EMOSI Na i Vakamacala Taumada
Na i Vakamacala Taumada
O Emosi na i matai ni parofita ena i Vola Tabu me volai taucoko na nona i tukutuku. E dina ni lako mai ena dua na koro mai Juta, a sa la'ki vunau ga vei ira na lewenivanua ena vualiku ni matanitu o Isireli, ka donuya na veimama ni i kawalu ni yabakidrau BSK. Oqo e dua na gauna ni sautu ni vanua, e gumatuataki na qaravi ni lotu, ka ra tiko veisaututaki. Ia e raica rawa o Emosi ni ra sa sautu wale ga o ira na tamata vutuniyau mai na veisala tawa dodonu eso kei na nodra dauvakatotogani ira na dravudravua. E ka vakarairai wale ga na nodra lotu, ka sega ni maucokona na nodra tiko veisaututaki. Ena yalo ni gagadre kei na doudou, a sa vunautaka kina o Emosi ni na cudruva na nodra vanua na Kalou. A sa vunautaka na lewa matau ka dodonu me “drodro vaka na uciwai” (5.24), ka sa kaya, “De sa na yalololoma beka na Turaga vei ira na vo-ni-bula ni vanua oqo.” (5.15)
Na Lewe ni Vola
Era sa cudruvi o ira era tiko volekati ira na Isireli 1.1—2.5
Era sa cudruvi na Isireli 2.6—6.14
Na raivotu e lima 7.1—9.15
Currently Selected:
EMOSI Na i Vakamacala Taumada: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.