2 Corintios 1
1
Cartapa qallanan
1Corinto markachö#Hech. 18.1. y Acaya provinciachö këkaq markäkuqkuna:
Teyta Dios akramashqa kaptinmi Jesucristupa apostolnin kar noqa Pablo wawqintsik Timoteuwan kë cartata cartakayämü. 2Yayantsik Teyta Dios y Señor Jesucristo ankupäyäshurniki alli kawayänëkipaq yanapëkulläyäshï.
Ima jipakïchö kashqapis Teyta Dios yanapamanqantsik
3¡Señor Jesucristupa Teytan Dios alabashqa këkullätsun! Pëmi ankupämantsik y imëpis kallpatsamantsik. 4Ima jipakïchö kashqapis kallpatsämantsik noqantsikpis markäkuq mayintsikkuna jipayaptin kallpatsänantsikpaqmi. Tsëmi Teyta Dios kallpatsamashqantsiknö wakinkunatapis kallpatsantsik.
5Noqakunatapis Jesucristuman markäkuyashqäpita nunakuna jipatsiyämaptin Jesucristuwanmi Teyta Dios kallpatsayäman mana ajayashpa pëman markäkuyänäpaq. 6Tsënö kallpatsayämaptinmi shumaq käyiyä qamkunatapis kallpatsayänaqpaq kashqanta. Tsënöpam jipayaptïpis salvacionta chaskir kushikuyanki. Tsëmi noqakuna jipayashqänö jiparpis Teyta Diosman mana ajayashpa markäkuyanki. 7Musyayämi noqakunanö jipayaptikipis noqakunatanö Teyta Dios yanapayäshunëkipaq kashqanta.
8Wawqikuna y panikuna, Asia provinciachö nunakuna alläpam jipatsiyämashqa. Tsënö jipatsiyämaptin mana awantarmi kawayänäpaq kashqantapis yarpäyarqänatsu.#1Cor. 15.32. 9Wanutsiyämänanpaq kashqanta yarparmi käyikuyarqä kikïkunallapitaqa imatapis mana puëdiyashqäta. Tsënöpam yachakuyarqä wanuqkunata kawaritsimuq Teyta Diosman mas markäkïta.
10Wanutsiyämänanpaq kashqanta yarpäyaptïpis Teyta Diosmi salvayämashqa. Manam tsëllachötsu yanapayämashqa, sinöqa imëpis yanapëkäyämanmi. 11Teyta Diosta noqakunapaq mañakur qamkunapis yanapëkäyämankim. Tsënö atskaq mañakuyaptinmi pëta atskaq payllä nikuyanqa.
Corintuman Pablo imanir mana ëwanqan
12Qamkunata ni wakinkunatapis mana ulipashpa y mana engañashpam kawëkäyä. Rasunpa tsënö kayashqäta mana penqakushpam niyaq. Tsënö alli kawayänäpaqmi Teyta Dios imachöpis yanapëkäyäman. 13Cartakayämushqächöpis käyiyänëkipaq kaqllatam qellqayämurqü. Ima shumaqraq käyikuyankiman. 14Kanan mana käyirpis Señor Jesucristo kutimuptin noqakuna qamkunapita kushikuyashqänömi qamkunapis noqakunapita kushikuyanki.
15Shumaq käyiyänëkipaq kashqanta yarparmi Macedonia provinciapa shamur qamkuna kaqman puntata chämïta yarpäyarqä. Yarpäyashqänö kaptinqa qamkuna kaqman ishkë kutinam chäyämüman karqan. 16Puntataqa Macedonia provinciapa pasaqnöllam chämïta yarpäyarqä. Kutimurpis yapë chämïtam yarpäyarqä. Qamkuna kaqman chäyämuptï Judeamanna ëwayänäpaq yanapayämänëkitam munayarqä.#Hech. 19.21.
17Tsënö kaptinpis manam yarpäyashqänötsu kashqa. Willakatsimushqänö mana shayämuptï ¿imanirtaq wakinniki niyanki shumaq mana yarpakachärishpa willakatsimushqäta? ¿Imanirtaq yarpäyanki änikurirpis mana shayämunäpaq kashqanta? 18Mana cumpliyänäpaq kashqanta musyëkarqa noqakuna imëpis manam änikuyätsu. 19Teyta Diospa Tsurin Jesucristupis kë patsachö kar rasun kaqllatam pïmëtapis nirqan. Pëpa willakïnintam Silvanupis#1.19 Silvanupa juk kaq shutinmi Silas (Hech. 15.22, 40)., Timoteupis y noqapis qamkuna kaqchö willakuyarqü.#Hech. 18.5. 20Jesucristuta kachamurmi Teyta Dios llapan änikushqankunata cumplikan. Tsëmi Jesucristuman markäkur Teyta Diosta alabar <<¡Tsënö këkullätsun!>> nintsik.
21Pëta sirwinantsikpaq churamarnintsikmi Jesucristuman mana ajayashpa markäkunantsikpaq yanapamantsik. 22Tsënöllam shonquntsikchö kananpaq Espíritu Santuta kachamur pëllapana kanantsikpaq sellamarquntsik.#Efe. 1.13; 4.30. Espíritu Santuta chaskirmi musyantsik Teyta Dios llapan änimashqantsikta cumplinanpaq kashqanta.
23Wawqikuna y panikuna, Teyta Diospa shutinchömi rasun kaqta kënö nï: Shamïta yarparpis qamkunawan piñatsinakïta mana munarmi shamurqüraqtsu. 24Qamkunata mandar sientitsiyänaqpa rantinqa qamkunawan juntum Teyta Diosta sirwita munayä. Tsënöpam Teyta Diosman markäkur qamkunapis kushishqa kawayanki.
Currently Selected:
2 Corintios 1: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.