1 Juan 1
1
1Kawatsikuq Palabra imanö kashqantam#1.1 Kawatsikuq Palabraqa Jesucristum. qamkunaman qellqamü. Pëqa imapis manaraq kaptinmi karqanna.#Juan 1.1; 1Juan 2.13-14. Pëtam rikäyarqä, yatayarqä y parlashqantapis wiyayarqä. 2Tsë Kawatsikuqta Teyta Dios kachamuptinmi pëta rikäyarqä.#Juan 1.14, 18. Tsëmi willapäyaq wiñë kawëta qomaqnintsik kashqanta. Pëmi Teyta Dioswan këkashqanpita noqantsikkunaman shamushqa. 3Rikäyashqäta y wiyayashqätam qamkunata musyatsiyaq. Tsënöpam Teyta Diospa y Tsurin Jesucristupa nöpanchö kawayashqänö qamkunapis pëpa nöpanchö kawakuyanki. 4Tsëkunatam qellqamü kushishqa kawanantsikpaq.
Jutsata mana rurashpa kawanantsikpaq ninqan
5Jesucristo yachatsiyämashqanllatam willayaq: Teyta Diosqa aktsim. Pëchöqa manam ima paqaspis kantsu.#1.5 Teyta Dios aktsi kar pëchö ima paqaspis mana kashqanta nirqa jutsannaq kashqantam nikan. 6Tsëmi mëqantsikpis <<Teyta Dios munashqannömi kawëkä>> nikar jutsata rurarqa ulikïkantsik. Tsënö kawarqa manam rasunpatsu Teyta Dios munashqannö kawëkantsik. 7Teyta Dios atsikyëchö kashqannömi noqantsikpis atsikyëchö kawar#1.7 Teyta Dios atsikyëchö kashqanta nirqa Teyta Dios rasun kaqllata nishqanta y jutsannaq kashqantam nikan. Noqantsikpis atsikyëchö kawanantsikpaq nirqa Teyta Dios munashqannö kawanantsikpaqmi nikan. juknintsik juknintsik kuyanakïkantsik. Y Tsurin Jesucristum yawarninwan llapan jutsantsikpita paqamantsik.
8Mëqantsikpis <<jutsannaqmi kä>> nirqa manam rasun kaqtatsu parlëkantsik, sinöqa ulikïkantsikmi. 9Jutsata rurashqantsikpita perdonta mañakushqaqa änimashqantsikta cumplirmi Teyta Dios perdonamäshun. Pëqa alli ruraq karmi llapan jutsantsikta paqamäshun.
10<<Noqaqa jutsannaqmi kä>> nirqa pë nishqankunata manakaqmanmi churëkantsik. Tsënö karqa manaran willakïninta chaskikurquntsikraqtsu.#Prov. 20.9.
Currently Selected:
1 Juan 1: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.