Josua 23
23
Vosa ni Veitalatala kei na i Vakadre i Josua
1Ni oti e dua na gauna balavu, a solia o Jiova me ra vakacegu mada kina na Isireli mai vei ira na kedra meca era tu vakavolivoliti ira, ka sa qase sara mai o Josua, 2a qai kacivi ira kece mai na Isireli: na qase, na turaga, na dauveilewai kei ira na i liuliu ni tamata ka tukuna, “Au sa qase sara edaidai ka sa vuqa na noqu veiyabaki. 3O ni a raica na veika kece a sa vakayacora o Jiova na nomuni Kalou vei ira na veimatanitu oqo ena vukumuni. E a vala voli ena vukumuni o Jiova na nomuni Kalou. 4Au a sa vota oti me nodra i votavota na nomuni veimataqali na nodra vanua na veimatanitu era sa vo tiko ka vakakina na veimatanitu au sa vakamalumalumutaka oti, me tekivu mai na Uciwai na Joritani ena tokalau, ka yacova yani na Wasa Meditereni ena ra. 5E a vakavuna o Jiova na nomuni Kalou me ra vakasuka mai vei kemuni ka na vakasavi ira tani o koya, ni o ni sa toso tiko yani. O ni na taukena na nodra vanua, me vaka a sa yalataka oti vei kemuni o Jiova na nomuni Kalou. 6Mo ni qaqarauni kina mo ni talairawarawa ka cakava sara na ka kecega sa volai ena i vola ni Lawa i Mosese. Mo ni kakua ni gole tani mai kina, ki na i matau se ki na i mawi. 7O ni na qai sega ni veilasamaki vata kei ira na tamata tani ka ra sa vo tiko vei kemuni, se cavuta na yaca ni nodra veikalou, ka bubului kina, se qaravi ira, se cuva sobu vei ira. 8Mo ni yalodina tikoga vei Jiova, me vaka o ni sa dau vakayacora tiko me yacova na siga oqo. 9E a vakasavi ira tani o Jiova mai na matamuni, na veimatanitu lelevu ka kaukauwa, ka sega ni dua vei ira me a vorati kemuni rawa me yacova mai na siga oqo. 10Sa rawa vua e duabulu wale, vei kemuni me vakasavi ira e lewe dua na udolu na tamata, ni sa totaki kemuni o Jiova me vaka sa yalataka.#Vrua 3.22; 32.30 11Mo ni qarauna vinaka mo ni lomani Jiova na nomuni Kalou. 12Ia, kevaka o ni sa sega ni yalodina, ka la'ki veitokani kei ira na veivanua tani era tiko kei kemuni, ka vakawati kei ira, 13mo ni rogoca vakavinaka sara ni na sega ni tomana tikoga na nomuni Kalou o Jiova na vakasavi ira tani na lewe ni veivanua oqo ena gauna o ni sa toso yani kina. Ia era na yaco me ra ka vakarerevaki vei kemuni me vaka na dai, se na i keli titobu, ka ra yaco talega me ka mosimosi vei kemuni me vaka na kuita ni sa tau oti e dakumuni, se voto ni kau e matamuni. Ena ia tiko na ka oqo me yacova sara ni sa sega tale ni vo e dua vei kemuni ena vanua vinaka oqo ka sa solia vei kemuni o Jiova na nomuni Kalou.
14Sa qai yaco mai na gauna me'u mate kina. O ni sa kila kece sara e lomamuni kei na yalomuni ni sa solia vei kemuni o Jiova na nomuni Kalou na veika vinaka kece sara ka yalataka. A sa vakayacora na vosa ni yalayala kece sara ka yalataka, ka sega tale ni vo e dua. 15Ia me vaka ga na nona vakayacora na nona vosa ni yalayala, ena vakayacora vaka talega kina na nona vosa ni cudru, me yacova ni sa vakarusai kemuni kece mai na vanua vinaka oqo a solia vei kemuni o Jiova na nomuni Kalou. 16Kevaka o ni na sega ni maroroya na veiyalayalati ka vakarota vei kemuni o Jiova na nomuni Kalou mo ni muria, se kevaka o ni sa qarava na veikalou tani eso ka lotu vei ira, ena qai totogitaki kemuni ena nona cudru, ka na yaco me sega tale ni dua vei kemuni me vo tiko ena vanua vinaka oqo, ka solia vei kemuni o koya.
Currently Selected:
Josua 23: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
Josua 23
23
Vosa ni Veitalatala kei na i Vakadre i Josua
1Ni oti e dua na gauna balavu, a solia o Jiova me ra vakacegu mada kina na Isireli mai vei ira na kedra meca era tu vakavolivoliti ira, ka sa qase sara mai o Josua, 2a qai kacivi ira kece mai na Isireli: na qase, na turaga, na dauveilewai kei ira na i liuliu ni tamata ka tukuna, “Au sa qase sara edaidai ka sa vuqa na noqu veiyabaki. 3O ni a raica na veika kece a sa vakayacora o Jiova na nomuni Kalou vei ira na veimatanitu oqo ena vukumuni. E a vala voli ena vukumuni o Jiova na nomuni Kalou. 4Au a sa vota oti me nodra i votavota na nomuni veimataqali na nodra vanua na veimatanitu era sa vo tiko ka vakakina na veimatanitu au sa vakamalumalumutaka oti, me tekivu mai na Uciwai na Joritani ena tokalau, ka yacova yani na Wasa Meditereni ena ra. 5E a vakavuna o Jiova na nomuni Kalou me ra vakasuka mai vei kemuni ka na vakasavi ira tani o koya, ni o ni sa toso tiko yani. O ni na taukena na nodra vanua, me vaka a sa yalataka oti vei kemuni o Jiova na nomuni Kalou. 6Mo ni qaqarauni kina mo ni talairawarawa ka cakava sara na ka kecega sa volai ena i vola ni Lawa i Mosese. Mo ni kakua ni gole tani mai kina, ki na i matau se ki na i mawi. 7O ni na qai sega ni veilasamaki vata kei ira na tamata tani ka ra sa vo tiko vei kemuni, se cavuta na yaca ni nodra veikalou, ka bubului kina, se qaravi ira, se cuva sobu vei ira. 8Mo ni yalodina tikoga vei Jiova, me vaka o ni sa dau vakayacora tiko me yacova na siga oqo. 9E a vakasavi ira tani o Jiova mai na matamuni, na veimatanitu lelevu ka kaukauwa, ka sega ni dua vei ira me a vorati kemuni rawa me yacova mai na siga oqo. 10Sa rawa vua e duabulu wale, vei kemuni me vakasavi ira e lewe dua na udolu na tamata, ni sa totaki kemuni o Jiova me vaka sa yalataka.#Vrua 3.22; 32.30 11Mo ni qarauna vinaka mo ni lomani Jiova na nomuni Kalou. 12Ia, kevaka o ni sa sega ni yalodina, ka la'ki veitokani kei ira na veivanua tani era tiko kei kemuni, ka vakawati kei ira, 13mo ni rogoca vakavinaka sara ni na sega ni tomana tikoga na nomuni Kalou o Jiova na vakasavi ira tani na lewe ni veivanua oqo ena gauna o ni sa toso yani kina. Ia era na yaco me ra ka vakarerevaki vei kemuni me vaka na dai, se na i keli titobu, ka ra yaco talega me ka mosimosi vei kemuni me vaka na kuita ni sa tau oti e dakumuni, se voto ni kau e matamuni. Ena ia tiko na ka oqo me yacova sara ni sa sega tale ni vo e dua vei kemuni ena vanua vinaka oqo ka sa solia vei kemuni o Jiova na nomuni Kalou.
14Sa qai yaco mai na gauna me'u mate kina. O ni sa kila kece sara e lomamuni kei na yalomuni ni sa solia vei kemuni o Jiova na nomuni Kalou na veika vinaka kece sara ka yalataka. A sa vakayacora na vosa ni yalayala kece sara ka yalataka, ka sega tale ni vo e dua. 15Ia me vaka ga na nona vakayacora na nona vosa ni yalayala, ena vakayacora vaka talega kina na nona vosa ni cudru, me yacova ni sa vakarusai kemuni kece mai na vanua vinaka oqo a solia vei kemuni o Jiova na nomuni Kalou. 16Kevaka o ni na sega ni maroroya na veiyalayalati ka vakarota vei kemuni o Jiova na nomuni Kalou mo ni muria, se kevaka o ni sa qarava na veikalou tani eso ka lotu vei ira, ena qai totogitaki kemuni ena nona cudru, ka na yaco me sega tale ni dua vei kemuni me vo tiko ena vanua vinaka oqo, ka solia vei kemuni o koya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.