I Atannit 4
4
Salomob pimaklertoᴋotingit, ânanauningalo, ilisimaningalo.
1Taimâk Salomo atanniôlaukpok Israelitit ilûnnnamasianginut.
2Angajoᴋaᴋotigilauktangillo tapᴋoangôvut: Asarja. Zadoᴋib ajuᴋertuijub erninga.
3Elihoref, Ahijalo Sisab erningik aglakpaktôlaukpuk. Josafat Ahiludib erninga angajoᴋaulaukpok aglakpaktunut.
4Benaja Jojadab erninga angajoᴋaulaukpok sorsuktuksaksoaᴋatigênut. Zadokelo, Abjatharelo ajuᴋertuijolaukpuk.
5Asarja, Nathanib erninga angajoᴋaulaukpok pimaklertunut. Sabude Nathanib ajuᴋertuijub erninga, ilannângolaukpok atannermut.
6Ahisar aulatsijolaukpok atanniub iglunganik, Adonirame Abdab erninga aulatsijolaukpok perorseviᴋotinginik.
7Salomolo pimaklerteᴋuteᴋalaukpok 12 inik Israelitit ilûnnnamasianginut, patangaititsijunik atannermik iglomiokotinginiglo. Tapᴋoa attunît jâreme atautseme, takᴋek atausek nâlugo patangaititsijariakalaukput.
8Imâglo ateᴋalaukput: Hurib erninga, Efraimib ᴋakᴋangine;
9Dekerib erninga Makazeme, Saalbimemelo, Bethsemesemelo, Eglonemelo, Bethananemelo;
10Hesedib erninga Arubotheme, Suchomiglo peᴋalaurivok, Heferiblo nunanganik ilûnnnânik;
11Abinadib erninga Nafat-Doreme ilûnnâne, Tofathelo Salomob pania nulliariva;
12Baena Ahiludib erninga Thanacheme, Megidomelo, Bethseanemelo ilûnnâne, Zarthanab sanianetome, Jesreelib atâne, naternak Meholamik atelik tikkidlugo; Jakmeamib ungatanut tikkilugo.
13Gerib erninga Ramotheme Gileademêtome, pigilaukpaillo Jairib Mânnasib erningata iglugasakotingit Gileademêtut, Argublo Basanemêtub erkâ, iglugasaksuit angijut 60 git, ᴋarmaksoarnik avaluggit, kannujarniglo saniroagit;
14Ahinadabe, Iddob erninga, Mahanaimeme;
15Ahimaze Naftalime, tamnatauk nullianikpok Salomob paninganik Basmatemik;
16Baena Husib erninga, Assereme, Alothemelo;
17Josafath Paruab erninga, Isaschareme;
18Simei Elab erninga, Benjamineme;
19Geber Urib erninga, nuname Gileademe, Sihonib Amoriterit ataningata, Ogiblo Basanemiut ataningata nunagilauktagingne; pimaklerte atausek nuname tamattomanelaukpok.
20Judakulle Israelitillo taimâk unuktigijôlaukput siorᴋatitut imarbiksub siksanganêtutitut, nerrivullo, immerlutiglo, serridlalaularmiglo.
21Taimaglo Salomo Nâlegaulaukpok ataniovingnut ilûnnainut, kôksoarmit Filisterit nunangat, Egiptenemiut kiglilervingat tikkidlugik; pilliutinik ᴋaitsivut tapsomunga, Nâlekpâlo inôsingane tamât.
22Salomolo uvlut tamaita pijariaᴋalaukpok nerᴋiksaminut Korit 30 git tatalugit sanaukamik ᴋakᴋortamik; Koriniglo 60 ginik sanaukamik asianik;
23Tuktuvângnik tallimaujortunik koinititaumajunik; tuktuvângniglo 20 ginik, natername iviksuᴋatalingme mianerijaulauktunik, sauganiglo 100 dinik; tuktut, tuktungajullo tuktuojartullo, nergjutillo koinititaumajut taijauᴋasiutinagit.
24Ataniotigame nunab ilûnnnaksoanganut, kôksub miksânetomut, Tifsamit Gasa tikkilugo, ataniovingnut ilûnnnainut, kôksub miksânetunut, ullapirsauteᴋalaukporlo ilûnnnainit avatânêtunit.
25Taimâk Judakut Israelitillo ussornarnarlutik nunakalaungmatta, nelliat napârtokotime Weineliksab atâne, Feigeliksablo atâne, Danemit Berseba tikkidlugo, Salomob inosingane tamât.
26Salomolo horseᴋuteᴋalaukpok ᴋammutingnut illingajunik 40,000 dinik, sorsuktuksaᴋuteᴋalarmelo horsit ᴋângine ablangajunik 12,000 dinik.
27Pimaklertillo taipkoa Salomo, ilûnnaitalo tapsoma nerrimarvinganut illingajut patangaitipait, attunît takᴋermingne, ajoksarkojilungilello sunamiglonêt.
28Gerstelotauk ivillo horsinut, pangalidlartunullo illingajut, ᴋaipait nunamut najortanganut, attunît illuseᴋarᴋojaunitik malliklugit.
29Gûdiblo Salomo tunnitsivigiva illisimanersoarmik, illitarsinersoarmiglo, sillatônermiglo, siorᴋatitut imarbiub siksanganetutitut.
30Salomob illisimaninga anginersaulaungmat, ᴋitorngat taunanêtut ilûnnatik, Egiptenemiullo illisimaninginit ilûnnainit;
31Illisimanersaulaurivoktauk imgerusiortunit, Ethanemit Esrahitemiomit, Hemanemillo, Kalkolemillo, Dardamillo, Maholib ernikingnit; tusaumajautsiarlaukporlo nellojunut avatanêlauktunut ilûnnainut.
32Ajuᴋertutsit adsiojut 3,000 dit oᴋauserilaukpait, imgerutingillo 1,005 eôlaukput.
33Napârtullo oᴋautigivait Cederemit Libanonemêtomit, Isope tikkilugo perorsajok iglub sanirangane. Nergjutillotauk oᴋautigivait, tingmitsello, pamgortullo, mingeritsello.
34Inuᴋatigêksoarnillo tamainit tikkitoᴋalaukpok Salomob ilisimaninganik tusaromajunik, atannernit ilûnnainit nunamêtunit, ilisimaninganik tusarlauktunik.
Currently Selected:
I Atannit 4: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.