1 Timoteo 3
3
Dagiti Agbalin nga Obispo
1Pudno daytoy a pagsasao:#1 Pudno daytoy a pagsasao: Nalabit a sumaruno dagitoy a balikas iti naudi a bersikulo (2:15). Siasinoman nga agtarigagay nga agbalin nga obispo,#1 wenno pangulo ti iglesia. natan-ok a trabaho ti kalikagumanna. 2Ngarud,#Tit. 1:6-9. masapul nga awan ti pakababalawanna. Maysa la ti asawana.#2 Maysa la ti asawana; wenno Naminsan la a nangasawa. Managteppel. Managparbeng ken nasayaat ti kababalinna. Managpadagus. Kabaelanna ti mangisuro. 3Saan a mammartek wenno nauyong, no di ket nasingpet ken saan a mannakiringgor. Saan a rupa ti kuarta. 4Maidalanna a naimbag ti familiana ken mapagtungpalna a sitatakneng dagiti annakna. 5Ta no saan a maidalan ti maysa a tao ti mismo a familiana, kasano a maaywananna ti iglesia ti Dios? 6Masapul a saan a kabarbaro iti pammati, ta amangan no tumangsit ket madusa a kas iti Diablo. 7Masapul a pagraeman dagiti saan a kameng ti iglesia tapno saan a maibabain ken matnag iti palab-og ti Diablo.
Dagiti Kualipikasion dagiti Agbalin a Diakono
8Kasta met dagiti diakono: Masapul a nasayaat ti kababalinda ken napudnoda. Saanda a mammartek wenno naagum. 9Masapul a salimetmetanda dagiti naipakaammo a kinapudno ti pammati nga awan ti panagduaduada. 10Rebbengna a mapadasda nga umuna, ket no agballigida, mabalindan ti agserbi. 11Masapul a natakneng met dagiti assawada, ken saanda a mamadpadakes. Managteppelda ken mapagtalkanda iti amin a banag. 12Ti agbalin a diakono, maysa la ti asawana,#12 Maysa la ti asawana; wenno Naminsan la a nangasawa. ken maidalanna a naimbag dagiti annakna ken ti familiana. 13Ta dagiti nasayaat ti panagserbina, magun-odda ti naimbag a kasasaad ken mabalinda ti agsao a situtured maipapan iti pammatida ken ni Cristo Jesus.
Ti Palimed ti Relihiontayo
14Bayat ti panangisuratko iti daytoy, namnamaek nga umayka kitaen iti mabiit. 15Ngem no mataktakak, maammoam iti daytoy a surat no ania dagiti rumbeng nga annurotentayo a kas kameng ti iglesia. Kamengtayo ti familia ti Dios, kayatna a sawen, ti iglesia ti sibibiag a Dios. Ta ti iglesia isu ti adigi ken pamuon ti kinapudno. 16Anian a nagdakkel ti palimed ti pammatitayo:
Isu#16 Isu: Dios, kuna ti dadduma a manuskrito. ket nagparang a kas tao,
Pinaneknekan ti Espiritu ti kinalintegna,
Ket nakita dagiti angheles.
Naikaskasaba kadagiti pagilian,
Pinati dagiti tattao iti entero a lubong,
Ket nayuli sadi langit.
Currently Selected:
1 Timoteo 3: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society