VOSA VAKAIBALEBALE Na i Vakamacala Taumada
Na i Vakamacala Taumada
Na i Vola ni Vosa Vakaibalebale e vakasoqoni vata mai kina na veivosa vakaibalebale kei na vosa ni vuku se yalomatua eso ka dusia na veivakavuvuli vakalotu kei na i vakasala e vuqa me baleta na bula ni veisiga. E tekivu oqo ena noda vakananumi ni sa vu ni vuku na rerevaki Jiova (1.7), ka tomana yani na veivakasama vuku me vukea cake na bula vakayalo kei na i tovo vinaka. Na veivosa leleka ka momona e vuqa era dusia na i vakatagedegede ni nodra kila titobu na i vakavuvuli e Isireli na veika me ra na cakava na tamata yalomatua ni sotavi na veidraki ni bula duidui eso. Eso na draki ni bula vakaoqo e baleta na veimaliwai vakavuvale, ka so e baleta na veika vakabisinisi. Eso e baleta na i tovo rakorako ni bula veimaliwai, ka so tale e baleta na gadrevi ni noda lewai keda vakaikeda. Sa tukuni kina na bibi ni noda vakaitovotaki keda ena yalo malumalumu, na vosota, na nodra dokai na dravudravua, kei na yalodina vei ira na wekada.
Na Lewe ni Vola
Na vakacaucautaki ni yalomatua 1.1—9.18
Na vosa vakaibalebale i Solomoni 10.1—29.27
Na vosa i Akuri 30.1-33
Na veivosa vakaibalebale tale eso 31.1-31
Currently Selected:
VOSA VAKAIBALEBALE Na i Vakamacala Taumada: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.