Tito 2
2
Junjun xnaqꞌtzbꞌil tuꞌn t-xiꞌ kye ilaꞌ chꞌuqxjal
1Me atzin te, Tito, qꞌoꞌnxa jun xnaqꞌtzbꞌil kye xjal tojxix tumil tzꞌaqlexix wen. 2Ex atzin xnaqꞌtzbꞌiljo lo: Qꞌmanxa kye ichin, a ma chi tijin, tuꞌn mi chi txꞌujte, tuꞌntzin kynimajtz kyuꞌn txqantl, tuꞌn tten kynabꞌl, ex tuꞌn kyok tzꞌaqle toj kynimbꞌil ex toj tqꞌaqꞌbꞌil kykꞌuꞌj, ex tuꞌn tikyꞌx kyuꞌn tkyaqil tiꞌ toj kychwinqil.
3Ex ikyxjo, qꞌmanxa kye tij qya tuꞌn kybꞌet-xix toj tumil toj kychwinqil, tuꞌn mi chi ok iqil yol, ex tuꞌn mi chi txꞌujte. 4Qalaꞌ tuꞌn kyok te jun yekꞌbꞌil twutzxix, tuꞌn kyyekꞌinte kye kuꞌxin qya tuꞌn kykꞌuꞌjlin te kychmil ex kyal, 5ex tuꞌn tten kynabꞌl, ex tuꞌn kyok tzꞌaqle toj tkyaqil, ex tuꞌn tok tilil kyuꞌn toj kyaqꞌin toj kyja, ex tuꞌn kyoyin jun tiꞌ te juntl, ex bꞌaꞌn tuꞌn kyniminte kychmil toj tkyaqil, tuꞌntzin mi tzꞌel kyiꞌjlinxjal Tyol Dios.
6Ex ikyxjo, qꞌmanxa kye kuꞌxin ichin tuꞌn tten kynabꞌl. 7Ex aku te, tuꞌn tkubꞌ tqꞌoꞌn jun yekꞌbꞌil toj tkyaqil. Ajtzin t-xi t-xnaqꞌtzintza, bꞌinchinkuy jikyinxix wen ex tukꞌa nim tnabꞌla. 8Qꞌmanxa tukꞌa tumil, tuꞌn mi tzꞌel ikyꞌin kyuꞌnxjal; qalaꞌ noq tuꞌn kyjaw txꞌixwe aye nchi yolbꞌin qiꞌj, quꞌn ntiꞌ tumil tuꞌn kyxoꞌn yol ikyjo.
9Ex ikyxjo, qꞌonxa kynabꞌl aqꞌnil, tuꞌn tkubꞌ kynimin tajaw aqꞌuntl toj tkyaqil, ex tuꞌn kyok te tbꞌanil xjal, tuꞌntzintla mibꞌin chi tzaqꞌwin, ex tuꞌntzin ttzalaj tajaw aqꞌuntl kyiꞌj. 10Ex tuꞌn mi chi elqꞌin jun tiꞌ exla qa tal netzꞌ, qalaꞌ tuꞌn kyokx jikyinxix wen toj tkyaqil, tuꞌn tel kynikyꞌxjal, qa a xnaqꞌtzbꞌil tiꞌj Dios ex Klolqe Jesús, tbꞌanilxix.
11Nxi ntzꞌibꞌiꞌn tkyaqiljo lo, quꞌn ate Dios o tzaj yekꞌinte t-xtalbꞌil toj tkyaqil twutz txꞌotxꞌ, tuꞌn tklet tkyaqilxjal tuꞌn. 12Ajo xtalbꞌil lo ntzaj tyekꞌin qe, tuꞌn tkyij qtzaqpiꞌn tkyaqiljo nya bꞌaꞌn, a tajjo ojtxe qten, ex tuꞌn qbꞌet-xix toj qchwinqil jikyinxix wen tukꞌa qnabꞌl, ex tukꞌa jun tumil tuꞌn qximin tiꞌj qMan Dios toj tkyaqil. 13Ex ikyxjo, ntzaj tyekꞌin Dios qe, tzeꞌn tuꞌn qayoꞌn tukꞌa tzaljbꞌil a tulil Jesucrist, a qDios ex qAjaw, tukꞌa tkyaqil tqoptzꞌajiyil, ikyxjo tzeꞌnku tzaj tqꞌmaꞌn Jesús qe. 14Quꞌn a Jesús o txi tqꞌoꞌn tibꞌ te qxel, tej tkyim twutz cruz, tuꞌn qkotpit toj tkyaqil il,#Sal. 130:8; Mt. 20:28; Mr. 10:45; Gal. 1:4; 1Tim. 2:6. ex tuꞌn qtxjet saqxix wen tuꞌn qok te te,#Ex. 19:5; Deu. 4:20; 7:6; 14:2; 26:18; 1Pe. 2:9. ex tukꞌa tkyaqil qanmin, tuꞌn qbꞌinchin te bꞌaꞌn.
15Tkyaqiljo lo, ilxix tiꞌj tuꞌn t-xnaqꞌtzintiy. Ex tuꞌn ikyjo, tuꞌn tqꞌontiy nabꞌl kye nimil, ex tuꞌn kyxi tkawiꞌn toj tbꞌi qMan Dios. Me il tiꞌj tuꞌn tbꞌinchitejiꞌy lo tukꞌa tnabꞌla, tuꞌn mi txi tqꞌoꞌn ambꞌil kyexjal tuꞌn tel ikyꞌin kyuꞌn.
Currently Selected:
Tito 2: mamC
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.