VAKATAKILA 3
3
Na i Tukutuku ki Sariti
1“Mo vola vakaoqo vua na agilosi ni soqosoqo lotu mai Sariti:
“Oqo na i tukutuku mai vei koya ka sa tu vua na Yalo ni Kalou e vitu kei na kalokalo e vitu. Au sa kila na nomu cakacaka; au sa kila na kemu i rogorogo ni o sa bula tiko, ia o sa mate ga. 2Mo yadra mai, ka vakaukauwataka na ka e se vo tiko vei iko ni bera ni mate vakadua sara. Au sa kunea ni sa sega ni dua na nomu cakacaka e vakacavari vakavinaka sara ena mata ni noqu Kalou. 3#Maciu 24.43,44; Luke 12.39,40; Vtaki 16.15Mo qai nanuma na veika o sa vakatavulici kina kei na veika o sa rogoca; mo taura matua ka vuki tani mai na nomu i valavala ca. Ia kevaka o na sega ni yadra mai, au na lako vei iko me vaka na daubutako, ka o na sega sara ni kila na gauna ka'u na lako yani kina. 4Ia sa lewe vica ga na tamata vei kemuni mai Sariti o ni sa sega ni vakadukadukalitaka na nomuni i sulu. O ni na lako vata ga kei au, ka vakaisulu vulavula, baleta ni sa veiganiti kaya na nomuni bula. 5#Lako 32.32,33; Same 69.28; Vtaki 20.12; Maciu 10.32; Luke 12.8O ira vakayadua sa rawata na qaqa era na vakaisulu vulavula vakakina vakaoqo, ka'u na sega ni bokoca laivi na yacadra mai na i vola ni bula. Au na vakatusa na yacadra ena mata i Tamaqu kei na matadra na nona agilosi ni ra sa noqu.
6“O koya sa vakadaligana, ia me rogoca sara na ka sa kaya na Yalo Tabu vei ira na veisoqosoqo lotu!
Na i Tukutuku ki Filadelafia
7 #
Aisea 22.22; Jope 12.14 “Mo vola vakaoqo vua na agilosi ni soqosoqo lotu mai Filadelafia:
“Oqo na i tukutuku mai vei koya sa yalosavasava ka dina. Sa taura tu e ligana o koya na ki nei Tevita, ka ni gauna sa dolava kina o koya e dua na katuba, ena sega sara ni dua me na sogota rawa; ia ena gauna sa sogota kina, ena sega sara ni dua me na dolava rawa tale. 8Au sa kila na veika o sa vakayacora tiko. Raica, au sa dolava e dua na katuba e matamu ka na sega ni rawa ni dua me na sogota. Au sa kila ni sa vo vakalailai ga na nomu kaukauwa, ia o sa maroroya tikoga na noqu vosa ka sega ni cakitaka na yacaqu. 9#Aisea 49.23; 60.14; Aisea 43.4Rogoca! Me baleta ira na i vavakoso i Setani, o ira era sa kaya voli ni ra Jiu ia era sa lasu ga, au na vakayacora me ra lako mai ka cuva e yavamu. Era na qai kila kina ni'u sa daulomani iko. 10Me vaka ni o sa maroroya na noqu vosa mo bula qaqa kina ena vosota, au na maroroi iko vakakina ena gauna ni rarawa sa voleka ni yaco mai oqo ki vuravura taucoko, me vakatovolei na tamata kecega e vuravura. 11Sa voleka sara na noqu lesu yani. Taura matua na ka sa tu vei iko, me kakua kina ni dua e kovea na nomu i cocovi ni qaqa. 12#Vtaki 21.2; Aisea 62.2; 65.15Ia au na vakayacori ira sa rawata na qaqa me ra duru ni vale tabu ni noqu Kalou, ka ra na sega vakadua tale ni lako tani mai kina. Au na vola vei ira na yaca ni noqu Kalou kei na yaca ni koro ni noqu Kalou, o Jerusalemi vou, o koya me na lako sobu mai lomalagi mai vua na noqu Kalou. Io, ka'u na vola talega vei ira na yacaqu vou.
13“O koya sa vakadaligana, ia me rogoca sara na ka sa tukuna na Yalo Tabu vei ira na veisoqosoqo lotu!
Na i Tukutuku ki Leotisea
14 #
Vbale 8.22
“Mo vola vakaoqo vua na agilosi ni soqosoqo lotu mai Leotisea:
“Oqo na i tukutuku mai vua na Emeni, o koya sa dau tukuna na ka dodonu ka dina, na i vakatekivu ni veika kecega sa bulia na Kalou. 15Au sa kila na veika o sa vakayacora; ka'u sa kila ni o sa sega ni batabata se katakata. Au sa diva ga kina mo a dua ga vei rau, mo batabata ga se mo katakata. 16Ia me vaka ga ni o sa bula veilaroi vakaoqo, ni o sa sega ni batabata se katakata, au na luaraki iko tani kina mai na gusuqu! 17Ni o sa kaya tiko, ‘Au sa vutuniyau ka'u sa rawati au vakavinaka; sa tu taucoko vei au na ka.’ Ia o sa sega ga ni kila na levu ni nomu vakaloloma kei na veilecayaki! O sa dravudravua ga, ka mataboko, ka luvawale! 18Au sa vakasalataki iko kina vakaoqo mo mai volia vei au na koula sa vakatovolei ena buka, mo vutuniyau kina. Volia talega na i sulu vulavula mo vakaisulu kina, me ubia na nomu luvawale sa rui vakamadua. Volia talega na i sui ni mata, me sui kina na matamu, mo rai rawa kina. 19#Vbale 3.12; Ipe 12.6Au sa vunauca ka vakanakuitataki ira ka'u sa lomana. Mo gumatua sara kina ka vuki tani mai na nomu i valavala ca. 20Rogoca! Au sa tu ena mata ni katuba ka tukituki; kevaka sa rogoca na domoqu e dua na tamata, ka dolava na katuba, au na curu yani ki loma ka kana vata kei koya, ena kana vata talega kei au o koya. 21Vei ira sa rawata na qaqa, au na vakadonuya me ra dabe e yasaqu ena noqu i tikotiko vakaturaga, me vaka ga na noqu sa dabe tiko oqo e yasa i Tamaqu ena nona i tikotiko vakaturaga ena vuku ni qaqa ka'u sa rawata oti.
22“O koya sa vakadaligana, ia me rogoca sara na veika sa tukuna na Yalo Tabu vei ira na veisoqosoqo lotu!”
Currently Selected:
VAKATAKILA 3: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.
VAKATAKILA 3
3
Na i Tukutuku ki Sariti
1“Mo vola vakaoqo vua na agilosi ni soqosoqo lotu mai Sariti:
“Oqo na i tukutuku mai vei koya ka sa tu vua na Yalo ni Kalou e vitu kei na kalokalo e vitu. Au sa kila na nomu cakacaka; au sa kila na kemu i rogorogo ni o sa bula tiko, ia o sa mate ga. 2Mo yadra mai, ka vakaukauwataka na ka e se vo tiko vei iko ni bera ni mate vakadua sara. Au sa kunea ni sa sega ni dua na nomu cakacaka e vakacavari vakavinaka sara ena mata ni noqu Kalou. 3#Maciu 24.43,44; Luke 12.39,40; Vtaki 16.15Mo qai nanuma na veika o sa vakatavulici kina kei na veika o sa rogoca; mo taura matua ka vuki tani mai na nomu i valavala ca. Ia kevaka o na sega ni yadra mai, au na lako vei iko me vaka na daubutako, ka o na sega sara ni kila na gauna ka'u na lako yani kina. 4Ia sa lewe vica ga na tamata vei kemuni mai Sariti o ni sa sega ni vakadukadukalitaka na nomuni i sulu. O ni na lako vata ga kei au, ka vakaisulu vulavula, baleta ni sa veiganiti kaya na nomuni bula. 5#Lako 32.32,33; Same 69.28; Vtaki 20.12; Maciu 10.32; Luke 12.8O ira vakayadua sa rawata na qaqa era na vakaisulu vulavula vakakina vakaoqo, ka'u na sega ni bokoca laivi na yacadra mai na i vola ni bula. Au na vakatusa na yacadra ena mata i Tamaqu kei na matadra na nona agilosi ni ra sa noqu.
6“O koya sa vakadaligana, ia me rogoca sara na ka sa kaya na Yalo Tabu vei ira na veisoqosoqo lotu!
Na i Tukutuku ki Filadelafia
7 #
Aisea 22.22; Jope 12.14 “Mo vola vakaoqo vua na agilosi ni soqosoqo lotu mai Filadelafia:
“Oqo na i tukutuku mai vei koya sa yalosavasava ka dina. Sa taura tu e ligana o koya na ki nei Tevita, ka ni gauna sa dolava kina o koya e dua na katuba, ena sega sara ni dua me na sogota rawa; ia ena gauna sa sogota kina, ena sega sara ni dua me na dolava rawa tale. 8Au sa kila na veika o sa vakayacora tiko. Raica, au sa dolava e dua na katuba e matamu ka na sega ni rawa ni dua me na sogota. Au sa kila ni sa vo vakalailai ga na nomu kaukauwa, ia o sa maroroya tikoga na noqu vosa ka sega ni cakitaka na yacaqu. 9#Aisea 49.23; 60.14; Aisea 43.4Rogoca! Me baleta ira na i vavakoso i Setani, o ira era sa kaya voli ni ra Jiu ia era sa lasu ga, au na vakayacora me ra lako mai ka cuva e yavamu. Era na qai kila kina ni'u sa daulomani iko. 10Me vaka ni o sa maroroya na noqu vosa mo bula qaqa kina ena vosota, au na maroroi iko vakakina ena gauna ni rarawa sa voleka ni yaco mai oqo ki vuravura taucoko, me vakatovolei na tamata kecega e vuravura. 11Sa voleka sara na noqu lesu yani. Taura matua na ka sa tu vei iko, me kakua kina ni dua e kovea na nomu i cocovi ni qaqa. 12#Vtaki 21.2; Aisea 62.2; 65.15Ia au na vakayacori ira sa rawata na qaqa me ra duru ni vale tabu ni noqu Kalou, ka ra na sega vakadua tale ni lako tani mai kina. Au na vola vei ira na yaca ni noqu Kalou kei na yaca ni koro ni noqu Kalou, o Jerusalemi vou, o koya me na lako sobu mai lomalagi mai vua na noqu Kalou. Io, ka'u na vola talega vei ira na yacaqu vou.
13“O koya sa vakadaligana, ia me rogoca sara na ka sa tukuna na Yalo Tabu vei ira na veisoqosoqo lotu!
Na i Tukutuku ki Leotisea
14 #
Vbale 8.22
“Mo vola vakaoqo vua na agilosi ni soqosoqo lotu mai Leotisea:
“Oqo na i tukutuku mai vua na Emeni, o koya sa dau tukuna na ka dodonu ka dina, na i vakatekivu ni veika kecega sa bulia na Kalou. 15Au sa kila na veika o sa vakayacora; ka'u sa kila ni o sa sega ni batabata se katakata. Au sa diva ga kina mo a dua ga vei rau, mo batabata ga se mo katakata. 16Ia me vaka ga ni o sa bula veilaroi vakaoqo, ni o sa sega ni batabata se katakata, au na luaraki iko tani kina mai na gusuqu! 17Ni o sa kaya tiko, ‘Au sa vutuniyau ka'u sa rawati au vakavinaka; sa tu taucoko vei au na ka.’ Ia o sa sega ga ni kila na levu ni nomu vakaloloma kei na veilecayaki! O sa dravudravua ga, ka mataboko, ka luvawale! 18Au sa vakasalataki iko kina vakaoqo mo mai volia vei au na koula sa vakatovolei ena buka, mo vutuniyau kina. Volia talega na i sulu vulavula mo vakaisulu kina, me ubia na nomu luvawale sa rui vakamadua. Volia talega na i sui ni mata, me sui kina na matamu, mo rai rawa kina. 19#Vbale 3.12; Ipe 12.6Au sa vunauca ka vakanakuitataki ira ka'u sa lomana. Mo gumatua sara kina ka vuki tani mai na nomu i valavala ca. 20Rogoca! Au sa tu ena mata ni katuba ka tukituki; kevaka sa rogoca na domoqu e dua na tamata, ka dolava na katuba, au na curu yani ki loma ka kana vata kei koya, ena kana vata talega kei au o koya. 21Vei ira sa rawata na qaqa, au na vakadonuya me ra dabe e yasaqu ena noqu i tikotiko vakaturaga, me vaka ga na noqu sa dabe tiko oqo e yasa i Tamaqu ena nona i tikotiko vakaturaga ena vuku ni qaqa ka'u sa rawata oti.
22“O koya sa vakadaligana, ia me rogoca sara na veika sa tukuna na Yalo Tabu vei ira na veisoqosoqo lotu!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.