1 CORINTIOS 15
15
Cua ndyu'ú Jesucristo chaca quiya'
1Cu'ma̱ tya'a ngusñi na cha' ji'i̱ Jesús, cua nti' na' cha' tyi'u ti' ma̱ ji'i̱ cha' nu cua ndacha' na' ji'i̱ ma̱ tya clyo, cha' ndu'ni lyaá ycui' Jesús ji'na ji'i̱ nu cuxi; bi' laca cha' nu cua ndyuna ma̱ tya clyo, lo'o juani cua ndyanu tso'o ti cha' bi' ne' cresiya ji'i̱ ma̱. 2Xqui'ya cha' cua nchcui' na' cha' ji'i̱ Jesús lo'o ma̱, bi' cha' ngulaá ma̱ ji'i̱ nu cuxi; lo'o juani tya nga'a̱ cha' taquiya' tso'o ma̱ ji'i̱ cha' bi', cha' ná ngusñi ma̱ ji'i̱ cha' bi' cha' culiji yu'u cha' bi' jua'a̱ ti.
3Tya clyo cua ndacha' na' ji'i̱ ma̱ lcaa cha' ji'i̱ Jesucristo nu cua ngulu'u ngu' 'na. Ndi'ya̱ ngulu'u na' ji'i̱ ma̱, cha' ngujuii Cristo lo crusi cha' cuityi̱ Ni qui'ya nu ntsu'u ji'na; la cui' ñi'ya̱ nu cua nscua lo quityi cusu' cha' caca ji'i̱ Cristo, jua'a̱ ngua. 4Li' nguxatsi' ngu' ji'i̱ jyo'o bi' ne' cuaá; pana lo'o ndu'u scua sna tsa̱, li' ndyu'ú yu chaca quiya'. Cua ndacha' liñi quityi cusu' tya clyo la cha' jua'a̱ caca ji'i̱ nu Cristo bi'. 5Lo'o li' ngulu'u loo Jesús ji'i̱ Pedro, lo'o jua'a̱ ji'i̱ ca ta'a tii chaca ngu' nu ngua tsa'a̱ ji'i̱ tya clyo. 6Tiya' la li' ngulu'u loo Jesús ji'i̱ tyu̱u̱ tsa tya'a ñati̱, nteje tacui ca'yu siyento tya'a ñati̱ nu ndi'i̱ se'i̱ ti li'. Lo'o ña'a̱ ti tya tyu̱u̱ tya'a ngu' bi' tya lu'ú ngu', masi ntsu'u xi ngu' bi' nu cua ngujuii. 7Lo'o li' ngulu'u loo Jesús ji'i̱ Jacobo, lo'o jua'a̱ ji'i̱ lcaa tya'a ngu' nu ndya'a̱ nchcui' cha' ji'i̱ Jesús lo'o ñati̱ tyijyu' la.
8Su cua ndye li', lo'o 'na ngulu'u loo Ni 'na, masi ná ntsu'u cha' cua'ni Ni lo'o na' jua'a̱. Laca na' ñi'ya̱ si laca̱ sca cubi' nu ngula cuañi' ti, cha' ná lo'o na' nguta'a̱ na' lo'o ñati̱ nu ngua tsa'a̱ tya clyo. 9Ná tso'o na' tsiya' ti nti' na', masi ngusubi Ni 'na cha' sañi na' cha' ji'i̱ Jesús ca xa' quichi̱ tyijyu', cha' ntsu'u xa' la ngu' tya'a ya nu nchca la ji'i̱ ngu' cua'ni ngu' cña bi'. Ná stu'ba na' lo'o ngu' bi', cha' tya tsubi' la lya' tsa ti' na' ji'i̱ lcaa ñati̱ ji'i̱ Jesucristo. 10Pana tya'na ti' ycui' Ndyosi, bi' cha' tso'o ti ntsu'u tyiquee Ni ña'a̱ Ni jna'; jua'a̱ ngua'ni Ni cha' ndya'a̱ na' cña ji'i̱ Ni li'. Ni si'i na nguliji yu'u cha' bi' jua'a̱ ti lo'o ngua'ni Ni cha' tso'o lo'o na'; masi lo'o nu xa' la ngu' tya'a ya ndyu'ni ngu' la cui' cña nu ndyu'ni na', pana tlyu la cña ntsu'u jna' que ngu' bi'. Si'i na nchca tsa 'na, pana ycui' Ndyosi laca nu ndu'ni lo'o na' cha' caca chcui' na' lo'o ñati̱, cha' tso'o ti ntsu'u tyiquee Ni ña'a̱ Ni 'na. 11Lo'o juani ná ndu'ni cha' jna' tilaca laca nu nchcui' lo'o ma̱, masi nchcui' na', masi nchcui' xa' la ñati̱; sca ti cuayá' nchcui' lcaa ya lo'o nchcui' ya cha' bi' lo'o ñati̱, la cui' ti cha' nu cua ngusñi ma̱.
Tyu'ú ñati̱ chaca quiya' lo'o cua ngujuii ngu'
12Chañi laca cha' nu nda ya lo'o cu'ma̱, cha' cua ndyu'ú Cristo chaca quiya' lo'o ngujuii yu. ¿Ni cha' laca lacua nchcui' xi ñati̱ tya'a cu'ma̱ cha' nga'aa ntsu'u cha' tyu'ú ñati̱ chaca quiya' lo'o cua ngujuii ngu'? 13Si chañi laca cha' nga'aa ntsu'u cha' tyu'ú ñati̱ chaca quiya' lo'o cua ngujuii ngu', ni ycui' Cristo ná ndyu'ú yu lo'o cua ngujuii yu lacua. 14Na ñilo'o ngu' ji'na si jua'a̱, ni ná caja cha' nu ta ya lo'o ma̱ li', si cha' cuiñi laca cha' ndyu'ú Cristo chaca quiya'. Jua'a̱ ná caja cha' ji'i̱ Jesús nu xñi ma̱ si chañi cha' nga'aa ndyu'ú yu bi'. 15La cui' ti ngu' cuiñi laca ya cuentya ji'i̱ ycui' Ndyosi si ná ngua jua'a̱. Cua nchcui' ya tya clyo cha' cua ndyu'ú Cristo chaca quiya' chacuayá' ji'i̱ ycui' Ndyosi; pana ná ngua cua'ni ycui' Ndyosi jua'a̱ lo'o Jesús, si nga'aa caca tyu'ú ñati̱ chaca quiya' lo'o cua ngujuii ngu'. 16Ná chañi cha' ndyu'ú Cristo chaca quiya' lo'o cua ngujuii yu si nga'aa caca tyu'ú ñati̱ chaca quiya'. 17La cui' ti ná ntsu'u cha' xñi ma̱ cha' ji'i̱ Jesús si jua'a̱ ngua, cha' ná ndyu'ú yu chaca quiya' li', ña'a̱ ti tya ntsu'u qui'ya chu̱' ma̱ lacua. 18Lo'o jua'a̱ lcaa jyo'o cusu' nu ngusñi cha' ji'i̱ Cristo tya tsubi' la, cua nguna' cha' ji'i̱ ngu' bi' si jua'a̱. 19Tso'o tsa cha' si'i sca ti nde chalyuu su ndu̱ ti' na ji'i̱ Cristo cha' ña'a̱ na ji'i̱. Si nde chalyuu ti xtyucua Cristo ji'na, xñi'i̱ tsa ti' na caca na su ndi'i̱ na li'; xñi'i̱ la ti' na caca na que lcaa ngu', nti' na'. Pana ná ndyaca jua'a̱ lo'o na, cha' cua ndyu'ú Cristo chaca quiya'.
20Chañi tsa cha' cua ndyu'ú Cristo chaca quiya' lacua. Lo'o ca tiya' la, li' tyu'ú quiña'a̱ la ñati̱ chaca quiya', lcaa ñati̱ nu ntsu'u cha' ji'i̱ ngu' lo'o Cristo; tyu'ú jyo'o su ntsiya nguatsi' nquicha', xa' tyu'ú ngu' chaca quiya', li' tsaa ngu' tyi'i̱ ngu' lo'o Cristo. Pana juani cua yala la ndyu'ú Cristo chaca quiya' cha' ta na cuentya ñi'ya̱ caca cha' bi'. 21Xqui'ya qui'ya nu ntsu'u ji'i̱ sca ti ñati̱, bi' cha' ntsu'u cha' ndyijii na; la cui' jua'a̱ sca ñati̱ ngua nu ngua'ni cha' tyu'ú na chaca quiya', masi cua ngujuii na. 22Adán naa ñati̱ nu ngutu'u tucua chalyuu clyo, lo'o lcaa na laca na ñati̱ nu ngutu'ú ji'i̱ jyo'o Adán tiya' la, bi' cha' ntsu'u cha' ndyijii na nde chalyuu. Cristo laca nu ñati̱ nu ndyu'ú chaca quiya' bi', xqui'ya bi' taca tyu'ú na chaca quiya' si ntsu'u cha' ji'na lo'o nu Cristo bi'. 23Ntsu'u ñi'ya̱ caca cha' re: tya clyo cua ndyu'ú ycui' Cristo chaca quiya'; tiya' la lo'o tyalaa tsa̱ nu ca̱a̱ Cristo chaca quiya', li' tyu'ú na, lcaa na nu ntsu'u cha' ji'na lo'o ycui' Ni; 24li' tye chalyuu. Cua'ni tye Cristo ji'i̱ lcaa nu laca loo, ji'i̱ lcaa ngu' tisiya, ji'i̱ lcua ti ña'a̱ ñati̱ nu nxu̱u̱ tya'a lo'o ycui' Ndyosi. Li' chaca quiya' tya Jesús lcaa chacuayá' nu cua nda ycui' Ndyosi ji'i̱ tya clyo, cha' caca Ni loo ji'i̱ lcua ti lo ñati̱ li'. 25Ndi'ya̱ ndyaca cha': Juani tya ntsu'u chacuayá' culo Jesús cña ji'i̱ lcaa ñati̱, ña'a̱ cuayá' cua'ni tye ycui' Ndyosi ji'i̱ lcaa ñati̱ nu nxu̱u̱ tya'a lo'o Jesús. 26Lo'o cua ndye lcaa cha', li' cua'ni tye Ni cha' ndyijii ñati̱. 27Pana juani ti cua nda ycui' Ndyosi Sti yu lcaa chacuayá' ji'i̱ Sñi' Ni, cha' caca Cristo loo ji'i̱ lcaa lo na nu ntsu'u chalyuu. Nu lo'o nacui̱ quityi cha' lcaa na tsiya' ti caca cuentya ji'i̱ Cristo, cua jlo ti' na cha' ná lo'o ji'i̱ ycui' Ndyosi Sti yu culo Cristo cña, cha' ycui' Ni laca nu cua nda chacuayá' ji'i̱ Sñi' Ni tya clyo; ná nchcui' Ni cha' ji'i̱ ycui' ca Ni li'. 28Tiya' la li', nu lo'o cua ndaquiya' lcaa lo na nu ntsu'u chalyuu ji'i̱ Cristo, li' tsaa Jesús ca su ntucua ycui' Ndyosi Sti yu, lo'o li' xa' tya Jesús lcaa cña cuentya ji'i̱ ycui' Ndyosi Sti yu chaca quiya'. Bi' laca nu cua nda chacuayá' ji'i̱ Cristo tya clyo, cha' laca yu Sñi' ycui' Ni. Lo'o li' sca ti ycui' Ndyosi caca loo ji'i̱ lcaa ca na nu ntsu'u chalyuu, jua'a̱ lo'o lcaa ca na nu ntsu'u nde cua̱.
29Ntsu'u xi ngu' tya'a ma̱ nu ntyucuatya ngu', masi si'i cuentya ji'i̱ ycui' ca ngu' ntyucuatya ngu' bi', cuentya ji'i̱ jyo'o tya'a ngu' ntyucuatya ngu'. Cua jlya ti' jyo'o ngu' ji'i̱ Jesús lo'o tya lu'ú ngu' chalyuu, pana ná ngulala ji'i̱ jyo'o ntyucuatya li'. ¿Ni cha' laca ntyucuatya ngu' bi' si nga'aa tyu'ú ñati̱ chaca quiya' lo'o cua ngujuii ngu'?
30Lo'o cuare, quiña'a̱ tsa cha' cuxi ndyacua ji'i̱ ya ca su ndya'a̱ ya tyijyu'; ná tsaa ya tsiya' ti si ná jlo ti' ya cha' cua ndyu'ú Jesús chaca quiya'. 31Lo'o na', cua ña'a̱ ca tsa̱ cua cajaa ti na' xqui'ya Cristo; pana ná talo na' cua'ni na' cña bi' si ná ndyu'ú Jesús chaca quiya'. Lo'o juani tso'o tsa ntsu'u tyiquee na' cha' ngusñi ma̱ cha' ji'i̱ Jesucristo nu Xu'na na, tyu̱u̱ tya'a cu'ma̱ ca quichi̱ Corinto bi'. 32Lo'o nguta'a̱ na' ca quichi̱ Efeso, lye tsa ngua'ni lya' ti' ngu' quichi̱ bi' 'na; tyaala tsa ngua'ni ngu' 'na, hasta ngusu̱u̱ tya'a ngu' lo'o na' ñi'ya̱ ndu'ni na'ni tyaala. ¿Ni cha' laca ndya'a̱ na' cajua si ná jlo ti' na' cha' cua ndyu'ú Jesús chaca quiya'? Si'i ngana ndya'a̱ na' cajua. Ntsu'u ñati̱ nu nchcui' ndi'ya̱: “Cacu na tyaja, co'o na lcui, cha' la quee ti cajaa na”, ndu'ni ngu' lo'o na. Jua'a̱ cua'ni na' si ná jlo ti' na' cha' lu'ú Jesús.
33Chañi tsa laca cha' nu nchcui' ñati̱ ndi'ya̱: “Si xcui' lo'o ñati̱ cuxi ndya'a̱ na, xtyanu na ji'i̱ cha' tso'o nu ndu'ni na li'”. Ná tucuá ma̱ cha' ji'i̱ ñati̱ nu ñacui̱ cha' ná caca cuxi tyiquee na lo'o ndu'ni na cha' cuxi. 34Nga'a̱ cha' xtyanu ma̱ ji'i̱ cha' cuxi nu ndyu'ni ma̱, xana culacua tso'o ti' ma̱ li'; tso'o ti cua'ni ma̱ lo'o tya'a ma̱. Nti' na' cha' ntsu'u xi cu'ma̱ nu bilya ca cuayá' tso'o ti' ma̱ cha' ji'i̱ ycui' Ndyosi, bi' cha' nchcui' na' lo'o ma̱ jua'a̱ cha' caca tyuju'u ti' ma̱.
Ñi'ya̱ ña'a̱ ngu' lo'o tyu'ú ngu' chaca quiya'
35Ná tyiquee' xcuane ma̱ 'na ndi'ya̱: “¿Ñi'ya̱ caca tyu'ú ñati̱ nu cua ngujuii? ¿Ñi'ya̱ ña'a̱ tyucui ña'a̱ ngu' bi', nu lo'o tyu'ú ngu' chaca quiya'?” 36Ná tso'o ndyu'u cha' si chcui' ma̱ jua'a̱. Lo'o cataa na sca si'yu ni, catsu' scua' si'yu bi' ñi'ya̱ laca si na cua ngujuii, cha' tyucua bi' li'. 37Si'i na cua laca ntyucua si'yu lo'o ndyataa na ji'i̱; si'yu ti ndyataa na, masi si'yu trigo, masi xi xa' la si'yu. 38Tiya' la li' ndu'ni ycui' Ndyosi cha' caluu na cuiñii bi' li', ndyaluu ñi'ya̱ nu nga'a̱ cha' caluu bi', cha' sca si'yu caca sca lo na cuiñii. Xqui'ya cha' bi' caca cuayá' ti' na cha' ntsu'u sa scaa ca ña'a̱ sca lo na lu'ú bi', 39ná stu'ba ña'a̱ lcaa lo na bi': tsaca lo ña'a̱ ñati̱ chalyuu, xa' lo ña'a̱ na'ni, xi xa' lo ña'a̱ na'ni lu'be, chaca lo ña'a̱ cualya; ntsu'u sa scaa ca ña'a̱ sca lo na nu ntsu'u chalyuu. 40Ntsu'u na nu nga'a̱ nde cua̱, cuati jua'a̱ xa' lo na ntsu'u chalyuu. Pana xa' ña'a̱ laca sca na nu nga'a̱ nde cua̱, chaca lo ña'a̱ na nu ntsu'u nde lo yuu chalyuu: 41xa' ña'a̱ xee cuichaa, lo'o jua'a̱ xa' ña'a̱ xee coo', xa' ña'a̱ xee cuii nu nga'a̱ nde cua̱. Jua'a̱ nu cuii bi', si'i sca ti cuayá' ña'a̱ xee bi'. 42La cui' jua'a̱ caca na lo'o tyu'ú na chaca quiya'. Lo'o cua ndyaa jyo'o ne' yuu, catsu' bi' li'; pana lo'o tyu'ú bi' chaca quiya', nga'aa quiñu'u̱ bi' tsiya' ti li'. 43Chiya'a̱ ña'a̱ jyo'o lo'o tyatsi', pana lubii tsa ña'a̱ caca lo'o tyu'ú chaca quiya'; sca na nu xcui' quicha ti ti' laca jyo'o nu tyatsi', pana nguula ti' bi' lo'o tyu'ú chaca quiya'; 44cuaña' tya na laca nu tyatsi', pana xa' ña'a̱ caca tyucui ña'a̱ na nu lo'o tyu'ú na chaca quiya'. Nde chalyuu ti cua'nijo'o cuaña' na, ñi'ya̱ nu laca na juani; pana cha'a̱ tyucui ña'a̱ na cha' caca tyi'i̱ na lo'o ycui' Ndyosi chalyuu nde loo la.
45Ndi'ya̱ nscua lo quityi ji'i̱ ycui' Ndyosi: “Ñati̱ lu'ú ngua Adán nu ñati̱ nu nguti'i̱ chalyuu clyo, lo'o jua'a̱ ycui' Ndyosi laca nu cua nda cresiya ji'i̱ yu”. Jua'a̱ cha' nda quityi cusu'. Tiya' la li' nda Ni ji'i̱ chaca ñati̱ nu ya̱a̱ chalyuu; ngua bi' ñati̱, la cui' ñi'ya̱ nu ngua Adán ñati̱. Pana tso'o la ña'a̱ ñati̱ ngua nu Jesús bi'; cua nda ycui' yu chaca cresiya nu tso'o la ji'i̱ ñati̱, cha' caca stu'ba cha' ji'i̱ yu lo'o ycui' Ndyosi. 46Lo'o ngula na chalyuu tya lyiji caca tso'o tyucui ña'a̱ na cha' caja chalyuu cucui ji'na, cha' tya clyo ndya' na ñi'ya̱ nu laca cuaña' ti na; tiya' la li' ntsu'u cha' caca tso'o tyucui ña'a̱ na cha' taca tsaa tyi'i̱ na lo'o ycui' Ndyosi. 47Lo'o yuu ti ngüiñá Ni ji'i̱ Adán nu nguti'i̱ chalyuu clyo. Pana ca slo ycui' Ndyosi ngutu'u nu chaca ñati̱ nu ya̱a̱ chalyuu ca tiya' la, la cui' Jesucristo nu Xu'na na. 48Ñi'ya̱ laca ñati̱ nu ndya' lo'o yuu ti bi', jua'a̱ laca lcaa na cha' laca na ñati̱ chalyuu; ñi'ya̱ laca Cristo nu ngutu'u ya̱a̱ nde cua̱, jua'a̱ taca caca na si xñi na cha' ji'i̱ yu. 49Lo'o ndi'i̱ na chalyuu, xti ti tyempo talo tyucui ña'a̱ na; pana lo'o tsaa na tyi'i̱ na slo ycui' Ni, li' xa' ña'a̱ caca na. Ñi'ya̱ nu laca ycui' Cristo, jua'a̱ caca na li'.
50Cu'ma̱ tya'a ngusñi na cha' ji'i̱ Cristo, ntsu'u sca cha' nu nti' na' chcui' na' lo'o ma̱: Ñi'ya̱ nu ña'a̱ ti cuaña' na juani, ná caca tyu'u cha' ji'na lo'o ycui' Ndyosi lo'o culo Ni cña lo'o cua ndye chalyuu; ná caca tsaa na ñi'ya̱ nu quicha ti ti' na ca chalyuu cucui nu caca nde loo la, su ná ntsu'u quicha tsiya' ti. 51Nti' na' cha' caca cuayá' ti' ma̱ sca cha' nu bilya cuna ñati̱: Ná lcaa na cajaa na; ntsu'u na nu ña'a̱ lu'ú ti na caca na lo'o qui'ya Ni ji'na, nu lo'o cua tye ti chalyuu. Pana lcaa na tsi tsiya' ca cha'a̱ tyucui ña'a̱ na 52laja lo'o nchquiña ti quiji̱ cloo na. Li' cañi cula'á cui'chcua̱ ji'i̱ ycui' Ndyosi. Lo'o cañi cui'chcua̱ bi', li' tyu'ú lcaa jyo'o nu ngusñi cha' ji'i̱ ycui' Ndyosi lo'o ya̱a̱ ngu' chalyuu; tyu'ú ngu' chaca quiya' cha' nga'aa ntsu'u cha' cajaa ngu' bi' tsiya' ti. Li' xcutsa'a̱ Ni ji'i̱ tyucui ña'a̱ tsaca na. 53Nde chu̱' la lo'o tya ndi'i̱ na chalyuu, ná tso'o ycui' na tsiya' ti, cha' xcui' na quiñu'u̱ ti na; pana nde loo la, tso'o tsa caca tyucui ña'a̱ na, nga'aa ntsu'u cha' quiñu'u̱ na, nga'aa ntsu'u cha' tye na tsiya' ti. 54Lo'o cua ngua nguxcutsa'a̱ Ni ji'i̱ tyucui ña'a̱ na cha' nga'aa quiñu'u̱ na tsiya' ti li', nga'aa caca na ñi'ya̱ nu ngua na tyempo nu nteje tacui; xcutsa'a̱ Ni lcaa cha' ji'na. Li' tyu'u scua sca cha' nu nscua lo quityi cusu' nu nchcui' ndi'ya̱: “Cua ngua'ni tye Ni cha' ndyijii ñati̱ chalyuu, cua ntiji̱loo ycui' Ndyosi ji'i̱ lcaa tya'a ngusu̱u̱ Ni; 55nga'aa caca cua'ni nu xña'a̱ ngana ji'na cha' cajaa na, nga'aa caca cua'ni lya' ti' cha' ti'í bi' ji'na juani”, nacui̱ quityi bi'. 56Ti'í tsa cha' nchca ji'na lo'o ndyijii na xqui'ya cha' ntsu'u tsa qui'ya ji'na. Jlo ti' na cha' ntsu'u qui'ya ji'na, xqui'ya cha' ná ndaquiya' na cña nu ngulo ycui' Ndyosi ji'na tya clyo cha' cua'ni na. 57Pana cua xa' ña'a̱ laca juani, cua nda Ni chacuayá' cha' tyiji̱loo na ji'i̱ nu xña'a̱ xqui'ya cña nu ngua'ni Jesús nu lo'o ndyu'ú yu chaca quiya', bi' cha' quiña'a̱ tsa xlya'be ta na ji'i̱ ycui' Ndyosi lacua.
58Cu'ma̱ tya'a ngusñi na cha' ji'i̱ Jesús, ntsu'u tsa tyiquee na' ña'a̱a̱ ji'i̱ cu'ma̱. Ndi'ya̱ ñacui̱ na' ji'i̱ ma̱, cha' ña'a̱ ti xñi tso'o ma̱ cha' ji'i̱ ycui' Ndyosi, lcaa tsa̱ jlya ti' ma̱ ji'i̱ Ni; xcui' lye tsa cua'ni ma̱ cña ji'i̱ ycui' nu Xu'na na, ná ca taja ti' ma̱ lo'o cua'ni ma̱ cña bi'. Cua jlo ti' ma̱ cha' ná culiji jua'a̱ ti sca cña nu ndyu'ni ma̱ cuentya ji'i̱ ycui' Ndyosi.
Currently Selected:
1 CORINTIOS 15: cta
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
1 CORINTIOS 15
15
Cua ndyu'ú Jesucristo chaca quiya'
1Cu'ma̱ tya'a ngusñi na cha' ji'i̱ Jesús, cua nti' na' cha' tyi'u ti' ma̱ ji'i̱ cha' nu cua ndacha' na' ji'i̱ ma̱ tya clyo, cha' ndu'ni lyaá ycui' Jesús ji'na ji'i̱ nu cuxi; bi' laca cha' nu cua ndyuna ma̱ tya clyo, lo'o juani cua ndyanu tso'o ti cha' bi' ne' cresiya ji'i̱ ma̱. 2Xqui'ya cha' cua nchcui' na' cha' ji'i̱ Jesús lo'o ma̱, bi' cha' ngulaá ma̱ ji'i̱ nu cuxi; lo'o juani tya nga'a̱ cha' taquiya' tso'o ma̱ ji'i̱ cha' bi', cha' ná ngusñi ma̱ ji'i̱ cha' bi' cha' culiji yu'u cha' bi' jua'a̱ ti.
3Tya clyo cua ndacha' na' ji'i̱ ma̱ lcaa cha' ji'i̱ Jesucristo nu cua ngulu'u ngu' 'na. Ndi'ya̱ ngulu'u na' ji'i̱ ma̱, cha' ngujuii Cristo lo crusi cha' cuityi̱ Ni qui'ya nu ntsu'u ji'na; la cui' ñi'ya̱ nu cua nscua lo quityi cusu' cha' caca ji'i̱ Cristo, jua'a̱ ngua. 4Li' nguxatsi' ngu' ji'i̱ jyo'o bi' ne' cuaá; pana lo'o ndu'u scua sna tsa̱, li' ndyu'ú yu chaca quiya'. Cua ndacha' liñi quityi cusu' tya clyo la cha' jua'a̱ caca ji'i̱ nu Cristo bi'. 5Lo'o li' ngulu'u loo Jesús ji'i̱ Pedro, lo'o jua'a̱ ji'i̱ ca ta'a tii chaca ngu' nu ngua tsa'a̱ ji'i̱ tya clyo. 6Tiya' la li' ngulu'u loo Jesús ji'i̱ tyu̱u̱ tsa tya'a ñati̱, nteje tacui ca'yu siyento tya'a ñati̱ nu ndi'i̱ se'i̱ ti li'. Lo'o ña'a̱ ti tya tyu̱u̱ tya'a ngu' bi' tya lu'ú ngu', masi ntsu'u xi ngu' bi' nu cua ngujuii. 7Lo'o li' ngulu'u loo Jesús ji'i̱ Jacobo, lo'o jua'a̱ ji'i̱ lcaa tya'a ngu' nu ndya'a̱ nchcui' cha' ji'i̱ Jesús lo'o ñati̱ tyijyu' la.
8Su cua ndye li', lo'o 'na ngulu'u loo Ni 'na, masi ná ntsu'u cha' cua'ni Ni lo'o na' jua'a̱. Laca na' ñi'ya̱ si laca̱ sca cubi' nu ngula cuañi' ti, cha' ná lo'o na' nguta'a̱ na' lo'o ñati̱ nu ngua tsa'a̱ tya clyo. 9Ná tso'o na' tsiya' ti nti' na', masi ngusubi Ni 'na cha' sañi na' cha' ji'i̱ Jesús ca xa' quichi̱ tyijyu', cha' ntsu'u xa' la ngu' tya'a ya nu nchca la ji'i̱ ngu' cua'ni ngu' cña bi'. Ná stu'ba na' lo'o ngu' bi', cha' tya tsubi' la lya' tsa ti' na' ji'i̱ lcaa ñati̱ ji'i̱ Jesucristo. 10Pana tya'na ti' ycui' Ndyosi, bi' cha' tso'o ti ntsu'u tyiquee Ni ña'a̱ Ni jna'; jua'a̱ ngua'ni Ni cha' ndya'a̱ na' cña ji'i̱ Ni li'. Ni si'i na nguliji yu'u cha' bi' jua'a̱ ti lo'o ngua'ni Ni cha' tso'o lo'o na'; masi lo'o nu xa' la ngu' tya'a ya ndyu'ni ngu' la cui' cña nu ndyu'ni na', pana tlyu la cña ntsu'u jna' que ngu' bi'. Si'i na nchca tsa 'na, pana ycui' Ndyosi laca nu ndu'ni lo'o na' cha' caca chcui' na' lo'o ñati̱, cha' tso'o ti ntsu'u tyiquee Ni ña'a̱ Ni 'na. 11Lo'o juani ná ndu'ni cha' jna' tilaca laca nu nchcui' lo'o ma̱, masi nchcui' na', masi nchcui' xa' la ñati̱; sca ti cuayá' nchcui' lcaa ya lo'o nchcui' ya cha' bi' lo'o ñati̱, la cui' ti cha' nu cua ngusñi ma̱.
Tyu'ú ñati̱ chaca quiya' lo'o cua ngujuii ngu'
12Chañi laca cha' nu nda ya lo'o cu'ma̱, cha' cua ndyu'ú Cristo chaca quiya' lo'o ngujuii yu. ¿Ni cha' laca lacua nchcui' xi ñati̱ tya'a cu'ma̱ cha' nga'aa ntsu'u cha' tyu'ú ñati̱ chaca quiya' lo'o cua ngujuii ngu'? 13Si chañi laca cha' nga'aa ntsu'u cha' tyu'ú ñati̱ chaca quiya' lo'o cua ngujuii ngu', ni ycui' Cristo ná ndyu'ú yu lo'o cua ngujuii yu lacua. 14Na ñilo'o ngu' ji'na si jua'a̱, ni ná caja cha' nu ta ya lo'o ma̱ li', si cha' cuiñi laca cha' ndyu'ú Cristo chaca quiya'. Jua'a̱ ná caja cha' ji'i̱ Jesús nu xñi ma̱ si chañi cha' nga'aa ndyu'ú yu bi'. 15La cui' ti ngu' cuiñi laca ya cuentya ji'i̱ ycui' Ndyosi si ná ngua jua'a̱. Cua nchcui' ya tya clyo cha' cua ndyu'ú Cristo chaca quiya' chacuayá' ji'i̱ ycui' Ndyosi; pana ná ngua cua'ni ycui' Ndyosi jua'a̱ lo'o Jesús, si nga'aa caca tyu'ú ñati̱ chaca quiya' lo'o cua ngujuii ngu'. 16Ná chañi cha' ndyu'ú Cristo chaca quiya' lo'o cua ngujuii yu si nga'aa caca tyu'ú ñati̱ chaca quiya'. 17La cui' ti ná ntsu'u cha' xñi ma̱ cha' ji'i̱ Jesús si jua'a̱ ngua, cha' ná ndyu'ú yu chaca quiya' li', ña'a̱ ti tya ntsu'u qui'ya chu̱' ma̱ lacua. 18Lo'o jua'a̱ lcaa jyo'o cusu' nu ngusñi cha' ji'i̱ Cristo tya tsubi' la, cua nguna' cha' ji'i̱ ngu' bi' si jua'a̱. 19Tso'o tsa cha' si'i sca ti nde chalyuu su ndu̱ ti' na ji'i̱ Cristo cha' ña'a̱ na ji'i̱. Si nde chalyuu ti xtyucua Cristo ji'na, xñi'i̱ tsa ti' na caca na su ndi'i̱ na li'; xñi'i̱ la ti' na caca na que lcaa ngu', nti' na'. Pana ná ndyaca jua'a̱ lo'o na, cha' cua ndyu'ú Cristo chaca quiya'.
20Chañi tsa cha' cua ndyu'ú Cristo chaca quiya' lacua. Lo'o ca tiya' la, li' tyu'ú quiña'a̱ la ñati̱ chaca quiya', lcaa ñati̱ nu ntsu'u cha' ji'i̱ ngu' lo'o Cristo; tyu'ú jyo'o su ntsiya nguatsi' nquicha', xa' tyu'ú ngu' chaca quiya', li' tsaa ngu' tyi'i̱ ngu' lo'o Cristo. Pana juani cua yala la ndyu'ú Cristo chaca quiya' cha' ta na cuentya ñi'ya̱ caca cha' bi'. 21Xqui'ya qui'ya nu ntsu'u ji'i̱ sca ti ñati̱, bi' cha' ntsu'u cha' ndyijii na; la cui' jua'a̱ sca ñati̱ ngua nu ngua'ni cha' tyu'ú na chaca quiya', masi cua ngujuii na. 22Adán naa ñati̱ nu ngutu'u tucua chalyuu clyo, lo'o lcaa na laca na ñati̱ nu ngutu'ú ji'i̱ jyo'o Adán tiya' la, bi' cha' ntsu'u cha' ndyijii na nde chalyuu. Cristo laca nu ñati̱ nu ndyu'ú chaca quiya' bi', xqui'ya bi' taca tyu'ú na chaca quiya' si ntsu'u cha' ji'na lo'o nu Cristo bi'. 23Ntsu'u ñi'ya̱ caca cha' re: tya clyo cua ndyu'ú ycui' Cristo chaca quiya'; tiya' la lo'o tyalaa tsa̱ nu ca̱a̱ Cristo chaca quiya', li' tyu'ú na, lcaa na nu ntsu'u cha' ji'na lo'o ycui' Ni; 24li' tye chalyuu. Cua'ni tye Cristo ji'i̱ lcaa nu laca loo, ji'i̱ lcaa ngu' tisiya, ji'i̱ lcua ti ña'a̱ ñati̱ nu nxu̱u̱ tya'a lo'o ycui' Ndyosi. Li' chaca quiya' tya Jesús lcaa chacuayá' nu cua nda ycui' Ndyosi ji'i̱ tya clyo, cha' caca Ni loo ji'i̱ lcua ti lo ñati̱ li'. 25Ndi'ya̱ ndyaca cha': Juani tya ntsu'u chacuayá' culo Jesús cña ji'i̱ lcaa ñati̱, ña'a̱ cuayá' cua'ni tye ycui' Ndyosi ji'i̱ lcaa ñati̱ nu nxu̱u̱ tya'a lo'o Jesús. 26Lo'o cua ndye lcaa cha', li' cua'ni tye Ni cha' ndyijii ñati̱. 27Pana juani ti cua nda ycui' Ndyosi Sti yu lcaa chacuayá' ji'i̱ Sñi' Ni, cha' caca Cristo loo ji'i̱ lcaa lo na nu ntsu'u chalyuu. Nu lo'o nacui̱ quityi cha' lcaa na tsiya' ti caca cuentya ji'i̱ Cristo, cua jlo ti' na cha' ná lo'o ji'i̱ ycui' Ndyosi Sti yu culo Cristo cña, cha' ycui' Ni laca nu cua nda chacuayá' ji'i̱ Sñi' Ni tya clyo; ná nchcui' Ni cha' ji'i̱ ycui' ca Ni li'. 28Tiya' la li', nu lo'o cua ndaquiya' lcaa lo na nu ntsu'u chalyuu ji'i̱ Cristo, li' tsaa Jesús ca su ntucua ycui' Ndyosi Sti yu, lo'o li' xa' tya Jesús lcaa cña cuentya ji'i̱ ycui' Ndyosi Sti yu chaca quiya'. Bi' laca nu cua nda chacuayá' ji'i̱ Cristo tya clyo, cha' laca yu Sñi' ycui' Ni. Lo'o li' sca ti ycui' Ndyosi caca loo ji'i̱ lcaa ca na nu ntsu'u chalyuu, jua'a̱ lo'o lcaa ca na nu ntsu'u nde cua̱.
29Ntsu'u xi ngu' tya'a ma̱ nu ntyucuatya ngu', masi si'i cuentya ji'i̱ ycui' ca ngu' ntyucuatya ngu' bi', cuentya ji'i̱ jyo'o tya'a ngu' ntyucuatya ngu'. Cua jlya ti' jyo'o ngu' ji'i̱ Jesús lo'o tya lu'ú ngu' chalyuu, pana ná ngulala ji'i̱ jyo'o ntyucuatya li'. ¿Ni cha' laca ntyucuatya ngu' bi' si nga'aa tyu'ú ñati̱ chaca quiya' lo'o cua ngujuii ngu'?
30Lo'o cuare, quiña'a̱ tsa cha' cuxi ndyacua ji'i̱ ya ca su ndya'a̱ ya tyijyu'; ná tsaa ya tsiya' ti si ná jlo ti' ya cha' cua ndyu'ú Jesús chaca quiya'. 31Lo'o na', cua ña'a̱ ca tsa̱ cua cajaa ti na' xqui'ya Cristo; pana ná talo na' cua'ni na' cña bi' si ná ndyu'ú Jesús chaca quiya'. Lo'o juani tso'o tsa ntsu'u tyiquee na' cha' ngusñi ma̱ cha' ji'i̱ Jesucristo nu Xu'na na, tyu̱u̱ tya'a cu'ma̱ ca quichi̱ Corinto bi'. 32Lo'o nguta'a̱ na' ca quichi̱ Efeso, lye tsa ngua'ni lya' ti' ngu' quichi̱ bi' 'na; tyaala tsa ngua'ni ngu' 'na, hasta ngusu̱u̱ tya'a ngu' lo'o na' ñi'ya̱ ndu'ni na'ni tyaala. ¿Ni cha' laca ndya'a̱ na' cajua si ná jlo ti' na' cha' cua ndyu'ú Jesús chaca quiya'? Si'i ngana ndya'a̱ na' cajua. Ntsu'u ñati̱ nu nchcui' ndi'ya̱: “Cacu na tyaja, co'o na lcui, cha' la quee ti cajaa na”, ndu'ni ngu' lo'o na. Jua'a̱ cua'ni na' si ná jlo ti' na' cha' lu'ú Jesús.
33Chañi tsa laca cha' nu nchcui' ñati̱ ndi'ya̱: “Si xcui' lo'o ñati̱ cuxi ndya'a̱ na, xtyanu na ji'i̱ cha' tso'o nu ndu'ni na li'”. Ná tucuá ma̱ cha' ji'i̱ ñati̱ nu ñacui̱ cha' ná caca cuxi tyiquee na lo'o ndu'ni na cha' cuxi. 34Nga'a̱ cha' xtyanu ma̱ ji'i̱ cha' cuxi nu ndyu'ni ma̱, xana culacua tso'o ti' ma̱ li'; tso'o ti cua'ni ma̱ lo'o tya'a ma̱. Nti' na' cha' ntsu'u xi cu'ma̱ nu bilya ca cuayá' tso'o ti' ma̱ cha' ji'i̱ ycui' Ndyosi, bi' cha' nchcui' na' lo'o ma̱ jua'a̱ cha' caca tyuju'u ti' ma̱.
Ñi'ya̱ ña'a̱ ngu' lo'o tyu'ú ngu' chaca quiya'
35Ná tyiquee' xcuane ma̱ 'na ndi'ya̱: “¿Ñi'ya̱ caca tyu'ú ñati̱ nu cua ngujuii? ¿Ñi'ya̱ ña'a̱ tyucui ña'a̱ ngu' bi', nu lo'o tyu'ú ngu' chaca quiya'?” 36Ná tso'o ndyu'u cha' si chcui' ma̱ jua'a̱. Lo'o cataa na sca si'yu ni, catsu' scua' si'yu bi' ñi'ya̱ laca si na cua ngujuii, cha' tyucua bi' li'. 37Si'i na cua laca ntyucua si'yu lo'o ndyataa na ji'i̱; si'yu ti ndyataa na, masi si'yu trigo, masi xi xa' la si'yu. 38Tiya' la li' ndu'ni ycui' Ndyosi cha' caluu na cuiñii bi' li', ndyaluu ñi'ya̱ nu nga'a̱ cha' caluu bi', cha' sca si'yu caca sca lo na cuiñii. Xqui'ya cha' bi' caca cuayá' ti' na cha' ntsu'u sa scaa ca ña'a̱ sca lo na lu'ú bi', 39ná stu'ba ña'a̱ lcaa lo na bi': tsaca lo ña'a̱ ñati̱ chalyuu, xa' lo ña'a̱ na'ni, xi xa' lo ña'a̱ na'ni lu'be, chaca lo ña'a̱ cualya; ntsu'u sa scaa ca ña'a̱ sca lo na nu ntsu'u chalyuu. 40Ntsu'u na nu nga'a̱ nde cua̱, cuati jua'a̱ xa' lo na ntsu'u chalyuu. Pana xa' ña'a̱ laca sca na nu nga'a̱ nde cua̱, chaca lo ña'a̱ na nu ntsu'u nde lo yuu chalyuu: 41xa' ña'a̱ xee cuichaa, lo'o jua'a̱ xa' ña'a̱ xee coo', xa' ña'a̱ xee cuii nu nga'a̱ nde cua̱. Jua'a̱ nu cuii bi', si'i sca ti cuayá' ña'a̱ xee bi'. 42La cui' jua'a̱ caca na lo'o tyu'ú na chaca quiya'. Lo'o cua ndyaa jyo'o ne' yuu, catsu' bi' li'; pana lo'o tyu'ú bi' chaca quiya', nga'aa quiñu'u̱ bi' tsiya' ti li'. 43Chiya'a̱ ña'a̱ jyo'o lo'o tyatsi', pana lubii tsa ña'a̱ caca lo'o tyu'ú chaca quiya'; sca na nu xcui' quicha ti ti' laca jyo'o nu tyatsi', pana nguula ti' bi' lo'o tyu'ú chaca quiya'; 44cuaña' tya na laca nu tyatsi', pana xa' ña'a̱ caca tyucui ña'a̱ na nu lo'o tyu'ú na chaca quiya'. Nde chalyuu ti cua'nijo'o cuaña' na, ñi'ya̱ nu laca na juani; pana cha'a̱ tyucui ña'a̱ na cha' caca tyi'i̱ na lo'o ycui' Ndyosi chalyuu nde loo la.
45Ndi'ya̱ nscua lo quityi ji'i̱ ycui' Ndyosi: “Ñati̱ lu'ú ngua Adán nu ñati̱ nu nguti'i̱ chalyuu clyo, lo'o jua'a̱ ycui' Ndyosi laca nu cua nda cresiya ji'i̱ yu”. Jua'a̱ cha' nda quityi cusu'. Tiya' la li' nda Ni ji'i̱ chaca ñati̱ nu ya̱a̱ chalyuu; ngua bi' ñati̱, la cui' ñi'ya̱ nu ngua Adán ñati̱. Pana tso'o la ña'a̱ ñati̱ ngua nu Jesús bi'; cua nda ycui' yu chaca cresiya nu tso'o la ji'i̱ ñati̱, cha' caca stu'ba cha' ji'i̱ yu lo'o ycui' Ndyosi. 46Lo'o ngula na chalyuu tya lyiji caca tso'o tyucui ña'a̱ na cha' caja chalyuu cucui ji'na, cha' tya clyo ndya' na ñi'ya̱ nu laca cuaña' ti na; tiya' la li' ntsu'u cha' caca tso'o tyucui ña'a̱ na cha' taca tsaa tyi'i̱ na lo'o ycui' Ndyosi. 47Lo'o yuu ti ngüiñá Ni ji'i̱ Adán nu nguti'i̱ chalyuu clyo. Pana ca slo ycui' Ndyosi ngutu'u nu chaca ñati̱ nu ya̱a̱ chalyuu ca tiya' la, la cui' Jesucristo nu Xu'na na. 48Ñi'ya̱ laca ñati̱ nu ndya' lo'o yuu ti bi', jua'a̱ laca lcaa na cha' laca na ñati̱ chalyuu; ñi'ya̱ laca Cristo nu ngutu'u ya̱a̱ nde cua̱, jua'a̱ taca caca na si xñi na cha' ji'i̱ yu. 49Lo'o ndi'i̱ na chalyuu, xti ti tyempo talo tyucui ña'a̱ na; pana lo'o tsaa na tyi'i̱ na slo ycui' Ni, li' xa' ña'a̱ caca na. Ñi'ya̱ nu laca ycui' Cristo, jua'a̱ caca na li'.
50Cu'ma̱ tya'a ngusñi na cha' ji'i̱ Cristo, ntsu'u sca cha' nu nti' na' chcui' na' lo'o ma̱: Ñi'ya̱ nu ña'a̱ ti cuaña' na juani, ná caca tyu'u cha' ji'na lo'o ycui' Ndyosi lo'o culo Ni cña lo'o cua ndye chalyuu; ná caca tsaa na ñi'ya̱ nu quicha ti ti' na ca chalyuu cucui nu caca nde loo la, su ná ntsu'u quicha tsiya' ti. 51Nti' na' cha' caca cuayá' ti' ma̱ sca cha' nu bilya cuna ñati̱: Ná lcaa na cajaa na; ntsu'u na nu ña'a̱ lu'ú ti na caca na lo'o qui'ya Ni ji'na, nu lo'o cua tye ti chalyuu. Pana lcaa na tsi tsiya' ca cha'a̱ tyucui ña'a̱ na 52laja lo'o nchquiña ti quiji̱ cloo na. Li' cañi cula'á cui'chcua̱ ji'i̱ ycui' Ndyosi. Lo'o cañi cui'chcua̱ bi', li' tyu'ú lcaa jyo'o nu ngusñi cha' ji'i̱ ycui' Ndyosi lo'o ya̱a̱ ngu' chalyuu; tyu'ú ngu' chaca quiya' cha' nga'aa ntsu'u cha' cajaa ngu' bi' tsiya' ti. Li' xcutsa'a̱ Ni ji'i̱ tyucui ña'a̱ tsaca na. 53Nde chu̱' la lo'o tya ndi'i̱ na chalyuu, ná tso'o ycui' na tsiya' ti, cha' xcui' na quiñu'u̱ ti na; pana nde loo la, tso'o tsa caca tyucui ña'a̱ na, nga'aa ntsu'u cha' quiñu'u̱ na, nga'aa ntsu'u cha' tye na tsiya' ti. 54Lo'o cua ngua nguxcutsa'a̱ Ni ji'i̱ tyucui ña'a̱ na cha' nga'aa quiñu'u̱ na tsiya' ti li', nga'aa caca na ñi'ya̱ nu ngua na tyempo nu nteje tacui; xcutsa'a̱ Ni lcaa cha' ji'na. Li' tyu'u scua sca cha' nu nscua lo quityi cusu' nu nchcui' ndi'ya̱: “Cua ngua'ni tye Ni cha' ndyijii ñati̱ chalyuu, cua ntiji̱loo ycui' Ndyosi ji'i̱ lcaa tya'a ngusu̱u̱ Ni; 55nga'aa caca cua'ni nu xña'a̱ ngana ji'na cha' cajaa na, nga'aa caca cua'ni lya' ti' cha' ti'í bi' ji'na juani”, nacui̱ quityi bi'. 56Ti'í tsa cha' nchca ji'na lo'o ndyijii na xqui'ya cha' ntsu'u tsa qui'ya ji'na. Jlo ti' na cha' ntsu'u qui'ya ji'na, xqui'ya cha' ná ndaquiya' na cña nu ngulo ycui' Ndyosi ji'na tya clyo cha' cua'ni na. 57Pana cua xa' ña'a̱ laca juani, cua nda Ni chacuayá' cha' tyiji̱loo na ji'i̱ nu xña'a̱ xqui'ya cña nu ngua'ni Jesús nu lo'o ndyu'ú yu chaca quiya', bi' cha' quiña'a̱ tsa xlya'be ta na ji'i̱ ycui' Ndyosi lacua.
58Cu'ma̱ tya'a ngusñi na cha' ji'i̱ Jesús, ntsu'u tsa tyiquee na' ña'a̱a̱ ji'i̱ cu'ma̱. Ndi'ya̱ ñacui̱ na' ji'i̱ ma̱, cha' ña'a̱ ti xñi tso'o ma̱ cha' ji'i̱ ycui' Ndyosi, lcaa tsa̱ jlya ti' ma̱ ji'i̱ Ni; xcui' lye tsa cua'ni ma̱ cña ji'i̱ ycui' nu Xu'na na, ná ca taja ti' ma̱ lo'o cua'ni ma̱ cña bi'. Cua jlo ti' ma̱ cha' ná culiji jua'a̱ ti sca cña nu ndyu'ni ma̱ cuentya ji'i̱ ycui' Ndyosi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.