Sams 150
150
Yumi preisim Yawe
(Toktok go long olketa pipol.)
1!Yumi preisim Yawe!
Yumi preisim God long Tambuhaos blong hem.
Ya, yumi preisim hem fo paoa blong hem long heven.
2Yumi preisim hem fo olketa bikfala samting wea hemi bin duim.
Ya, yumi preisim hem bikos hemi barava hae fogud.
3Yumi preisim hem long olketa trampet.
Ya, yumi preisim hem long olketa deferen kaen gita.
4Yumi dans, an preisim hem long olketa dram.
Ya, yumi preisim hem long olketa ukalele an olketa bambu paep.
5Yumi preisim hem long olketa simbol wea hemi save mekem bikfala noes.
6Hemi gud tumas fo evrisamting wea hemi laef, fo preisim Yawe.
!Ya, yumi preisim Yawe!
Currently Selected:
Sams 150: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.