1 CORINTIOS 16
16
Msta̱ cha' xtyucua ji'i̱ tya'a ti'i ti ngu' ca Jerusalén
1Cua nda na' cha' nu ndyaa slo ca ta'a ngu' nu ndyu'u ti'i̱ cha' cua'ni tlyu ngu' ji'i̱ ycui' Ndyosi ca lcaa quichi̱ ca loyuu su cuentya Galacia; cua nchcui' na' ñi'ya̱ cua'ni ngu' lo'o xti'i̱ ngu' msta̱. La cui' jua'a̱ cua'ni cu'ma̱ nu lo'o xti'i̱ ma̱ msta̱ bi', cha' xtyucua ma̱ ji'i̱ ngu' ti'i tya'a ngusñi na cha' ji'i̱ Jesús nu ndi'i̱ ca loyuu su cuentya Judea. 2Tsa̱ clyo nu nxana sca semana, li' tso'o si lcaa ma̱ xñi ma̱ xi xcaya' ma̱, caya' nu cua ngujui ji'i̱ ma̱ semana nu ndye. Tyuco'o bi' li', lo'o li' ná ntsu'u cha' xti'i̱ ma̱ msta̱ bi' yala ntchaa ti nu lo'o tyalaa na'. 3Lo'o cua ngulaa na', li' ta na xi ñati̱ nu tsaa ca quichi̱ Jerusalén, cua ña'a̱ ca ngu' nu cuane ma̱ ji'i̱ cha' tsaa ngu', ñati̱ nu cua ndyuloo tso'o ma̱ ji'i̱. Ta na xi quityi cui'ya ngu' tsaa ngu', quityi bi' cacha' ñi'ya̱ laca cña nu ndya'a̱ ngu'. Li' tsaa lo'o ngu' bi' ji'i̱ msta̱ nu ta ma̱ ji'i̱ ngu' ti'i tya'a ngusñi na cha' ji'i̱ Jesús ca Jerusalén bi'. 4Ca li' ñacui̱ na' si tsa'a̱, si ná tsa'a̱ lo'o ngu' bi'. Ná jlo ti' na' ñi'ya̱ caca cña re 'na, si ta chacuayá' tsa'a̱.
Tyucui̱i̱ su tsaa Pablo
5Ntsu'u cña tsa'a̱ tyu̱u̱ quichi̱ ca loyuu su cuentya Macedonia; lo'o tye cña bi', li' tyalaa na' ca quichi̱ tyi ma̱ ca ndacua, 6tyanu na' xi lo'o ma̱ li'. Ná tyiquee' tyanu na' lo'o ma̱ tyucui tyempo tlya'. Laja lo'o tyi'i̱ na' lo'o cu'ma̱, li' taca xtyucua ma̱ xi 'na cha' quiñi la tyucui̱i̱ 'na cha' tsa'a̱ tyijyu' la, macala su ntsu'u cha' tsa'a̱. 7Ná nti' na' cha' tyeje tacui na' jua'a̱ ti slo ma̱; na cua nti' na' tyanu na' xi tyempo lo'o ma̱, chacuayá' ji'i̱ ycui' nu Xu'na na. 8Juani ti tyanu na' ca quichi̱ Efeso re ña'a̱ cuayá' tyalaa tsa̱ ta'a Pentecostés. 9Tso'o tsa ndyaca 'na su ndi'i̱ na' quichi̱ re, cha' ntsu'u tsa ngu' quichi̱ nu tso'o tsa ndaca'a̱ jyaca̱ lo'o nchcui' na' lo'o ngu', masi ña'a̱ ti ntsu'u tsa ñati̱ nu nxu̱u̱ tya'a lo'o na'.
10Si tyalaa Timoteo cajua, chcui' tso'o ma̱ lo'o yu, cha' ná ca xñi'i̱ ti' yu laja lo'o tyi'i̱ yu lo'o ma̱. Cuentya ji'i̱ ycui' nu Xu'na na ndya'a̱ yu, la cui' tya'a cña nu ndya'a̱ na'. 11Ni tsaca ma̱, ná cña'a̱ ti'í ma̱ ji'i̱ yu; tso'o la si xtyucua ma̱ ji'i̱ yu cha' quiñi tyucui̱i̱ ji'i̱ yu cha' tyalaa yu ca slo na'. Ntajatya tsa ya ji'i̱ yu, na' lo'o lcaa tya'a ngusñi na cha' ji'i̱ Cristo ca nde.
12Cua nchcui' tsa na' lo'o Apolos tya'a tso'o ma̱, cha' ca̱a̱ na'a̱ yu xi ji'i̱ ma̱; ca̱a̱ yu lo'o xa' la ngu' tya'a na re. Pana ná ntaja'a̱ yu ca̱a̱ yu yala ti; ca lo'o laja ji'i̱ yu, ca li' ca̱a̱ yu su ndi'i̱ ma̱.
Cha' nu nguscua Pablo su cua tye quityi
13Tii ti ti' ma̱ tyi'i̱ ma̱ chalyuu. Xñi tso'o ma̱ cha' ji'i̱ Jesús. Cua'ni tlyu tyiquee ma̱, ná cutsi̱i̱ ma̱. 14Xcui' tso'o ti tyu'u tyiquee ma̱ ña'a̱ ma̱ ji'i̱ ñati̱ lcua ti se'i̱ su ndyu'ni ma̱ cña.
15Cu'ma̱ tya'a ngusñi na cha' ji'i̱ Jesús, cua jlo ti' ma̱ cha' lcaa ngu' tya'a Estéfanas ngusñi ngu' cha' ji'i̱ Jesús clyo; clyo ca ngua ngu' bi' ji'i̱ lcaa cu'ma̱ ngu' quichi̱ nu ndi'i̱ cacua ti nde Acaya. Lcaa tsa̱ ntaja'a̱ ngu' bi' xtyucua ngu' ji'i̱ ñati̱ tya'a ngusñi na cha' ji'i̱ ycui' Ndyosi. 16Nti' na' cha' taquiya' ma̱ ji'i̱ ngu' bi'; la cui' jua'a̱ taquiya' ma̱ ji'i̱ lcaa ngu' nu cua'ni cña stu'ba ti lo'o ngu' bi', lo'o jua'a̱ ji'i̱ lcaa ñati̱ nu tso'o tsa cua'ni cña ñi'ya̱ nu ndyu'ni ngu' bi'. 17Tso'o tsa ntsu'u tyiquee na' cha' cua ndyalaa Estéfanas lo'o Fortunato lo'o Acaico slo na' ca nde. Ná ndu'ni cha' masi ná ndi'i̱ ma̱ lo'o na' juani, cha' nu ngu' bi' ni, nxtyucua tsa ngu' 'na; 18cua ngua'ni ngu' bi' cha' nguula la ti' tyiquee na', la cui' ñi'ya̱ nu ngua'ni ngu' bi' lo'o cu'ma̱. Nga'a̱ cha' taquiya' ma̱ ji'i̱ lcaa ñati̱ nu ndyu'ni cña jua'a̱.
19Lcaa quichi̱ ca loyuu su cuentya Asia su ntsu'u ñati̱ nu ndyu'u ti'i̱ cuentya ji'i̱ Jesús, nda ngu' xlyo ni'i̱ ji'i̱ ma̱. Lo'o jua'a̱ Aquila lo'o Priscila, cuati jua'a̱ lcaa ñati̱ nu ndyu'u ti'i̱ to' tyi ngu' bi', nda ngu' xlyo ni'i̱ ji'i̱ ma̱ cuentya ji'i̱ ycui' nu Xu'na na. 20Lcaa ngu' tya'a ngusñi na cha' ji'i̱ Jesús, cua nti' ngu' chcuicha' ngu' ji'i̱ ma̱; tyucui tyiquee ma̱ quityi ma̱ ji'i̱ tya'a ma̱ chacuayá' ji'i̱ Cristo.
21Lo'o ycui' na' nda na' xlyo ni'i̱ ji'i̱ ma̱, nu nscua na' xtañi na' lo quityi re, Pablo.
22Chaca tya cha' chcui' na' lo'o ma̱ juani: Si ntsu'u ngu' tya'a ndyu'u ti'i̱ ma̱ nu ná liñi cha' tso'o ntsu'u tyiquee ngu' ña'a̱ ngu' ji'i̱ ycui' nu Xu'na na, xtyanu ti'i̱ ma̱ ji'i̱ ngu' li', cha' xcube' ycui' Ndyosi ji'i̱. ¡Tya̱a̱ nu'u̱, Xu'na, ca su ndi'i̱ ya!
23Xtyucua Jesucristo nu Xu'na na ji'i̱ ma̱. 24Tyi'u ti' ma̱ 'na, cha' ntsu'u tsa tyiquee na' ña'a̱ na' ji'i̱ ma̱ xqui'ya Jesucristo. Jua'a̱ caca cha' lacua.
Currently Selected:
1 CORINTIOS 16: cta
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
1 CORINTIOS 16
16
Msta̱ cha' xtyucua ji'i̱ tya'a ti'i ti ngu' ca Jerusalén
1Cua nda na' cha' nu ndyaa slo ca ta'a ngu' nu ndyu'u ti'i̱ cha' cua'ni tlyu ngu' ji'i̱ ycui' Ndyosi ca lcaa quichi̱ ca loyuu su cuentya Galacia; cua nchcui' na' ñi'ya̱ cua'ni ngu' lo'o xti'i̱ ngu' msta̱. La cui' jua'a̱ cua'ni cu'ma̱ nu lo'o xti'i̱ ma̱ msta̱ bi', cha' xtyucua ma̱ ji'i̱ ngu' ti'i tya'a ngusñi na cha' ji'i̱ Jesús nu ndi'i̱ ca loyuu su cuentya Judea. 2Tsa̱ clyo nu nxana sca semana, li' tso'o si lcaa ma̱ xñi ma̱ xi xcaya' ma̱, caya' nu cua ngujui ji'i̱ ma̱ semana nu ndye. Tyuco'o bi' li', lo'o li' ná ntsu'u cha' xti'i̱ ma̱ msta̱ bi' yala ntchaa ti nu lo'o tyalaa na'. 3Lo'o cua ngulaa na', li' ta na xi ñati̱ nu tsaa ca quichi̱ Jerusalén, cua ña'a̱ ca ngu' nu cuane ma̱ ji'i̱ cha' tsaa ngu', ñati̱ nu cua ndyuloo tso'o ma̱ ji'i̱. Ta na xi quityi cui'ya ngu' tsaa ngu', quityi bi' cacha' ñi'ya̱ laca cña nu ndya'a̱ ngu'. Li' tsaa lo'o ngu' bi' ji'i̱ msta̱ nu ta ma̱ ji'i̱ ngu' ti'i tya'a ngusñi na cha' ji'i̱ Jesús ca Jerusalén bi'. 4Ca li' ñacui̱ na' si tsa'a̱, si ná tsa'a̱ lo'o ngu' bi'. Ná jlo ti' na' ñi'ya̱ caca cña re 'na, si ta chacuayá' tsa'a̱.
Tyucui̱i̱ su tsaa Pablo
5Ntsu'u cña tsa'a̱ tyu̱u̱ quichi̱ ca loyuu su cuentya Macedonia; lo'o tye cña bi', li' tyalaa na' ca quichi̱ tyi ma̱ ca ndacua, 6tyanu na' xi lo'o ma̱ li'. Ná tyiquee' tyanu na' lo'o ma̱ tyucui tyempo tlya'. Laja lo'o tyi'i̱ na' lo'o cu'ma̱, li' taca xtyucua ma̱ xi 'na cha' quiñi la tyucui̱i̱ 'na cha' tsa'a̱ tyijyu' la, macala su ntsu'u cha' tsa'a̱. 7Ná nti' na' cha' tyeje tacui na' jua'a̱ ti slo ma̱; na cua nti' na' tyanu na' xi tyempo lo'o ma̱, chacuayá' ji'i̱ ycui' nu Xu'na na. 8Juani ti tyanu na' ca quichi̱ Efeso re ña'a̱ cuayá' tyalaa tsa̱ ta'a Pentecostés. 9Tso'o tsa ndyaca 'na su ndi'i̱ na' quichi̱ re, cha' ntsu'u tsa ngu' quichi̱ nu tso'o tsa ndaca'a̱ jyaca̱ lo'o nchcui' na' lo'o ngu', masi ña'a̱ ti ntsu'u tsa ñati̱ nu nxu̱u̱ tya'a lo'o na'.
10Si tyalaa Timoteo cajua, chcui' tso'o ma̱ lo'o yu, cha' ná ca xñi'i̱ ti' yu laja lo'o tyi'i̱ yu lo'o ma̱. Cuentya ji'i̱ ycui' nu Xu'na na ndya'a̱ yu, la cui' tya'a cña nu ndya'a̱ na'. 11Ni tsaca ma̱, ná cña'a̱ ti'í ma̱ ji'i̱ yu; tso'o la si xtyucua ma̱ ji'i̱ yu cha' quiñi tyucui̱i̱ ji'i̱ yu cha' tyalaa yu ca slo na'. Ntajatya tsa ya ji'i̱ yu, na' lo'o lcaa tya'a ngusñi na cha' ji'i̱ Cristo ca nde.
12Cua nchcui' tsa na' lo'o Apolos tya'a tso'o ma̱, cha' ca̱a̱ na'a̱ yu xi ji'i̱ ma̱; ca̱a̱ yu lo'o xa' la ngu' tya'a na re. Pana ná ntaja'a̱ yu ca̱a̱ yu yala ti; ca lo'o laja ji'i̱ yu, ca li' ca̱a̱ yu su ndi'i̱ ma̱.
Cha' nu nguscua Pablo su cua tye quityi
13Tii ti ti' ma̱ tyi'i̱ ma̱ chalyuu. Xñi tso'o ma̱ cha' ji'i̱ Jesús. Cua'ni tlyu tyiquee ma̱, ná cutsi̱i̱ ma̱. 14Xcui' tso'o ti tyu'u tyiquee ma̱ ña'a̱ ma̱ ji'i̱ ñati̱ lcua ti se'i̱ su ndyu'ni ma̱ cña.
15Cu'ma̱ tya'a ngusñi na cha' ji'i̱ Jesús, cua jlo ti' ma̱ cha' lcaa ngu' tya'a Estéfanas ngusñi ngu' cha' ji'i̱ Jesús clyo; clyo ca ngua ngu' bi' ji'i̱ lcaa cu'ma̱ ngu' quichi̱ nu ndi'i̱ cacua ti nde Acaya. Lcaa tsa̱ ntaja'a̱ ngu' bi' xtyucua ngu' ji'i̱ ñati̱ tya'a ngusñi na cha' ji'i̱ ycui' Ndyosi. 16Nti' na' cha' taquiya' ma̱ ji'i̱ ngu' bi'; la cui' jua'a̱ taquiya' ma̱ ji'i̱ lcaa ngu' nu cua'ni cña stu'ba ti lo'o ngu' bi', lo'o jua'a̱ ji'i̱ lcaa ñati̱ nu tso'o tsa cua'ni cña ñi'ya̱ nu ndyu'ni ngu' bi'. 17Tso'o tsa ntsu'u tyiquee na' cha' cua ndyalaa Estéfanas lo'o Fortunato lo'o Acaico slo na' ca nde. Ná ndu'ni cha' masi ná ndi'i̱ ma̱ lo'o na' juani, cha' nu ngu' bi' ni, nxtyucua tsa ngu' 'na; 18cua ngua'ni ngu' bi' cha' nguula la ti' tyiquee na', la cui' ñi'ya̱ nu ngua'ni ngu' bi' lo'o cu'ma̱. Nga'a̱ cha' taquiya' ma̱ ji'i̱ lcaa ñati̱ nu ndyu'ni cña jua'a̱.
19Lcaa quichi̱ ca loyuu su cuentya Asia su ntsu'u ñati̱ nu ndyu'u ti'i̱ cuentya ji'i̱ Jesús, nda ngu' xlyo ni'i̱ ji'i̱ ma̱. Lo'o jua'a̱ Aquila lo'o Priscila, cuati jua'a̱ lcaa ñati̱ nu ndyu'u ti'i̱ to' tyi ngu' bi', nda ngu' xlyo ni'i̱ ji'i̱ ma̱ cuentya ji'i̱ ycui' nu Xu'na na. 20Lcaa ngu' tya'a ngusñi na cha' ji'i̱ Jesús, cua nti' ngu' chcuicha' ngu' ji'i̱ ma̱; tyucui tyiquee ma̱ quityi ma̱ ji'i̱ tya'a ma̱ chacuayá' ji'i̱ Cristo.
21Lo'o ycui' na' nda na' xlyo ni'i̱ ji'i̱ ma̱, nu nscua na' xtañi na' lo quityi re, Pablo.
22Chaca tya cha' chcui' na' lo'o ma̱ juani: Si ntsu'u ngu' tya'a ndyu'u ti'i̱ ma̱ nu ná liñi cha' tso'o ntsu'u tyiquee ngu' ña'a̱ ngu' ji'i̱ ycui' nu Xu'na na, xtyanu ti'i̱ ma̱ ji'i̱ ngu' li', cha' xcube' ycui' Ndyosi ji'i̱. ¡Tya̱a̱ nu'u̱, Xu'na, ca su ndi'i̱ ya!
23Xtyucua Jesucristo nu Xu'na na ji'i̱ ma̱. 24Tyi'u ti' ma̱ 'na, cha' ntsu'u tsa tyiquee na' ña'a̱ na' ji'i̱ ma̱ xqui'ya Jesucristo. Jua'a̱ caca cha' lacua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.