VAKATAKILA 4
4
Na Sokalou mai Lomalagi
1Ni oti oqo, a sa qai dua tale na noqu raivotu ka'u a raica kina e dua na katuba ni sa tadola tu mai lomalagi. Sa qai voqa tale mai na domo vata ga o ya sa vaka na domo ni davui ka'u a rogoca eliu, ni sa kaya, “Mo lako cake mai ki ke, ka me'u vakatakila vei iko na veika ena yaco ena gauna mai muri.” 2#Isi 1.26-28; 10.1A vakasauri ga ni sa vakauti au na Yalo Tabu. Au sa raica sara na i tikotiko vakaturaga mai lomalagi ka sa dabe toka kina e dua. 3Na mata i koya sa dabe toka kina e sa vaka na i rairai ni vatu jasipa kei na kaneliani, ka sa vakavolivolita na i tikotiko vakaturaga e dua na drodrolagi sa vaka na emeralita na kena i rairai. 4Era sa tuva wavokita tu na i tikotiko vakaturaga e ruasagavulukava tale na i tikotiko vakaturaga, ka ra dabe toka kina e lewe ruasagavulukava na qase era sa vakaisulu vulavula ka tokara na i sala koula e uludra. 5A sa basika mai na i tikotiko vakaturaga na tibi ni liva, na rorogo domo i levu, kei na vadugu ni kurukuru. A sa caudre tu ena mata ni tikotiko vakaturaga e vitu na cina, ka sa dusia oqo na Yalo ni Kalou e vitu. 6#Isi 1.22 #Isi 1.5-10; 10.14A sa tu talega ena mata ni tikotiko vakaturaga e dua na ka sa vaka na wasa iloilo, sa makare sara me vaka na karisitala.
E ratou sa tiko wavolita na i tikotiko vakaturaga sa toka e lomadonu o iratou na veika bula e va, ka sa sinai tu na yaloka ni mata ena yagodratou mai liu ka vakakina mai dakudratou. 7A sa vaka na laione na i matai ni ka bula; a kena i karua sa vaka na bulumakau tagane; na mata i koya na i katolu ni ka bula sa vaka na tamata; kei na kena i kava sa vaka na ikeli vakatabana. 8#Isi 1.18; 10.12; Aisea 6.2,3O iratou na veika bula e va oqo, e ono taucoko na dui tabadratou yadudua, ka robota tu na yagodratou kece sara na yaloka ni mata, ena ruku ni tabadratou talega. Ia eratou sa sega ga ni cegu ena veisiga kei na veibogi ena nodratou seretaka voli,
“E dodonu, ka tabu, ka savasava
Na Turaga na Kalou Kaukauwa,
A sa bula eliu, sa bula tiko edaidai, ka na bula tikoga.”
9O iratou na veika bula sa ia ga na sere ni vakacaucau kei na vakarokoroko kei na vakavinavinaka kivei koya sa tiko ena i tikotiko vakaturaga, o koya sa bula tikoga ka tawamudu. Ni ratou sa vakayacora oqo, 10era sa bale sobu kecega ena vakarokoroko ena mata i koya sa tiko ena i tikotiko vakaturaga na qase kece sara e ruasagavulukava. Era sa biuta sobu na nodra i sala ena mata ni tikotiko vakaturaga ka kaya,
11“Sa kilikili ga kei kemuni na neimami Turaga ka neimami Kalou,
Me nomuni na lagilagi, na vakarokoroko, kei na kaukauwa.
Ni o ni sa bulia na veika kecega,
Ka sa yavutaki ga mai na nomuni lewa na kena vakataudeitaki na veika buli.”
Currently Selected:
VAKATAKILA 4: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.
VAKATAKILA 4
4
Na Sokalou mai Lomalagi
1Ni oti oqo, a sa qai dua tale na noqu raivotu ka'u a raica kina e dua na katuba ni sa tadola tu mai lomalagi. Sa qai voqa tale mai na domo vata ga o ya sa vaka na domo ni davui ka'u a rogoca eliu, ni sa kaya, “Mo lako cake mai ki ke, ka me'u vakatakila vei iko na veika ena yaco ena gauna mai muri.” 2#Isi 1.26-28; 10.1A vakasauri ga ni sa vakauti au na Yalo Tabu. Au sa raica sara na i tikotiko vakaturaga mai lomalagi ka sa dabe toka kina e dua. 3Na mata i koya sa dabe toka kina e sa vaka na i rairai ni vatu jasipa kei na kaneliani, ka sa vakavolivolita na i tikotiko vakaturaga e dua na drodrolagi sa vaka na emeralita na kena i rairai. 4Era sa tuva wavokita tu na i tikotiko vakaturaga e ruasagavulukava tale na i tikotiko vakaturaga, ka ra dabe toka kina e lewe ruasagavulukava na qase era sa vakaisulu vulavula ka tokara na i sala koula e uludra. 5A sa basika mai na i tikotiko vakaturaga na tibi ni liva, na rorogo domo i levu, kei na vadugu ni kurukuru. A sa caudre tu ena mata ni tikotiko vakaturaga e vitu na cina, ka sa dusia oqo na Yalo ni Kalou e vitu. 6#Isi 1.22 #Isi 1.5-10; 10.14A sa tu talega ena mata ni tikotiko vakaturaga e dua na ka sa vaka na wasa iloilo, sa makare sara me vaka na karisitala.
E ratou sa tiko wavolita na i tikotiko vakaturaga sa toka e lomadonu o iratou na veika bula e va, ka sa sinai tu na yaloka ni mata ena yagodratou mai liu ka vakakina mai dakudratou. 7A sa vaka na laione na i matai ni ka bula; a kena i karua sa vaka na bulumakau tagane; na mata i koya na i katolu ni ka bula sa vaka na tamata; kei na kena i kava sa vaka na ikeli vakatabana. 8#Isi 1.18; 10.12; Aisea 6.2,3O iratou na veika bula e va oqo, e ono taucoko na dui tabadratou yadudua, ka robota tu na yagodratou kece sara na yaloka ni mata, ena ruku ni tabadratou talega. Ia eratou sa sega ga ni cegu ena veisiga kei na veibogi ena nodratou seretaka voli,
“E dodonu, ka tabu, ka savasava
Na Turaga na Kalou Kaukauwa,
A sa bula eliu, sa bula tiko edaidai, ka na bula tikoga.”
9O iratou na veika bula sa ia ga na sere ni vakacaucau kei na vakarokoroko kei na vakavinavinaka kivei koya sa tiko ena i tikotiko vakaturaga, o koya sa bula tikoga ka tawamudu. Ni ratou sa vakayacora oqo, 10era sa bale sobu kecega ena vakarokoroko ena mata i koya sa tiko ena i tikotiko vakaturaga na qase kece sara e ruasagavulukava. Era sa biuta sobu na nodra i sala ena mata ni tikotiko vakaturaga ka kaya,
11“Sa kilikili ga kei kemuni na neimami Turaga ka neimami Kalou,
Me nomuni na lagilagi, na vakarokoroko, kei na kaukauwa.
Ni o ni sa bulia na veika kecega,
Ka sa yavutaki ga mai na nomuni lewa na kena vakataudeitaki na veika buli.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.