Job 42
42
Job
1-2Tupã, che aikuaa
nde ikatuha opa mba'e rejapo.
Ndéve guarã ndaipóri
ikatu'ỹva.
3Máva piko che
arovia'ỹ haguã nde pokatu,
ha ahechauka che tavyha?#Job 38.2.
Che añe'ẽ rei aikóvo ra'e
mba'e aikuaa'ỹvare,
mba'e hechapyrãvare
ikatu'ỹva che aikuaa.
4Nde ere chéve: “Ehendu,
añe'ẽse ndéve.
Embohovái che mba'e porandu”.#Job 38.3; 40.7.
5Ahendúgui reínte ra'e
roikuaáva.
Ko'ágã katu
rohecha che resaite rupi.
6Upévare,
ajei che ñe'ẽnguégui
ñembyasýpe,
ha aguapy yvytĩmbo
ha tanimbúpe.
Tupã ome'ẽ jey Jóbpe imba'e reta
7Ko'ã mba'e he'i rire Jóbpe, Ñandejára he'i avei Elifázpe: “Che pochy eterei hína ne ndive ha ne irũ nguérandi, ndapejéigui añetegua che rehe, ojapo haguéicha che rembiguái Job. 8Peisãmbyhy ha peraha ko'ágã 7 tóro ha 7 ovecha mácho, ha tapeho pehecha che rembiguái Jóbpe. Pemymbajuka*f** pende rehe#Job 1.5. ha che rembiguái Job oñembo'éne pende rehe. Ho'a porãne chéve upe ñembo'e, ha ndajapói chéne pende rehe mba'eve ivaíva, ndapejéi ramo jepe che rehe añeteguáva, ojapo haguéicha che rembiguái Job.” 9Elifaz, Bildad ha Sofar oho ha ojapo Ñandejára he'i vaekue chupe kuéra. Ha ha'e ohendu Job ñembo'e.
10Job oñembo'e rire hese kuéra, Ñandejára ome'ẽ jey chupe heko porã yma guare,#Job 1.1-3. ha ome'ẽ jo'a chupe opa oguereko vaekue. 11Upépe oho joa ohecha chupe tyke'ýra, tyvýra ha teindýra kuéra, ha opa ikuaaha. Ha oñondivepa upe hógape, ojapo hikuái peteĩ karu guasu. Oiporiahurereko chupe hikuái ha ombopy'a guapy umi mba'e vaikueta Ñandejára ombou vaekue chupére. Ha peteĩ-teĩ ome'ẽ chupe pirapire atyrami ha peteĩ kuãirũ óro guigua.
12Ñandejára ohovasa Jóbpe, ha heta hetave mba'e porã ome'ẽ chupe omano meve. Hymba kuéra ohupyty 1.000 ovecha, 6.000 kaméllo, 2.000 guéi ha 1.000 vúrro. 13Ta'ýra 14 ha tajýra mbohapy. 14Tajýra ypykue ombohéra Jemíma,#Hebréo ñe'ẽme Jemíma he'ise Jeruti. pe mokõiha Quesiá#Hebréo ñe'ẽme Quesiá he'ise Canela. ha pe mbohapyha Queren-Hapuc.#Hebréo ñe'ẽme Queren-Hapuc he'ise Mba'e ryakuã porã ryru. 15Yvy tuichakue ndaipóri kuña iporãva Job rajy kuéraicha. Job oheja chupe kuéra ha ikyvy kuérape opaite mba'e oguerekóva.
16-17Kóva rire, Job oikove 140 áño. Omano itujaite pyréma oikove aja gueteri ta'ýra ha tajýra kuéra, ha ohecha ave hemineno ha ta'ýra kuéra remineno.
Currently Selected:
Job 42: GPC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.