IPERIU 13
13
Na Sala me Da Vinaka Kina Vua na Kalou
1Me ia tiko ga na veilomani vakaveiwekani ena vuku i Karisito. 2#Vteki 18.1-8; 19.1-3Ni kakua ni guilecava mo ni dau veikidavaki ka vakacegui ira na vulagi ena nomuni vale. Eso era a kitaka vakakina ka ra sega tiko ni kila ni ra sa kidavaka ka vakacegui ira tiko eso na agilosi. 3Ni nanumi ira era sa tiko e valeniveivesu, me vaka ga o ni sa tiko vakavesu kei ira. Ni nanumi ira sa vakararawataki, me vaka ga o ni sa vakararawataki tiko vakakina.
4Sa dodonu me ra doka na tamata kecega na vakawati, ka me rau yalodina tikoga na veiwatini ena kena maroroi na savasava ni nodrau i mocemoce. Ni na lewai ira ga na dau kitaka na i tovo vakasisila ni yago kei ira na dauveibutakoci na Kalou.
5 #
Vrua 31.6,8; Josua 1.5 Ni sereki kemuni mo ni galala mai na kena domoni na i lavo, ka mo ni yalovakacegu ga ena vuku ni veika o ni sa rawata, ni sa rauti kemuni vinaka. Ni sa kaya vakaoqo na Kalou, “Au na sega ni biuti iko, se cakitaki iko.” 6#Same 118.6 (LXX)O koya oqo me da sa kaya kina ena yalo doudou,
“Sa noqu dauniveivukei na Turaga,
Ka'u na sega kina ni rere.
A cava na ka ena kitaka vei au na tamata?”
7Ni nanumi ira na nomuni dauveiliutaki, o ira era a tukuna vei kemuni na vosa ni Kalou. Ni vakasamataka lesu na i tovo ni bula era a bulataka me yacova na nodra mate, ka vakadamurimuria na nodra vakabauta. 8Sa i koyakoya tiko ko Jisu Karisito ena siga sa oti, kei na siga edaidai ka tawamudu. 9Ni kakua ni vakatara me ra vagolei kemuni tani mai na sala dodonu na veimataqali i vakavuvuli tani e vuqa. Ni sa ka vinaka me vakaukauwataki na yaloda mai na lolomasavu ni Kalou, ka segai ena vuku ni noda muria tiko na veivakaro me baleta na kakana; ni sa sega na kena yaga oqo vei ira era sa muria tiko.
10O ira na bete era sa veiqaravi ena nodra vale ni sokalou na Jiu sa sega vei ira e dua na dodonu me ra kania na i soro sa vakacabori ena noda i cabocabonisoro. 11#Vsoro 16.27Sa dau kauta mai na nodra Bete Levu na Jiu na dra ni manumanu ki na Tikina Tabu Sara me i soro ni valavala ca; ia na yago ni manumanu sa vakamai ga ena taudaku ni nodra i tikotiko. 12Oqo na vuna sa mate talega vakakina ko Jisu ena taudaku ni matamata-ni-koro, ka me vakasavasavataki ira kina na tamata mai na nodra i valavala ca ena nona dra. 13O koya oqo, me da qai ia ka lako yani vua ki na taudaku ni i tikotiko ka wasea vata kaya na veika rarawa sa vosota oti. 14Ni sa sega ni dua na koro tudei ena vuravura oqo me noda, ia eda sa vakasaqara ga na koro ena muri mai. 15O koya oqo me da cabora tikoga kina vua na Kalou na noda i madrali ni vakavinavinaka ena vuku i Jisu, na i madrali sa cabori mai na tebe ni gusu sa vakatusa tiko na yaca ni Turaga. 16Ni kua ni guilecava mo ni dau caka vinaka ka dau veivukei, baleta ni sai ira oqo na i madrali sa vakalomavinakataka na Kalou.
17Ni talairawarawa vei ira na nomuni i liuliu ka vakayalomalumalumu vei ira. Era sa yadrava tiko na yalomuni ka sega ni cegu, ka ni ra na tarogi kina emuri mai vua na Kalou. Kevaka o ni muria na nodra vosa, era na vakayacora na nodra i tavi ena yalo marau; kevaka e sega, era na vakayacora ga ena yalo rarawa, ka sa sega ni yaga oqo vei kemuni.
18Ni masulaki keitou tikoga. Keitou sa vakadinata ni sa vinaka sara na neitou lewa-e-loma, baleta ni keitou sa via vakayacora na ka dodonu ena veigauna kecega. 19Au sa vakauqeti kemuni vagumatua sara mo ni masulaki au, me rawa ni'u vakasukai tale kina vakatotolo kivei kemuni.
Na Masu ni Veivakalougatataki
20Ia na Kalou dauveivakacegui, o koya sa vakatura cake tale mai na mate na noda Turaga ko Jisu, ka nodra i Vakatawa Cecere na sipi ena vuku nona dra sa dregati kina na veiyalayalati tawamudu — 21me qai vakaiyaragitaki kemuni sara o koya ena veika vinaka kecega mo ni vakayacora rawa kina na lomana, ka me qai cakacakataka o koya e vu-ni-lomada na veika sa vinaka vua, ena vuku i Jisu Karisito, o koya me ia vua na vakarokoroko ka sega ni mudu. Emeni.
Ai Tinitini
22Au sa vakamamasu kina vakaoqo, kemuni na wekaqu, mo ni rogoca vakavinaka sara na vosa ni veivakauqeti oqo; ni sa sega soti sara ni balavu na i vola ka'u sa vola yani vei kemuni. 23Au vinakata mo ni kila ni sa sereki mai valeniveivesu na wekada o Timoci. Kevaka ena lako totolo mai, keirau na lako vata yani vei kemuni.
24Ni qai vakadewataka na neitou i loloma vei ira kece na nomuni i liuliu kei ira kece na tamata ni Kalou. Era sa loloma tale tu ga yani vei kemuni na wekamuni mai Itali.
25Me tiko vei kemuni kecega na loloma ni Kalou.
Currently Selected:
IPERIU 13: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.