2 Korin 2
2
1From diswan nao mi tingim strong dat mi no save go long yufala moa, nogud mi mekem yufala filnogud. 2?Sapos mi mekem yufala filnogud, bae hu nao mekem mi hapi moa? Bikos yufala nomoa save mekem mi hapi. 3Dastawe mi raetem nara leta ya#2:3 “nara leta ya” Maet Pol hemi minim wanfala leta wea hemi no stap distaem, o maet hemi minim Fas Korin sapta 5. Samfala pipol tingse hemi minim Mektu Korin sapta 10 go kasem sapta 13. long yufala, bikos mi no wande lukim yufala long datfala taem. Nogud yufala hu i save mekem mi hapi, bae yufala mekem mi filnogud. Mi biliv dat sapos mi hapi, bae yufala evriwan hapi tu. 4Taem mi raetem leta ya, mi filnogud tumas an mi sore tumas go-go mi krae nao. An mi no raetem leta ya fo mekem yufala filnogud, bat fo mekem yufala save dat mi lavem yufala evriwan tumas.
Pol fogivim wanfala man
5Nao disfala man hu hemi bin mekem yufala ya fo filnogud tumas, hemi no mekem mi filnogud tumas. Bat mi no laek fo talem plande samting wea hemi spoelem man ya. 6Hemi naf nao bikos plande long yufala panisim hem finis. 7Distaem, hemi moabeta fo yufala fogivim hem an strongim tingting blong hem. Nogud biliv blong hem dae long sore. 8So mi askem strong long yufala fo mekem hem save dat yufala barava lavem hem. 9Mi raetem leta ya long yufala lastaem bikos mi wande testem yufala an lukim sapos yufala wiling olowe fo duim wanem mi talem. 10Eniwan wea yufala fogivim hem, mi tu mi fogivim hem. An sapos hemi duim samting wea mi save fogivim hem, oraet mi fogivim hem long ae blong Kraes, bikos mi laek fo helpem yufala. 11Long wei ya, Seitan bae hemi no save garem paoa ovarem yumi, bikos yumi save finis long olketa nogud plan blong hem.
Waka long Troas
12Taem#Aposol 20:1. mi bin kasem Troas fo talemaot Gudnius abaotem Kraes, Masta hemi helpem mifala fo duim plande gudfala waka. 13Bat mi barava wari fogud, bikos mi no faendem fren blong mi Taetas. So mi gudbae long olketa pipol ya, an mi go olowe long Masedonia nao.
Kraes hemi win finis
14!Bat mifala talem tengkiu tumas long God! Bikos hemi olsem hem nao lidim mifala long maas blong King#2:14 “mifala” Long disfala leta Pol hemi raetem “mifala” plande taem, an samfala taem nomoa hemi raetem “mi”. Long taem blong Pol, olketa save raetem “mifala” long olketa leta olsem, nomata olketa minim “mi” nomoa. Hemi wanfala gudfala wei fo raetem leta. So maet Pol hemi minim nomoa “mi” long kolsap evri taem hemi raetem “mifala”, bat yumi no save, so mifala falom nomoa wanem hemi stap long langguis long Grik. wea Kraes nao winim faet.#2:14 “maas blong King wea Kraes nao hemi winim faet” “insens” Hemi luk olsem Pol hemi piksarem wanfala king hu hemi kambaek long Rom taem hemi winim faet finis. King ya hemi wakabaot long mas wetem olketa soldia blong hem an olketa pipol hu hemi kasholem olketa. An samfala man olketa bonem insens tu fo mekhae long king long taem ya. God hemi yusim mifala fo mekem disfala save abaotem Kraes fo go kasem evri ples, olsem insens wea hemi smel naes tumas. 15Mifala olsem insens wea Kraes hemi bonem fo mekhae long God. An disfala smel hemi go kasem evriwan wea God hemi gohed fo sevem olketa, an evriwan wea olketa gohed fo lus from God. 16Long olketa hu i gohed fo lus, disfala smel hemi smel nogud tumas an hemi tekem kam dae long olketa. Bat long olketa hu God hemi gohed fo sevem olketa, hemi smel naes tumas an hemi tekem kam laef long olketa. ?So watkaen man nao hemi fitim diskaen waka? 17Mifala no olsem plande nara pipol wea olketa talemaot toktok blong God bikos olketa laek fo winim seleni. Nomoa. God nao hemi siusim mifala, an mifala toktru olowe long ae blong hem. Bikos mifala stap joen wetem Kraes, mifala talemaot toktok blong hem olsem wakaman blong God.
Currently Selected:
2 Korin 2: SIPB
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.