Joel 3
3
Ukomento ti Dios dagiti Nasion
1Kuna ti Apo, “Iti dayta a tiempo, isublikto ti Juda
ken ti Jerusalem manipud pannakakayawda.
2Ummongekto dagiti amin a pagilian,
ket ipanko ida idiay Tanap ni Josafat.#2 Tanap ni Josafat: Kayatna a sawen, “Ni Yahweh mangukom.”
Sadiayto ti pangukomak kadakuada
gapu iti amin nga inaramidda kadagiti tattaok.
Inwarawarada dagiti Israelita kadagiti sabali a pagilian.
Biningbingayda ti dagak nga Israel.
3Nagbibinnunotda no siasino kadakuada
ti mangala kadagiti balud.
Nagilakoda kadagiti ubbing tapno adda pagbayadda
iti balangkantis a babai ken iti arak.
4“Ania#Is. 23:1-18; Eze. 26:1–28:26; Am. 1:9-10; Zac. 9:1-4; Mat. 11:21-22; Luc. 10:13-14. #Is. 14:29-31; Jer. 47:1-7; Eze. 25:15-17; Am. 1:6-8; Sof. 2:4-7; Zac. 9:5-7. ti kayatyo nga aramiden kaniak, Tiro, Sidon, ken amin a Filistia? Kayatdak kadi a balsen gapu iti inaramidko? No kayatdak a balsen, dagdagusenkayto a balsen! 5Innalayo dagiti pirak ken balitokko, ket impanyo dagiti napateg a gamengko kadagiti temployo. 6Impanawyo dagiti tattao ti Juda ken Jerusalem iti pagilianda ket inlakoyo ida kadagiti Griego. 7Ita, iruarko ida kadagiti disso a nangilakoanyo kadakuada. Aramidekto met kadakayo ti inaramidyo kadakuada. 8Ipaluboskonto a mailako dagiti annakyo kadagiti taga-Juda a mangilakonto met kadakuada kadagiti taga-Saba nga adda iti adayo a pagilian. Ni Yahweh ti nagsao iti daytoy.
9“Ipakaammoyo daytoy kadagiti nasion:
‘Agsaganakayo a makigubat!
Ayabanyo dagiti mannakigubat.
Ummongenyo amin a soldado, ket inkayo!
10Aramidenyo#Is. 2:4; Mk. 4:3. a kampilan dagiti aradoyo;
aramidenyo a gayang dagiti paggapasyo.
Uray ti nakapuy masapul a makiranget.
11Darasenyo#11 Darasenyo. Iti Hebreo a teksto, Tumulongkayo. ti umay,
dakay amin a kabangibang a nasion,
ket agtitiponkayo iti tanap.’”
O Apo, ibaonmo ti armadam a mangdarup kadakuada.
12“Masapul nga agsagana dagiti pagilian,
ket mapanda idiay Tanap ni Josafat.
Sadiay, siak, ni Yahweh, agtugawakto a mangukom
kadagiti amin a kabangibang a nasion.
13Dakesda#Pal. 14:14-16; Pal. 14:19-20; 19:15. la unay;
Paraspasem ida a kas iti trigo
iti tiempo ti panagani.
Pespesem ida a kas iti ubas a maladdit
iti napno a pagpespesan
agingga nga aglippias ti arak.”
14Rinibribu dagiti adda iti Tanap ti Pangeddeng.#14 Tanap ti Pangeddeng: agpadada iti Tanap ni Josafat.
Dumtengen sadiay ti aldaw ni Yahweh.
15Agsipnget ti init ken ti bulan;
saanen nga agraniag dagiti bituen.
Bendisionan ti Dios dagiti Tattaona
16Agpukkaw#Am. 1:2. ni Yahweh manipud Bantay Sion;
manipud Jerusalem, agallangogan ti timekna.
Agkintayeg ti daga ken ti tangatang,
ngem salaknibannanto dagiti tattaona.
17“Mabigbigmonto, Israel,
a siak ni Yahweh a Diosmo.
Agnaedak iti Sion
a nasantoan a turodko.
Agbalinto a nasantoan a siudad ti Jerusalem;
saanton a parmeken dagiti ganggannaet.
18Inton dumteng dayta nga aldaw,
masaknapanto iti ubas dagiti kabambantayan;
adunto ti baka kadagiti katurturodan;
nabuslonto ti danum iti entero a Juda.
Addanto waig nga aggapu iti Templo ni Yahweh,
ket padanumannanto ti Tanap dagiti Acacia.
19“Agbalinto a let-ang ti Egipto;
agbalinto met a langalang ti Edom.
Ngamin, rinautda ti daga ti Juda,
ket pinapatayda dagiti tattao nga awan basolna.
20-21Ibaleskonto#20-21 Ibalesko kuna ti sumagmamano a kadaanan a patarus. Iti Hebreo a teksto, Sentensiaakto nga awan basol. dagiti napapatay;
diakto pakawanen dagiti nakabasol.
Agnanayonton nga adda agnaed
idiay Juda ken idiay Jerusalem,
ket siak, ni Yahweh, agtaengakto idiay Bantay Sion.”
Currently Selected:
Joel 3: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society