2 Timateo 1
1
1Mukanda wakutunda kuli yange Paulu, muluwa wa Kilistu Yesu ku cizango ca Njambi, uje wanjitumine mukwambulula mwonyo wa cikulaeso uje tulinawo muli Kilistu Yesu.
2 #
Vil 16:1
Kuli Timateo, munange injazema.
Njambi Tate na Kilistu Yesu Mwene yetu vakwane kutetele na mema ku mbunge na kwoloka.
Kukandelela nakutakamesa
3Njikandelela kuli Njambi, uje njilinakupangela na citaku-taku cakutungukwa ngwe muvalingile vakukulwila vange. Njikamukandelela omo njikakwanuka simbu yoshe mu malombelo ange vutsiki na mutanya. 4Njilinakwanuka misozi yove, co njishaka manene kukumona, ngeci njakujolele manene. 5#Vil 16:1 Njilinakwanuka kukulaela kwove kwa vushunga, kukulaela kwa kuje kuku yove Loisi na vanyako Yunisi vakele nakwo. Njakulaela ngwange nove lalo ulinakwo. 6Ngecivene, njilinakukwanukisa ngeci uwezeleleko lalo ku vwana vuje vwakwanene Njambi omo njakukambekele mavoko. 7Omwo Njambi katwanene munzinzime wa lyova, oloni Munzinzime wendi natushulisa na nzili na cizemo nakulinyunga.
8Ngecivene, kesi uzive shwamwa yakwambulula vukaleo vwa Mwene yetu, nambe kesi ukale na shwamwa ali yange, cinzinda omwo ali Kilistu. Oloni ambatako mutambela mukuyandela Vin̄anda Vyavivwa, ngwe omo Njambi akwana nzili yakuvilinga. 9Ikeye watwovwele, co watusanene ngeci tupwe vanu vendi, kesi omwo a vilinga vyetu embwe, oloni omwo a vutumbe na a kutetela kwendi. Watwanene kutetela oku muli Kilistu Yesu ku simbu ya ku san̄ulu, 10oloni ololo vanacisholola kuli yetu akwija kwa Muyoyesi wetu, Kilistu Yesu. Ikeye namanesa nzili ya kutsa, co a muzimbu nasholola mwonyo uje kuwesi kutsa.
11 #
1 Tim 2:7
Njambi nanjangula kupwa muluwa na mulongisi mukwambulula Vin̄anda Vyavivwa, 12eci cikeco cilinakunjilingisa ngeci njiyande. Oloni kunjesi na shwamwa embwe, omwo njinazivuka uje njinakulaela, co njazivuka mwa vushunga ngwange ikeye asa kunyunga mwamuvwa vije vyananjikundika#1:12 VIJE VYANANJIKUNDIKA: Nambe, vije vinjinamukundika. noo ku Litangwa lije. 13Kakateya mbe ku majwi a vushunga aje njakulongesele, apwe cimweso kuli yove mukuwakava, co unapande kukala mukukulaela na cizemo vije vinapu vyetu muli Kilistu Yesu. 14Nyunga vyuma vyavivwa vije vivanakukundika a nzili ya Munzinzime Wakujela uje alinakuyoya muli yetu.
15Unazivuka ngwove vanu voshe mu lifuti lya Asiya vananjikengesa nima, Fingelyase na Helemengenese navo lalo vananjiseza. 16Mwene amimwesa mema ku mbunge ku naanga ya Onesifolase, omwo ikeye visimbu vyavingi wanjivwaelelesele. Kazivile shwamwa omo yange njili mu kamenga, 17oloni vwasi-vwasi omo wetele mu Loma, washangumukile kunjishakezeka noo wanjiwanene. 18Mwene akamwane kutetela kwendi a Litangwa lije! Wazivuka mwamuvwa kukwasa kwendi muje njakele mu Efeso.
Currently Selected:
2 Timateo 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006