Isaías 40
40
Ñandejára ombovy'a jeýta Jerusalénpe
1Tupã he'i:
“Pembovy'a,
pembovy'a che retã guápe.
2Peñe'ẽ pende py'aite guive
Jerusalénpe
ha peje chupe opamaha
itembiguái reko,
omyengoviapamaha
hembiapo vaikuére,
ohupytýma hague Ñandejáragui
ñenupã jo'a
opa iñangaipáre.”
3Oĩ peteĩ osapukáiva:
“Pembosako'i
Ñandejárape haperã
yvy ojeiko'ỹháme,
pejapo yvy perõme tape po'i
ñane Tupãme guarã.#Mt 3.3; Mc 1.3; Jn 1.23.
4Pemyenyhẽ umi ipyko'ẽha,
pemboguejy yvyty ha yvy pu'ã.
Pejapo yvyty pa'ũgui
ñu ojoja paitéva.
5Upérõ Ñandejára
ohechaukáta heko mimbipa
ha upéva ohecháta
opa yvypóra oñondive.#Bar 5.7; Lc 3.4-6.
Ñandejára voi upéicha he'i.”
6Oĩ he'íva: “Ere hatã”,
ha che ha'e:
“Mba'e piko ha'e vaerã?”
“Opa yvypóra kapi'ícha,
ha yvoty ñúicha hekove.
7Pe kapi'i ipiru,
haviru pe yvoty
Ñandejára
oipeju ramo hi'ári.
Yvypóra niko añete
ku kapi'ícha.
8Pe kapi'i ipiru,
haviru pe yvoty,
Tupã ñe'ẽ katu opyta
opa árape guarã.”#Stg 1.10-11; 1 P 1.24-25.
9Ejupi yvyty yvatépe,
nde, reraháva Siónpe
marandu porã.
Hatã esapukái,
nde, reraháva
marandu porã Jerusalénpe.
Esapukái kyhyje'ỹre,
ere Judá pegua táva kuérape:
“Péina upépe ne Tupã!”
10Oguahẽma Ñandejára
ipokatu reheve
ha pyapy mbaretépe
opa mba'e ipo guýpe omoĩ.
Ogueru hendive
hetãgua oguenohẽ vaekue
jejopy vaígui.#Is 62.11.
11Ovecha rerekuáicha#Ez 34; Eclo 18.13; Lc 15.5; Jn 10.11.
ogueraha ijovecha kuéra
omongarúvo,
ohupi umi ovecha ra'y,
ogueraha ijyva ári
ha oñangareko
ovecha imemby ramóvare.
Tupã Israel Jára tuichapa
12Máva piko oha'ã ra'e
umi yguasu ipo pytépe,
térã ikuãme
yvága pukukue ha ipekue?
Máva piko omoĩ ra'e
mba'e ra'ãháme yvy arigua yvy?
Máva piko oha'ã ra'e
yvyty kuéra,
ha yvy pu'ã nguéra?#Job 38.4-11; Pr 8.29.
13Máva piko he'i ra'e
Ñandejárape, pe ikatúva ojapo
térã oheko mbo'e ra'e chupe?#Eclo 42.21; Ro 11.34; 1 Co 2.16.
14Mávape piko oporandu ra'e
oikuaa haguã
mba'éicha vaerãpa,
ohechauka haguã chupe
hekópe guáva rape,
ombo'e haguã chupe
mba'e kuaa,
ohechauka haguã chupe
arandu rape?
15Chupe guarã tetã nguéra,
peteĩ y tyky hyrúgui ho'áva,
térã peteĩ yvy ra'ỹi
mba'e pohýi ra'ãháme.
Opa tetã yguasu rupi oĩva,
peteĩ yvyku'i ra'ỹinte.#Sab 11.22; Bar 6.7-72.
16Líbano
ndohupytýi jepe'arã
ha mymba kuéra upepegua,
mymbahapyrã.*f**
17Opa tetã, henondépe
ndaha'éi ramo guáicha mba'eve,
chupe guarã naiporãi mba'everã.
18Mávarepa
pembojojáta Tupãme?
Mba'eichagua ta'ãngápa
pemoĩta hendaguépe?
19Ta'ãnga apoha
omboyku ta'ãngarã,
mba'e jegua apoha
ombyape óro
ha ojapo chupe jeguaka
ajurigua sã pláta.#Hch 17.29.
20Pe oikuave'ẽtava
mboriahu kuave'ẽ,
oiporavo yvyra ituju'ỹva
ha oheka
ta'ãnga apoha ha'evéva,
ojapo haguã chupe
ta'ãnga ovava'ỹtava.#Is 41.6-7; 44.9-20; Jer 10.1-16; Sab 13.10—14.21; Bar 6.7-72.
21Ndapeikuaái nga'u piko?
Araka'eve piko napehendúi?
Noñemombe'úi piko peẽme
iñepyrũha guive?
Ndoikéi piko pene akãme
mba'éichapa oiko ra'e ko yvy?
22Ha'e oguapy
ko arapy ári
ha upe guive
yvypóra tukúpe ojogua.
Ha'e yvága ahojáicha oipyso,
ojeiko haguã iguýpe.
23Ha'e ohundi
mburuvicha guasu kuérape
ha yvy arigua sãmbyhyhárape.
24Ojogua yvyra ra'y
ramónte oñeñotỹva,
hapo ramo guarã
ha'e oipeju
hi'ári kuéra ha ipiru,
ha yvytu ratã
kapi'i pirukuéicha ogueraha.
25Tupã Imarangatúva oporandu:
Mávare piko che mbojojáta,
añembojoja haguã hese?
26Pejesaupi ha pema'ẽ.
Máva piko umi mba'e apohare?
Pe he'íva peteĩ-teĩme
hembiaporã
ha héra rupi ohenói.
Ha'e ipokatu
ha ipu'aka mbarete rupi
ndaipóri ou'ỹva
ijapytépe kuéra.
27Mba'ére piko ere, Jacob,
ha ere jey nde Israel:
“Ñandejára nda che recha kuaái.
Tupã mba'eve ndoikuaaséi
che hegui?”
28Ndereikuaái nga'u piko?
Araka'eve piko nerehendúi
Tupãha, opa ára Ñandejára?
Ha'e ojapo ko yvy tuichakue,
ndaijuku'ái, naikane'õi,
iñarandu ndaijapýrai.
29Ha'e omokyre'ỹ ikane'õvape,
ikangývape omombarete.
30Mitã rusu jepe
ijuku'a ha ikane'õne,
karia'y oñepysãnga ha ho'áne,
31ojeroviáva#Sal 25.3; 33.20-21; Is 49.23. Ñandejárare
katu ikyre'ỹ jeýne
ha taguatóicha#Sal 103.5. ovevéne.
Ijuku'a'ỹre oñaníne
ha oguatáne ikane'õ'ỹre.
Currently Selected:
Isaías 40: GPC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.