Josua 24
24
Vakavoui ni Veiyalayalati
1A sa vakasoqoni ira vata kece na veimataqali ni Isireli ki Sikemi o Josua. A sa kacivi ira na qase, na turaga, na dauveilewai kei ira na vakailesilesi kece e Isireli, ka ra lako mai ki na mata ni Vale ni Kalou. 2Sa qai vosa vakaoqo vei ira na tamata kecega o Josua, “Sai koya oqo na ka sa via vakaraitaka o Jiova, na Kalou ni Isireli: “Ena gauna makawa sara sa vakaitikotiko na nomuni qase o Tira na tama i Epara-ama kei Neori ena tai kadua ni Uciwai na Euferetisi, ka qarava na veikalou tani eso.#Vteki 11.27 3Ia au sa qai kauti Epara-ama na nomuni qase mai na vanua ena tai ka dua ni Euferetisi, ka tuberi koya voli ena vanua taucoko o Kenani. Au sa solia vua e levu na nona kawa. Au a soli Aisake vua,#Vteki 12.1-9; 21.1-3 4ka soli Jekope kei Iso vei Aisake. Au a qai solia vei Iso na vanua veidelana o Sia me nona, ia e ratou a lako sobu ki Ijipita o Jekope kei ira na luvena.#Vteki 25.24-26; 36.8; 46.1-7; Vrua 2.5 5E muri au a qai talai Mosese kei Eroni, ka vakayacora na rarawa levu ki na vanua o Ijipita, ka kauti kemuni tani mai kina.#Lako 3.1–12.42 6Ni'u a kauti ira tani na nomuni qase mai Ijipita, era a cici muri ira o ira na kai Ijipita ena qiqi ni valu kei na mataivalu ose. Ia ni ra yaco ki na Wasa Damudamu o ira na nomuni qase, 7era sa tagi ka kere veivuke vei au. Au sa qai biuta na butobuto ena kemuni veimama kei ira na kai Ijipita. Au a qai cakava na wasawasa me ubi ira ka luvuci ira. O ni sa kila na ka au a cakava vei ira na kai Ijipita. Ni oti o ya o ni a qai mai tiko ena vanua lala ena dua na gauna balavu. 8Ni oti o ya au a qai kauti kemuni ki na nodra vanua na Amoraiti, ka ra tiko ena tai ni tokalau ni Joritani. Era a veivala kei kemuni, ia au a soli ira ki ligamuni, mo ni qaqa. Au a vakarusai ira ena matamuni, ka o ni sa taura ka taukena na nodra vanua.#Tiko 21.21-35 9Ni vakavakarau o Pelaki na luve i Sipori, na tui Moapi, me valuti Isireli, a talai Balami na luve i Piori, me vakatauca vei kemuni na vosa-ni-cudru.#Tiko 22.1–24.25 10Ia, au a bese ni rogoci Balami, ka sa vosa vakalougatataki kemuni tiko o koya. Au a vakabulai kemuni mai na ligana. 11Ni o ni kosova na Joritani, ka lako mai ki Jeriko. Era sa vala kei kemuni na lewe i Jeriko, ka vaka talega kina na Amoraiti, Perisaiti, Kenani, Itaiti, Kakesaiti, Aivaiti kei ira na Jepusaiti, ia au a soli ira ki ligamuni.#Josua 3.14-17; 6.1-21 12Au a vakatala na tina ni oni dau kata me ra liu e matamuni, ka cemuri ira tani mai matamuni, o rau talega na tui, e rua na Amoraiti. O ni a sega ni vala ga ena nomuni i seleiwau kei na dakaititi.#Lako 23.28; Vrua 7.20 13Au a solia vei kemuni na vanua o ni a sega ni oca kina, kei na veikoro o ni a sega ni tara; o ni sa vakaitikotiko kina, ka kana mai na veivaini kei na veiolive o ni a sega ni tea.’#Vrua 6.10-11
14“Ena vuku ni ka oqo, mo ni rerevaki Jiova, ka qaravi koya ena yalodina kei na yalododonu. Mo ni biuta tani na veikalou era a qarava na nomuni qase mai Mesopotemia kei Ijipita, ka mo ni qaravi Jiova duadua ga. 15Ia, o ni sega ni vinakata mo ni qaravi Jiova, mo ni digitaka edaidai o koya mo ni qarava, se nodra veikalou na nomuni qase mai na vanua o Mesopotemia, se na nodra veikalou na Amoraiti o ni sa mai tiko oqo ena nodra vanua. Ia, oi au kei na noqu matavuvale keitou na qaravi Jiova ga.”
16Era a qai vosa na tamata, ka tukuna, “Keimami na sega ni laivi Jiova ka la'ki qarava na veikalou tani eso! 17Sai Jiova ga na noda Kalou sa kauti ira mai na noda qase vata kei keda mai na vanua ni veivakabobulataki o Ijipita, ka da sarava kece na veicakacaka mana sa vakayacora e matada. Sa taqomaki keda ka maroroi keda ena veivanua kece eda lako kina. 18Ena noda gole mai ki ke, sa vakasavi ira tani na Amoraiti era tiko ena vanua oqo o Jiova. Ena ka oqo, keimami na qaravi Jiova talega; o koya sa neimami Kalou.
19Sa vosa vei ira na tamata o Josua, ka tukuna, “O ni na sega ni qaravi Jiova rawa. Sa Kalou savasava o koya ka Kalou vuvu. Ena sega ni vosota na nomuni dauvakau yalomuni kei na nomuni valavala ca. 20Kevaka o ni biuti Jiova ka qaravi ira na veikalou tani, ena qai vuki mai ka vakarusai kemuni, ka vakawabokotaki kemuni, ka dina ga ni a daucaka vinaka vei kemuni e liu.” 21Era a qai tukuna vei Josua na tamata, “E segai! Keimami na qaravi Jiova ga.” 22A sa tukuna vei ira o Josua, “O ni sa nomuni i vakadinadina ga oi kemuni ni o ni sa digitaka mo ni qaravi Jiova.” Era a sauma lesu, “Io, keimami sai vakadinadina.” 23Sa qai tukuna vei ira o Josua, “Ia mo ni biuta tani na veikalou tani ka ra tiko vei kemuni, ka solia na yalomuni vei Jiova na Kalou ni Isireli.” 24Era a tukuna vei Josua na Isireli, “Keimami na qaravi Jiova na noda Kalou, ka talairawarawa ki na nona i vakaro.” 25O koya oqo sa qai cakava kina e dua na veiyalayalati o Josua vata kei ira na Isireli ena siga o ya, ka solia vei ira eso na i vakaro kei na lewa ena vukudra e Sikemi. 26A sa vola na veivosa kece oqo o Josua ena i vola ni Lawa ni Kalou. Sa qai taura e dua na vatu levu ka vakaduria cake e kea ena ruku ni vu ni oki ena vale tabu i Jiova. 27Sa qai vosa vei ira kecega na Isireli, ka vaka, “Raica! Na vatu oqo sa na i vakadinadina me beitaki keda. Ni sa rogoca na vatu oqo na vosa kecega ka vosataka vei keda o Jiova. Ena yaco o koya me i vakadinadina me beitaki kemuni, kevaka o ni na sega ni dina vua na nomuni Kalou.” 28O koya oqo sa qai vakatalai ira yani na Isireli o Josua, ki na nodra dui votavota ni vanua yadua.
Na Mate nei Josua kei Iliesa
29Ia ni oti na veika oqo, sa qai mate na tamata ni Kalou o Josua na luve i Nuni, ni sa yabaki dua na drau katini. 30Era sa buluti koya ena vanua ka nona i votavota, o ya e Timinaca-sera ena vanua veidelana i Ifereimi ena vualiku ni Ulunivanua o Keasi.#Josua 19.49-50
31Era sa qaravi Jiova na Isireli ena gauna kece a bula tiko kina o Josua, ka vakakina ena nodra gauna na qase era sa bula siviti Josua ka ra kila na veika kece sa cakava o Jiova ena vukudra na Isireli.
32Ia na sui kece ni yago i Iosefo ka ra a kauta mai Ijipita na Isireli, a sa bulu mai Sikemi ena tiki ni vanua a volia o Jekope ena dua na drau na tiki ni siliva mai vei iratou na luve i Amori na tama i Sikemi. A qai yaco me nodra i votavota na luve i Iosefo na vanua oqo.#Vteki 33.19; 50.24-25; Lako 13.19; Joni 4.5; Caka 7.16
33A sa mate talega o Iliesa na luve i Eroni, ka bulu e Qibea, na koro ka toka ena vanua veidelana i Ifereimi, o koya ka votai me nei Finiasi na luvena.
Currently Selected:
Josua 24: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
Josua 24
24
Vakavoui ni Veiyalayalati
1A sa vakasoqoni ira vata kece na veimataqali ni Isireli ki Sikemi o Josua. A sa kacivi ira na qase, na turaga, na dauveilewai kei ira na vakailesilesi kece e Isireli, ka ra lako mai ki na mata ni Vale ni Kalou. 2Sa qai vosa vakaoqo vei ira na tamata kecega o Josua, “Sai koya oqo na ka sa via vakaraitaka o Jiova, na Kalou ni Isireli: “Ena gauna makawa sara sa vakaitikotiko na nomuni qase o Tira na tama i Epara-ama kei Neori ena tai kadua ni Uciwai na Euferetisi, ka qarava na veikalou tani eso.#Vteki 11.27 3Ia au sa qai kauti Epara-ama na nomuni qase mai na vanua ena tai ka dua ni Euferetisi, ka tuberi koya voli ena vanua taucoko o Kenani. Au sa solia vua e levu na nona kawa. Au a soli Aisake vua,#Vteki 12.1-9; 21.1-3 4ka soli Jekope kei Iso vei Aisake. Au a qai solia vei Iso na vanua veidelana o Sia me nona, ia e ratou a lako sobu ki Ijipita o Jekope kei ira na luvena.#Vteki 25.24-26; 36.8; 46.1-7; Vrua 2.5 5E muri au a qai talai Mosese kei Eroni, ka vakayacora na rarawa levu ki na vanua o Ijipita, ka kauti kemuni tani mai kina.#Lako 3.1–12.42 6Ni'u a kauti ira tani na nomuni qase mai Ijipita, era a cici muri ira o ira na kai Ijipita ena qiqi ni valu kei na mataivalu ose. Ia ni ra yaco ki na Wasa Damudamu o ira na nomuni qase, 7era sa tagi ka kere veivuke vei au. Au sa qai biuta na butobuto ena kemuni veimama kei ira na kai Ijipita. Au a qai cakava na wasawasa me ubi ira ka luvuci ira. O ni sa kila na ka au a cakava vei ira na kai Ijipita. Ni oti o ya o ni a qai mai tiko ena vanua lala ena dua na gauna balavu. 8Ni oti o ya au a qai kauti kemuni ki na nodra vanua na Amoraiti, ka ra tiko ena tai ni tokalau ni Joritani. Era a veivala kei kemuni, ia au a soli ira ki ligamuni, mo ni qaqa. Au a vakarusai ira ena matamuni, ka o ni sa taura ka taukena na nodra vanua.#Tiko 21.21-35 9Ni vakavakarau o Pelaki na luve i Sipori, na tui Moapi, me valuti Isireli, a talai Balami na luve i Piori, me vakatauca vei kemuni na vosa-ni-cudru.#Tiko 22.1–24.25 10Ia, au a bese ni rogoci Balami, ka sa vosa vakalougatataki kemuni tiko o koya. Au a vakabulai kemuni mai na ligana. 11Ni o ni kosova na Joritani, ka lako mai ki Jeriko. Era sa vala kei kemuni na lewe i Jeriko, ka vaka talega kina na Amoraiti, Perisaiti, Kenani, Itaiti, Kakesaiti, Aivaiti kei ira na Jepusaiti, ia au a soli ira ki ligamuni.#Josua 3.14-17; 6.1-21 12Au a vakatala na tina ni oni dau kata me ra liu e matamuni, ka cemuri ira tani mai matamuni, o rau talega na tui, e rua na Amoraiti. O ni a sega ni vala ga ena nomuni i seleiwau kei na dakaititi.#Lako 23.28; Vrua 7.20 13Au a solia vei kemuni na vanua o ni a sega ni oca kina, kei na veikoro o ni a sega ni tara; o ni sa vakaitikotiko kina, ka kana mai na veivaini kei na veiolive o ni a sega ni tea.’#Vrua 6.10-11
14“Ena vuku ni ka oqo, mo ni rerevaki Jiova, ka qaravi koya ena yalodina kei na yalododonu. Mo ni biuta tani na veikalou era a qarava na nomuni qase mai Mesopotemia kei Ijipita, ka mo ni qaravi Jiova duadua ga. 15Ia, o ni sega ni vinakata mo ni qaravi Jiova, mo ni digitaka edaidai o koya mo ni qarava, se nodra veikalou na nomuni qase mai na vanua o Mesopotemia, se na nodra veikalou na Amoraiti o ni sa mai tiko oqo ena nodra vanua. Ia, oi au kei na noqu matavuvale keitou na qaravi Jiova ga.”
16Era a qai vosa na tamata, ka tukuna, “Keimami na sega ni laivi Jiova ka la'ki qarava na veikalou tani eso! 17Sai Jiova ga na noda Kalou sa kauti ira mai na noda qase vata kei keda mai na vanua ni veivakabobulataki o Ijipita, ka da sarava kece na veicakacaka mana sa vakayacora e matada. Sa taqomaki keda ka maroroi keda ena veivanua kece eda lako kina. 18Ena noda gole mai ki ke, sa vakasavi ira tani na Amoraiti era tiko ena vanua oqo o Jiova. Ena ka oqo, keimami na qaravi Jiova talega; o koya sa neimami Kalou.
19Sa vosa vei ira na tamata o Josua, ka tukuna, “O ni na sega ni qaravi Jiova rawa. Sa Kalou savasava o koya ka Kalou vuvu. Ena sega ni vosota na nomuni dauvakau yalomuni kei na nomuni valavala ca. 20Kevaka o ni biuti Jiova ka qaravi ira na veikalou tani, ena qai vuki mai ka vakarusai kemuni, ka vakawabokotaki kemuni, ka dina ga ni a daucaka vinaka vei kemuni e liu.” 21Era a qai tukuna vei Josua na tamata, “E segai! Keimami na qaravi Jiova ga.” 22A sa tukuna vei ira o Josua, “O ni sa nomuni i vakadinadina ga oi kemuni ni o ni sa digitaka mo ni qaravi Jiova.” Era a sauma lesu, “Io, keimami sai vakadinadina.” 23Sa qai tukuna vei ira o Josua, “Ia mo ni biuta tani na veikalou tani ka ra tiko vei kemuni, ka solia na yalomuni vei Jiova na Kalou ni Isireli.” 24Era a tukuna vei Josua na Isireli, “Keimami na qaravi Jiova na noda Kalou, ka talairawarawa ki na nona i vakaro.” 25O koya oqo sa qai cakava kina e dua na veiyalayalati o Josua vata kei ira na Isireli ena siga o ya, ka solia vei ira eso na i vakaro kei na lewa ena vukudra e Sikemi. 26A sa vola na veivosa kece oqo o Josua ena i vola ni Lawa ni Kalou. Sa qai taura e dua na vatu levu ka vakaduria cake e kea ena ruku ni vu ni oki ena vale tabu i Jiova. 27Sa qai vosa vei ira kecega na Isireli, ka vaka, “Raica! Na vatu oqo sa na i vakadinadina me beitaki keda. Ni sa rogoca na vatu oqo na vosa kecega ka vosataka vei keda o Jiova. Ena yaco o koya me i vakadinadina me beitaki kemuni, kevaka o ni na sega ni dina vua na nomuni Kalou.” 28O koya oqo sa qai vakatalai ira yani na Isireli o Josua, ki na nodra dui votavota ni vanua yadua.
Na Mate nei Josua kei Iliesa
29Ia ni oti na veika oqo, sa qai mate na tamata ni Kalou o Josua na luve i Nuni, ni sa yabaki dua na drau katini. 30Era sa buluti koya ena vanua ka nona i votavota, o ya e Timinaca-sera ena vanua veidelana i Ifereimi ena vualiku ni Ulunivanua o Keasi.#Josua 19.49-50
31Era sa qaravi Jiova na Isireli ena gauna kece a bula tiko kina o Josua, ka vakakina ena nodra gauna na qase era sa bula siviti Josua ka ra kila na veika kece sa cakava o Jiova ena vukudra na Isireli.
32Ia na sui kece ni yago i Iosefo ka ra a kauta mai Ijipita na Isireli, a sa bulu mai Sikemi ena tiki ni vanua a volia o Jekope ena dua na drau na tiki ni siliva mai vei iratou na luve i Amori na tama i Sikemi. A qai yaco me nodra i votavota na luve i Iosefo na vanua oqo.#Vteki 33.19; 50.24-25; Lako 13.19; Joni 4.5; Caka 7.16
33A sa mate talega o Iliesa na luve i Eroni, ka bulu e Qibea, na koro ka toka ena vanua veidelana i Ifereimi, o koya ka votai me nei Finiasi na luvena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.