Oseas 14
14
1Umi Samariagua
oñenupãta avei
opu'ã haguére Tupã Ijárare.
Kyse pukúpe
ha'e kuéra ojejukáta.
Imitã nguéra
yvýre ojepetéta,
ha hye guasúva rye
oñembovóta.
Oseas oñembo'e Israel guáre
2Ejevyke Israel
Tupã nde Járape,
re'a vaekue niko
ne rembiapo vaikuére!
3Tapeho jey
Ñandejára rendápe
ha peje chupe:
Eheja reíkena oréve
ore rembiapo vaikue,
ha ehendu ore ñe'ẽ.#Is 65.6-7.
4Asiria ndaikatúi
orepe'a ivaívagui,
kavaju ári jepe
norokañy mo'ãi.
Ndoro'e mo'ãvéi
“Ore Jára”,
mba'eve rojapo vaekuépe
ore po rupi.
Nde mante voi, ore Jára,
reiporiahurerekóva
tyre'ỹme.
Tupã omoingove jeýta Israélpe
5Ñandejára he'i:
“Aipohanóta chupe kuéra
heko pu'ãségui.
Ahayhúta chupe kuéra,
iñaña ramo jepe,
ojeíma chugui kuéra
che pochy.#Jer 30.15-17.
6Israel peguarã
che ysapýichata,
ha ha'e asusénaicha ipotýta,
hapo imbaretéta,
Líbano yvytýicha.
7Hakã nguéra ojepysóta,
olívo rakã porãicha
ha hyakuãta,
kuri'y Líbanope guáicha.
8Israel che pepo guýpe
oñemo'ã jeýta,
upérõ ha'e kuéra
trígotýicha okakuaáta,
parraltýicha ipotýta
ha herakuã mombyrýta
Líbano pegua kaguýicha.
9Efraín he'íta upérõ:
‘Ndaikuaase véima
mba'eve tupã gua'úgui’.
Che voi añangareko
che retãguáre
ha ahayhu chupe kuéra!
Che pype ojuhúta
opa oikotevẽva”.
10Umi iñarandúva
ha iñakã guapýva,
toikuaa ko'ã ñe'ẽ:
Ñandejára rape naikarẽi,
ha umi imarangatúva,
upe rupi oguata,
iñañáva katu upe rupi
tuicha oñepysãnga.#Sal 1.6; Pr 4.7-12,18-19; Eclo 39.24.
Currently Selected:
Oseas 14: GPC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.