1 Juan 4
4
Lutan yachasikuqkuna imano kayashqanpis
1Kuyay wawqi panikuna, kay pasacho askaqmi lula profëtakuna puriykäyan. Sayno kaykaptinqa pipis <<Santu Espïritumi tantiyasimash wilakunäpaq>> nir chämuptin shumaqraq tantiyapäyay Tayta Diospa wilakuqnin rasunpaypa kashqanta o mana kashqantapis. 2Tayta Diospa wilakuqnin karqa Jesucristo kay pasaman shamur rasunpaypa runa kashqantami yachasin.#4.2 Jesucristo Dios kashqanta criyirpis wakin runakuna manami criyiyarqansu rasunpaypa runa kashqanta, sinöqa runa niraqla kashqantami yarpäyarqan. 3Jesucristo rasunpaypa runa kashqanta mana yachasirqa manami Tayta Diospa wilakuqninsu kaykan, sinöqa anticristumi. Anticristo shamunanpaq kashqanta musyayashqaykinölami kananqa anticristukuna kay pasacho puriykäyan.#Mat. 7.15; 2Juan 7.
4Kuyay wamräkuna, Tayta Diospa wamrankunami kaykäyanki. Qamkunacho kaykaq Espíritu Santuqa kay pasacho kaykaq espïritupitapis mas munayyuqmi kaykan. Pay yanapäyäshuptikimi say lutan yachasikuqkunata chaskipäyankisu. 5Paykunaqa Diospa wamran mana karmi yarpaylanpita yachaykäsiyan. Saymi paykunataqa Diosta mana cäsukuq runakunala chaskipäyan.#Juan 15.19.
6Noqakunaqa Diospa wilakuqninmi kaykäyä. Saymi wilakuyashqäta chaskikuqkuna Tayta Diosta reqiyan. Wilakuyashqäta mana chaskikuqkunaqa manami Tayta Diospa wilakuqninsu kayan. Saynöpami musyansi mayqan runa rasun kaqta yachasishqanta y mayqan runa lutanta yachasishqantapis.
Tayta Dios kuyamashqansino kuyanakunansipaq nishqan
7Kuyay wawqi panikuna, Tayta Dios kuyakuq kaykaptinqa jukninsi jukninsipis kuyanakushun. Kuyanakurqa Diospa wamran karmi payta reqinsi. 8Mana kuyanakurmi isanqa Diosta reqinsisu. Tayta Diosqa kuyakuqmi kaykan.
9 Mana ushakaq kawayta tarinansipaqmi Tayta Dios japalan Surinta kay pasaman kachamurqan. Saynöpami pasaypa kuyamashqansita musyasimashkansi.#Juan 3.16. 10Rasunpaypa kaq kuyakuyqa manami noqansi Tayta Diosta kuyashqansisu kaykan, sinöqa noqansita pay kuyamashqansimi. Jusalikushqansipita sacrificiu kananpaqmi Surin Jesucristuta kachamurqan. Saymi rasunpaypa kaq kuyakuyqa kaykan.
11Kuyay wawqi panikuna, Tayta Dios sayno kuyaykämashqaqa noqansipis kuyanakur kawashun. 12Tayta Diosta manami pipis rikashsu.#Juan 1.18. Sayno kaptinpis kuyanakushqami noqansiwan kaykan. Saymi yanapaykämansi pay kuyakuq kashqanno noqansipis kuyakuq kanansipaq.
13Espíritu Santuta chaskikush karmi Tayta Dios noqansiwan kaykashqanta y noqansipis paywan kaykashqansita musyansi.#Rom. 8.9; 1Juan 3.24. 14Saynöpis kikïkunami rikayashkä Diospa Surin Jesucristo kay pasacho kaykaqta. Saymi wilakuyä runakunata salvananpaq Tayta Dios payta kachamushqanta.#Juan 3.17. 15Jesucristo Tayta Diospa Surin kashqanta criyir chaskiq kaqqa Tayta Dioswanmi kaykan y Tayta Diospis paywanmi kaykan.
16Kananqa Tayta Dios kuyamashqansita musyarmi payman yärakuykansi. Tayta Diosqa kuyakuqmi kaykan. Noqansipis kuyanakurqa paywanmi kaykansi y paypis noqansiwanmi kaykan. 17Saynöpami Tayta Dios munashqanno kuyanakunsi. Sayno kuyanakur kawar y Jesucristo kay pasacho kawashqanno kawarqa juiciu finalcho manami mansakushunsu. 18Tayta Dios kuyamashqansita mana tantiyarmi castigamänansipaq kashqanta yarpansi. Tayta Dios kuyamashqansita tantiyarmi isanqa mana castigamänansipaq kashqanta musyar mansansisu.
19Puntata pay kuyamashqami noqansipis [payta] kuyansi. 20Pipis <<Tayta Diosta kuyämi>> nikar runa mayinta chikirqa lulakuykanmi. Runa mayinsita rikaykar mana kuyaykarqa ¿imanöparaq mana rikashqansi Tayta Diosta kuyashwan? 21Tayta Diospa mandamientunchömi nimansi: <<Tayta Diosta kuyarqa runa mayikitapis kuyay>>.#Mar. 12.29-31.
Currently Selected:
1 Juan 4: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.