Dauveilewai Na i Vakamacala Taumada
Na i Vakamacala Taumada
Na Kedra i Vola na Dauveilewai sa kumuni vata kina e vuqa na i talanoa, me tekivu mai na gauna ka sega ni se vakayavutaki kina na lawa ena i tukutuku makawa ni vanua o Isireli, me tekivu mai na gauna ka ra a curu vanua kina me tauri Kenani ka la'ki tauyavutaka na nodra i tikotiko vakatui. Na i talanoa sa baleti ira eso a yaco me rogo na kedra i tukutuku ena vanua ena vuku ni nodra yaloqaqa. Oqo o ira sa vakatokai na Dauveilewai. E levu vei ira era i liuliu vakaivalu ka sega ni Turaganilewa kevaka me raici mai na tabana vakalawa na i tutu oqo. E dua vei ira ka kilai levu o ya o Samisoni, ena i tukutuku ni veika sa cakava ka volai vakaitukutuku ena wase 13–16.
Na lesoni levu me vulici mai na i vola oqo, o ya na nona bula rawa mai o Isireli ena nodra vakararavi vakatabakidua vua na Kalou, kei na nodra dau sotava na dredre ena gauna era talaidredre kina. E dua tale na ka me vulici, sai koya na nona sa dau tu vakarau o Jiova na Kalou me vakabulai ira tale na nona tamata na Isireli ena gauna era veivutuni ka lesu kina vua, oqo ni oti na kena sotavi na dredre kei na veilecayaki ni bula ena vuku ni nodra talaidredre.
Na Lewe ni Vola
Veika e yaco me yacova na mate nei Josua 1.1–2.10
O ira na Dauveilewai e Isireli 2.11–16.31
Veika duidui eso ka yaco 17.1–21.25
Currently Selected:
Dauveilewai Na i Vakamacala Taumada: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.