Job 42
42
1Simmungbat ni Job ken ni Yahweh.
Job
2Ammok a mannakabalinka unay, O Apo,
ket maaramidmo ti amin a kayatmo.
3Damagem#Jb. 38:2. no apay a pagduaduaak ti siribmo,
idinto ta kasta unay ti kinanengnengko.
Nagsaoak maipapan kadagiti diak maawatan;
bambanag a nakaskasdaaw unay, saanko nga ammo.
4Imbagam#Jb. 38:3. a dumngegak bayat ti inka panagsao,
ket padasek a sungbatan dagiti saludsodmo.
5Nadamdamagko la idi ti maipapan kenka;
ngem ita, nakitaka kadagiti mismo a mata.
6Isut' gapuna a mabainak iti amin a naisawangko;
agbabawiak ket warsiak ti bagik iti tapok ken dapu.
Paggibusan
7Kalpasan ti panangisao ni Yahweh kadagitoy ken ni Job, kinunana ken ni Elifaz, “Karurodka kasta met dagiti dua a gagayyemmo, ta saan a pudno ti imbagayo maipapan kaniak, a kas ken ni Job nga adipenko. 8Ita ngarud, mangalakay iti pito a toro a baka ken pito a kalakian a karnero sayo ited ken ni Job, ket puoranyo dagitoy nga animal a kas datonyo. Idawdawatannakayto ni Job ket sungbatakto ti kararagna. Iti kasta, dikayto ibabain a kas iti kaikarianyo. Ngamin, saan a pudno ti imbagayo maipapan kaniak a kas iti inaramid ni Job.”
9Tinungpal da Elifaz, Bildad ken Zofar ti imbilin ti Yahweh nga aramidenda, ket impangag ni Yahweh ti kararag ni Job.
10Pinagrang-ay#Jb. 1:1-3. manen ni Yahweh ni Job kalpasan ti panangidawdawatna kadagiti tallo a gagayyemna. Dinoblena ti kaadu ti sigud a sanikua ni Job. 11Napan kenkuana dagiti amin a kakabsatna ken dagiti sigud a gagayyemna ket nakipagrambakda kenkuana. Inyebkasda ti pannakipagriknada kenkuana ket liniwliwada gapu iti amin a rigat nga impalak-am ni Yahweh kenkuana. Nangted ti tunggal maysa kadakuada iti kuarta ken singsing a balitok.
12Kadagiti maudi a tawen ti panagbiag ni Job, ad-adu ti bendision nga inted ni Yahweh kenkuana ngem idi damo. Naaddaan iti 14,000 a karnero, 6,000 a kamelio, 2,000 a baka ken 1,000 nga asno. 13Naparaburan pay iti pito nga annak a lallaki ken tallo a babbai. 14Pinanagananna ti inauna a babai iti Jemima; ti maikadua, Kesia, ken ti maikatlo, Keren-Happuc. 15Awan ti babai iti entero a lubong a napimpintas ngem dagiti annak ni Job. Pinatawidan met ida ni Job nga amada a kas iti impatawidna kadagiti kakabsatda a lallaki.
16Nagbiag pay ni Job iti 140 a tawen ket nakitana pay dagiti appoko ken appokona iti tumeng. 17Lakay unayen idi matay.
Currently Selected:
Job 42: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society