlanermik sivôrananga ᴋanera angmarlugo, oᴋautsit tussarnertut nelonarningat oᴋautigivlugo;
20(Tamattomunga kivgauvunga ᴋelaumgujanêtunga) erᴋsinanga tamattominga oᴋâlaᴋovlunga, sorlo pijuksaugama.
21Ilipsetauᴋ ᴋaujilerᴋovluse ilinganimnik suliamniglo, Tiᴋikusib ᴋatangutib erdlingnartub, Nâlekamelo nertornartomik kivgartortub, unipkautiniarpâse tamainik.
22Tamanna pivlugo tililauᴋpara ilipsingnut, tussarᴋojomavluse ilinganimnik, tâmnalo ômatipsingnik manigoiᴋovlugo.
23Ullapirsauteᴋarlit ᴋatangutigêt, naglingneᴋarlutiglo okperneᴋarlit Gûdemit Atâtamit, Nâlekamillo Jêsuse Kristusemit.
24Saimarsauteᴋarlit ilûnatik Nâlegaptingnik Jêsuse Kristusemik naglingniktut ilungertorlutik. Amen.
Rômame makkoa aglaktaumavut Efesusemiunut. Tikikusib naksalauᴋpait.
Currently Selected:
Efêsusemiunut 6: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.