Same Na i Vakamacala Taumada
Na i Vakamacala Taumada
Na i vola na Same e i vola ni sere kei na masu ni Vola Tabu. Ena kena vakarautaki mai vakabalavu vei ira ka vola se o ira na Daunisame, sa qai kumuni vata na sere kei na masu oqo ka ra vakayagataka na Isireli ena nodra sokalou ni bera ni qai la'ki vakacurumi sara ena nodra i Vola Tabu.
Sa vuqa sara na i vakavakayagataki ni Vola ni Same, se sere-masu: e tiko kina na sere ni vakavinavinaka kei na vakacaucau vua na Kalou; na masu ni kere veivuke, veitaqomaki, kei na veivakabulai; na vakamamasu ni kere veivosoti; na sere e vakamuduotaki kina na veivakalougatataki ni Kalou, kei na vakatakekere me ra cudruvi na nodra meca. Na sere-masu oqo e baleta na tamata yadua ka baleta talega na vanua raraba; eso e vakavotuya mai na nona nanuma lo e dua na tamata; eso e baleta na nodra nanuma kei na nodra gagadre na tamata kece ni Kalou.
A cavuta eso na qaqa ni Same o Jisu ena nona vosa, ka vakakina o ira era a vola na Veiyalayalati Vou; a sa yaco kina me i vola taleitaki ni sokalou ena lotu Vakarisito mai na gauna e tauyavu kina.
Na Lewe ni Vola
E 150 taucoko na levu ni wase ni vola ena Same, ka ra wasewasei vakalima me vakaoqo:
Same 1–41
Same 42–72
Same 73–89
Same 90–106
Same 107–150
Currently Selected:
Same Na i Vakamacala Taumada: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.