OSEA Na i Vakamacala Taumada
Na i Vakamacala Taumada
A sa vunau voli o Osea na parofita ena matanitu ni vualiku kei Isireli, ni oti na gauna i Emosi na parofita, ena dua na gauna dredre sara ni bera na vakarusai i Samaria ena yabaki 721 BSK. A sa kauwai vakalevu sara o Osea ena vuku ni nodra qaravi kalou matakau na tamata kei na nodra sa sega ni yalodina vua na Kalou. E vakaraitaka na i yaloyalo ni bula ni tawa vakabauta oqo o Osea ena nona dusimaka na bula kavoro ni nona matavuvale mai vua na watina sa sega ni dau yalodina ki na nodrau bula vakawati. Me vaka ga na nona sa vuki tani o Komera ka sega ni yalodina vua na watina, sa vaka o ya na nodra sa vuki tani na tamata ka sega ni yalodina vei Jiova na nodra Kalou. Ena vuku ni ka oqo, sa tau kina na cudru vei Isireli. Ia e muri, sa dau yaco ga na nona loloma tawa yalani na Kalou vei ira na nona tamata, ena dau vakalesui ira tale mai na nona tamata ki vua ka vakadeitaka tale na nodra veiwekani. Na loloma oqo sa vakaraitaka ena vosa sa veilauti sara vakaoqo, “Me rawa vakacava me'u biuti Isireli? Me rawa vakacava me'u vakanadakui iko? Ena sega ni vakayacora oqo na lomaqu! Sa rui levu na noqu loloma vei iko.” (11.8)
Na Lewe ni Vola
Na bula vakawati i Osea kei na nona vuvale 1.1—3.5
Na i tukutuku me baleta na nodra ca na Isireli 4.1—13.16
Na i tukutuku ni veivutuni kei na vosa ni yalayala 14.1-9
Currently Selected:
OSEA Na i Vakamacala Taumada: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.