II Atannit 25
25
Iglugasaksuit Jerusalemib serᴋomitaungit; innugiartoksuillo aularutsauningit Babelemut.
1Pijoᴋalaukporlo atannioningata Jâringita 9 ingane, takkit 10 ingata uvlungita 10 ingane, tagva Nebukadnezar Babelemiut atanningata sorsuktuksaksoakotine tamaita ilagillugit tikkipok Jerusalemut; illumavaillo, talluliorlaitalo.
2Taimak iglugasaksuit illujaumalaukput Zedekiab atannioningata Jâringita 11 ingat tikkidlugo.
3Takᴋillo 4 ingata uvlungita 9 ingane kâksoak angijororpalliavok iglugasaksoarne, nerᴋiksakalungilarlo nunab innugiartoksoanginut.
4Iglugasaksuillo pittaktauvut, sorsuktuksallo ilunnatik unnuarme ᴋemâvut itterviksoakut atanniub perorsevingata avalukita akkorngangnetokut. Kaldarille iglugasaksuit avatânelaukput. Atannerlo kemmâvok apᴋosinerme naternamut torartome.
5Kaldarillo sorsuktuksaksoangita atannek udlapât, angulâllo Jerichub naternangane, sorsuktuksaksoakotingillo ilunnatik siamalerput tapsomangat.
6Tapᴋoalo atannek tiguvât, aularutivâllo takpaunga Babelemiut atanninganut Riblatemut; kakkimiojutigivlugo illingajuksauninga oᴋautigivât.
7Zedekiablo ᴋitorngangit toᴋopait ijikita sângangne, ijigiglo tautugungnaitipakit, kellaksorlâllo kellaumgujanut aularutivâllo Babelemut.
8Takᴋillo 5 ingata uvlungita 7 ingane, tagva Nebukadnezarib Jâringita 19 ingane, Nebusaradan sorsuktuksat angajoᴋaksoangat, Babelemiut atanningata kivganga, Jerusalemut tikkipok,
9Ikkipaillo Nâlekab iglunga, atanniublo iglunga, iglullo ilunnaita Jerusaleme, iglullo angijut ilunnaita ikkipait.
10Kalderillo ᴋattimgajoksoangita, sorsuktuksat angajoᴋaksoanganetut Jerusalemib avaluksoangit serᴋomipait.
11Innugiartoksuille amiakungit iglugasaksoarne, ᴋemâlauktullo Babelemiut atanninganut, innugiartoksuillo assingita amiakungit, Nebusaradanib sorsuktuksat angajoᴋangata aularutivait.
12Nunamiullo erkananginerpânginit sorsuktuksat angajoᴋangata ilangit nokkarkovait, perorsêvilerijioᴋovlugit Weineliksanik, ᴋakᴋojaksaniglo.
13Kalderillo nappajut kannujaujut, Nâlekab iglunganêlauktut, ikkovrallo, immarbingoarlo kannujaujok, Nâlekab iglungane serᴋomipait, kannujangillo aularutivait Babelemut.
14Ukkusillo, poargitillo, sâvillo, allupsautillo, illulerkutillo kannujaujut, kivgartornermut attortaulauktut tiguvait.
15Taimaktauk sorsuktuksat angajoᴋangata, êliᴋautit, kallutaujallo, illulerkutillo Goldeôjut, Silbereôjullo tiguvait.
16Nappajûk, immarbingoarlo, ikkovrallo, Salomob sennalauktangit, Nâlekab iglunganut; illulerkutit tamakkoa tamaita kannujangit kiktitarlugit ajornalaukpok.
17Nappajûk aipa tallitut 18 tut poktôtigijolaukpok, niaᴋojartungalo ᴋânganêtok kannujaulaurivok, tallitullo pingasotut pôktotigijôlaukpok, nulluangoakalaukporlo, paungâlungoakalarmelo, Granatenik atelingnik, niaᴋojartub avatane, ilunnâllo kannujaulaukpok, nappajûglo aipanga, taimailingalaurivok nulluangoat ilaliudlugit.
18Sorsuktuksallo angajoᴋangata tiguva ajochertuije Seraja, sivurliojit ilangat, ajochertuijorlo Zefanja tuglit ilangat, udsertortullo upkoanik pingasut,
19Iglugasaksoarnillo angajoᴋaksuit ilangat, angajoᴋangortitaumajok sorsuktuksanut, angutillo tallimat, atanniub najuganetsainarlauktut, naipitaumajut iglugasaksoarne, Soferelo sorsuktuksaksoaᴋattigêt angajoᴋangat, innugiartoksoarnik nuname illinniartitsijok sorsungnermik, angutillo 60 git nunab innunginit, iglugasaksoarne naipitaumajut;
20Tapᴋoa Nebusaradanib sorsuktuksat angajoᴋaunerojungata tiguvait, âpaillo Babelemiut atanninganut Riblatemut.
21Babelemiullo atanningata ullimârlugit toᴋopait Riblateme, Hematib nunanganetome. Taimak Judakut aularutitaumalaukput nunakotimingnit.
22Innugiartoksuille amiakunginut nuname, Nebukadnezarib Babelemiut atanningata amiakokojanginut, Gedalja Ahikamib Safanib erningata erninga angajoᴋangortipa.
23Sorsuktuksallo angajoᴋangit ilunnatik, angutillo tapᴋonanêtut tussaramik, Babelemiut atanningata Gedalja angajoᴋangortimago nunamut, tikkiput Gedaljamut Mizpamut, tapᴋoa: Ismael, Nethanjab erninga, Johananelo Kareab erninga, Serajalo Thanhumetib erninga, Netofatemiovinek, Jaesanjalo, Maechatib erninga, anguteᴋotitik ilagilugit.
24Gedaljablo tapᴋoa anguteᴋotingillo angermarikpait, oᴋautilaitalo; Sivuratailititse Kaldemiut nâleklugit; nunamêtuaritse, Babelemiullo atanningat nâleksiuk, tagva pilloringniarpose.
25Takᴋille 7 ingane Ismaele, Nethanjab Elisamab erningata erninga atanniub kinguvanginit pijok, tikkipok, angutit 10 ilagilugit, Gedaljalo ullimârlugo toᴋopât, tappilugillo Judit, Kalderillo tapsomanêlauktut Mizpame.
26Tagva innugiartoksuit ilunnatik mikkijut angijullo, sorsuktuksallo angajoᴋangit parngnailerput, aularlutiglo Egiptenemut; Kalderit illimagigamigit.
27Jârillo 37 ingane Jojachin Judakut atanningat aularudsaulaukârdlune, takkit 12 ingata uvlungita 27 ingane Evil-Merodachib Babelemiut atanningata, atannionime Jâringita sivorlingane, Jojachimib Judakut atanningata niakunga kivikpa parngnanairsimavingmit,
28Ilanaksarlunelo oᴋarᴋattigiva, iksivautangalo sivorliotipa atannît tapsomanêlauktut Babeleme ilunnatik iksivautanginit;
29Annorairkovalo parngnanêrsimavingmêsiutinginik; nerrimarkattautsainarlaukporlo tapsoma sângane innôsingane tamât.
30Nerᴋiksangillo attoriakartangit, nerᴋiksat pijariakatsainartangit tunnitsiviôlaukpok atannermut, uvlut tamaita, innôsingane tamât.
Currently Selected:
II Atannit 25: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.