1 Timateo 2
2
Kulemesa kwa mu cikungulukilo
1Ngecivene, akulivanga, njimisindiya ngwange lambeleleni, lombeleni, kwihula, kulomba na kukandelela vanapande kuvyana kuli Njambi ali vanu voshe, 2na ali vimyene na ali voshe vaje valinakushika, ngeci tuyoye mwamuvwa mu kwoloka na kasingimiko koshe kuli Njambi amo na vilinga vyavivwa. 3Evi vinapu vyavivwa, co vivwaelelesa Njambi Muyoyesi wetu, 4uje ashaka ngeci vanu voshe vovoke nakweta kukuzivuka vushunga. 5Omwo kwali Njambi umolika, co kwali uje alinakunena Njambi na vanu amolika, munu ikeye Kilistu Yesu, 6uje walyanene ikeye vavenya kupwa ndando yakupatula vanu voshe. Vuje vwapwile vukaleo a simbu yaivwa ngeci Njambi washakele vanu voshe vovoke, 7#2 Tim 1:11 omwo eci cikeco cuma vanjangwilile kupwa muluwa na mulongisi kuli vaje kesi vaYunda, nakwambulula lijwi lyakukulaela na lya vushunga. Kunjendeka makuli embwe, njilinakumileka vushunga!
8Yange njishaka vanalume ngeci valombele, vanalume vaje vanalyana kuli Njambi, co vasa kujundula mavoko avo kwilu nakulomba kujeneka kuluvala nambe vimata. 9#1 Pet 3:3 Co njishaka lalo vanakazi vapwe vaka-kumwesa kulikeesa na mana avo a vuzalo vwavo, co vanapande kuzala mwamuvwa, kesi na vin̄ambu vyakuvinda mweka na mweka, nambe na ngolinde nambe yavuvwa vweka, nambe na makwalale akuvwaa manene, nambe na vinanga vyandando yakama, 10oloni na vilinga vyavivwa, ngwe mucinapande kuli vanakazi vaje vanapu vaka-kukulaela. 11Vanakazi vanapande kulilongesa na kwoloka kuluu na kulikeesa kwoshe. 12Kunjitava ngeci vanakazi valongese nambe kushika akati ka vanalume embwe, vanapande kwoloka kuluu. 13#Kus 2:7,21-22 Omwo Andama ikeye vatangele akulivanga, co asinoni Eva. 14#Kus 3:1-6 Co kesi Andama uje vakwisile embwe, oloni munakazi ikeye vakwisile, co wapokwele lishiko lya Njambi. 15Oloni munakazi vakamwamena akukita vana,#2:15 MUNAKAZI VAKAMWAMENA AKUKITA VANA: Nambe, munakazi vakamunyungwa kwakujeneka vushonde akukita vana. nga akakateya#2:15 NGA AKAKATEYA: Nambe, nga vakakateya. mukukulaela na mu cizemo na mukujela na kasingimiko.
Currently Selected:
1 Timateo 2: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006