1 Tesalonaeka 5
5
Yumi mas redi an weitem Masta
1Olketa Kristin fren, mi no nid fo raet go long yufala fo talem yufala abaotem barava de an barava taem wea olketa samting ya bae hapen. 2Bikos#Matiu 24:43; Luk 12:39; 2 Pita 3:10. yufala seleva yufala savegud finis wea Masta blong yumi bae hemi kambaek long eni de nomoa, olsem man fo stil save kam enitaem nomoa long naet. 3Pipol bae gohed fo toktok olsem, “Olketa samting i barava kuaet an stapgud nomoa.” Bat seknomoa, bikfala trabol bae hemi kam nao an barava spoelem olketa pipol, an bae olketa no save ranawe from diswan. Bae hemi kasem olketa kuiktaem nomoa olsem pein wea woman hemi filim taem hemi redi fo bonem pikinini. 4Bat yufala olketa Kristin fren, yufala no stap insaet long tudak olsem. An taem Lasde hemi kam, bae yufala no sek long hem olsem taem wanfala man fo stil hemi save mekem yufala sek. 5Yufala evriwan i pipol blong laet, an yufala duim olketa samting long delaet. Yumi no pipol blong naet o pipol blong tudak. 6So hemi nogud fo yumi olsem man hu hemi slip nomoa, olsem olketa nara pipol hu i no biliv.#5:6 “olsem olketa nara pipol wea olketa no biliv” Long langguis long Grik hemi sei nomoa, “olsem olketa nara pipol”. Yumi mas lukaot olowe an kontrolem tingting blong yumi. 7Bikos naet nao hemi taem wea olketa pipol save slip ya, an hemi taem tu wea olketa gohed fo drang. 8Bat#Aesaea 59:17; Efesas 6:13-17. yumi pipol blong delaet ya. So yumi mas kontrolem tingting blong yumi olsem soldia hemi go long faet wea hemi mas werem spesol kaleko wetem hat fo kavarem bodi blong hem. Biliv an lav blong yumi, hemi olsem spesol kaleko ya, an wei wea yumi trastem God fo sevem yumi, hemi olsem hat wea soldia hemi werem.
9God hemi no siusim yumi fo safa taem hemi kros, bat fo Masta blong yumi Jisas Kraes hemi sevem yumi. 10Jisas hemi dae fo yumi, mekem yumi save stap tugeta wetem hem taem hemi kambaek moa, nomata yumi laef yet o yumi dae finis.#5:10 “nomata yumi laef yet o yumi dae finis” Long langguis long Grik hemi sei, “nomata yumi stap wekap o yumi slip”. 11From diswan nao, yufala mas gohed fo strongim tingting blong yufala, an yufala mas helpem yufala evriwan olsem yufala duim distaem.
Kristin wei fo stapgud tugeta
12Olketa Kristin fren, mifala askem yufala fo tinghae long olketa lida blong yufala long sios, bikos olketa nao i gohed fo lidim yufala an tisim yufala. 13Yufala mas tinghae long olketa ya an lavem olketa from waka wea olketa duim. An yufala mas stap long piis wetem yufala evriwan.
14Olketa Kristin fren, mifala talem strong moa long yufala fo wonem olketa hu i les tumas fo waka. Yufala mas helpem olketa hu i fraet tumas, an strongim moa tingting blong olketa. Yufala mas helpem olketa wea tingting blong olketa hemi wik tumas, an no raf long eniwan. 15Nao taem wanfala man hemi duim rong samting long eniwan, yufala mas meksua no eniwan hemi sensimbaek. Bat evritaem, yufala mas traehad fo duim olketa gudfala samting fo eniwan long yufala, an fo olketa narafala pipol tu.
16Yufala mas hapi olowe, 17an yufala mas prea long enitaem nomoa. 18An nomata wanem hemi hapen, yufala mas talem tengkiu long God. Olketa samting ya nao God hemi laekem yufala fo duim, bikos yufala stap joen wetem Jisas Kraes.
19Yufala mas no blokem yufala seleva from paoa blong Holi Spirit. 20An yufala mas no lukdaon long toktok wea olketa sei hemi wanfala mesij blong God. 21Bat yufala mas lukluk gud long olketa toktok ya fastaem. An olketa gudfala toktok nao yufala save falom, 22an olketa nogud samting yufala mas no falom.
23Letem God hu hemi givim piis, hemi mekem laef blong yufala holi. An bae hemi kipim spirit an bodi an laef blong yufala fri from enikaen rong samting, long taem Jisas Kraes Masta blong yumi bae hemi kambaek moa. 24Yufala save trastem God hu hemi kolem yufala finis, an hem nao bae hemi duim diswan.
25Olketa Kristin fren, plis prea kam fo mifala tu.
26Yufala mas sei halo long olketa Kristin fren an kisim olketa long wei blong tru Kristin brata o sista.#5:26 “an kisim olketa …” Long langguis long Grik hemi sei,“talem halo wetem holi kis”.
27Long nem blong Masta blong yumi, mi talem strong long yufala fo ridim disfala leta long evri Kristin.
28Letem kaenfala lav blong Jisas Kraes Masta blong yumi, hemi stap wetem yufala.
Currently Selected:
1 Tesalonaeka 5: SIPB
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
1 Tesalonaeka 5
5
Yumi mas redi an weitem Masta
1Olketa Kristin fren, mi no nid fo raet go long yufala fo talem yufala abaotem barava de an barava taem wea olketa samting ya bae hapen. 2Bikos#Matiu 24:43; Luk 12:39; 2 Pita 3:10. yufala seleva yufala savegud finis wea Masta blong yumi bae hemi kambaek long eni de nomoa, olsem man fo stil save kam enitaem nomoa long naet. 3Pipol bae gohed fo toktok olsem, “Olketa samting i barava kuaet an stapgud nomoa.” Bat seknomoa, bikfala trabol bae hemi kam nao an barava spoelem olketa pipol, an bae olketa no save ranawe from diswan. Bae hemi kasem olketa kuiktaem nomoa olsem pein wea woman hemi filim taem hemi redi fo bonem pikinini. 4Bat yufala olketa Kristin fren, yufala no stap insaet long tudak olsem. An taem Lasde hemi kam, bae yufala no sek long hem olsem taem wanfala man fo stil hemi save mekem yufala sek. 5Yufala evriwan i pipol blong laet, an yufala duim olketa samting long delaet. Yumi no pipol blong naet o pipol blong tudak. 6So hemi nogud fo yumi olsem man hu hemi slip nomoa, olsem olketa nara pipol hu i no biliv.#5:6 “olsem olketa nara pipol wea olketa no biliv” Long langguis long Grik hemi sei nomoa, “olsem olketa nara pipol”. Yumi mas lukaot olowe an kontrolem tingting blong yumi. 7Bikos naet nao hemi taem wea olketa pipol save slip ya, an hemi taem tu wea olketa gohed fo drang. 8Bat#Aesaea 59:17; Efesas 6:13-17. yumi pipol blong delaet ya. So yumi mas kontrolem tingting blong yumi olsem soldia hemi go long faet wea hemi mas werem spesol kaleko wetem hat fo kavarem bodi blong hem. Biliv an lav blong yumi, hemi olsem spesol kaleko ya, an wei wea yumi trastem God fo sevem yumi, hemi olsem hat wea soldia hemi werem.
9God hemi no siusim yumi fo safa taem hemi kros, bat fo Masta blong yumi Jisas Kraes hemi sevem yumi. 10Jisas hemi dae fo yumi, mekem yumi save stap tugeta wetem hem taem hemi kambaek moa, nomata yumi laef yet o yumi dae finis.#5:10 “nomata yumi laef yet o yumi dae finis” Long langguis long Grik hemi sei, “nomata yumi stap wekap o yumi slip”. 11From diswan nao, yufala mas gohed fo strongim tingting blong yufala, an yufala mas helpem yufala evriwan olsem yufala duim distaem.
Kristin wei fo stapgud tugeta
12Olketa Kristin fren, mifala askem yufala fo tinghae long olketa lida blong yufala long sios, bikos olketa nao i gohed fo lidim yufala an tisim yufala. 13Yufala mas tinghae long olketa ya an lavem olketa from waka wea olketa duim. An yufala mas stap long piis wetem yufala evriwan.
14Olketa Kristin fren, mifala talem strong moa long yufala fo wonem olketa hu i les tumas fo waka. Yufala mas helpem olketa hu i fraet tumas, an strongim moa tingting blong olketa. Yufala mas helpem olketa wea tingting blong olketa hemi wik tumas, an no raf long eniwan. 15Nao taem wanfala man hemi duim rong samting long eniwan, yufala mas meksua no eniwan hemi sensimbaek. Bat evritaem, yufala mas traehad fo duim olketa gudfala samting fo eniwan long yufala, an fo olketa narafala pipol tu.
16Yufala mas hapi olowe, 17an yufala mas prea long enitaem nomoa. 18An nomata wanem hemi hapen, yufala mas talem tengkiu long God. Olketa samting ya nao God hemi laekem yufala fo duim, bikos yufala stap joen wetem Jisas Kraes.
19Yufala mas no blokem yufala seleva from paoa blong Holi Spirit. 20An yufala mas no lukdaon long toktok wea olketa sei hemi wanfala mesij blong God. 21Bat yufala mas lukluk gud long olketa toktok ya fastaem. An olketa gudfala toktok nao yufala save falom, 22an olketa nogud samting yufala mas no falom.
23Letem God hu hemi givim piis, hemi mekem laef blong yufala holi. An bae hemi kipim spirit an bodi an laef blong yufala fri from enikaen rong samting, long taem Jisas Kraes Masta blong yumi bae hemi kambaek moa. 24Yufala save trastem God hu hemi kolem yufala finis, an hem nao bae hemi duim diswan.
25Olketa Kristin fren, plis prea kam fo mifala tu.
26Yufala mas sei halo long olketa Kristin fren an kisim olketa long wei blong tru Kristin brata o sista.#5:26 “an kisim olketa …” Long langguis long Grik hemi sei,“talem halo wetem holi kis”.
27Long nem blong Masta blong yumi, mi talem strong long yufala fo ridim disfala leta long evri Kristin.
28Letem kaenfala lav blong Jisas Kraes Masta blong yumi, hemi stap wetem yufala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.