Salmos 2
2
Nde ha'e che ra'y
1Maerãpa opu'ã tetã nguéra
ha ojapose mba'e opa reítava?
2Ojoaju yvy arigua
mburuvicha guasu kuéra,
opu'ã Ñandejára rehe,
ha mburuvicha guasu
ha'e oiporavo vaekuére.#Hch 4.25-26.
3He'i hikuái:
“Ñamondoho itukumbo kuéra,
jahekýi ñande jehegui umi isã.”
4Upe yvágape oĩva opuka.
Ñandejára opuka hese kuéra.#Sal 37.13; 59.9.
5Upéi oja'o pochy chupe kuéra.
Omondýi chupe kuéra he'ívo:
6“Amboguapýma Sión,
che yvyty marangatúpe,
mburuvicha guasúpe
che aiporavo vaekue.”#Sal 48.2; Is 2.1-3; 11.9; 24.23; 56.7; Jl 3.5.
7Ahendukáta Ñandejára ñe'ẽ.
Ha'e he'i chéve:
“Nde ha'e che ra'y.
Che romoñemoña ko árape.#2 S 7.14; Sal 89.27-28; Lc 3.22; Hch 13.33; Heb 1.5; 5.5.
8Ejerure chéve ha ame'ẽta ndéve,
tetã nguéra ne mba'e teerã,
ha yvy oĩ haguéicha.
9Fiérro nde pópe
chupe kuéra reñakã jokáta,
ha kambuchícha remyangu'íta.”#Ap 2.26; 12.5; 19.15.
10Upévare, peikuaa porãke
mburuvicha guasu kuéra!
Pehendu porãke
tetã sãmbyhyhára kuéra!
11Pemomba'éke Ñandejárape.
Peñesũke henondépe,
12ani ágã peichahágui ipochy,
ha ipochy rendy
pende rapére pene rundi.
Ovy'a umi oñembojáva
Ñandejára rendápe oñemo'ã haguã.
Currently Selected:
Salmos 2: GPC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.