1 Timoti 2
2
Wanem fo duim long taem blong prea
1Bikfala samting mi askem strong long olketa Kristin fo duim nao, hemi fo olketa mas prea an toktengkiu long God fo evri pipol an askem hem fo helpem olketa. 2An olketa mas prea long God, mekem hemi helpem olketa king an evri bikman. Sapos olsem, bae yumi save stap kuaet gudfala an falom gudfala wei blong God an stapgud wetem olketa nara pipol. 3Prea olsem diswan ya hemi gudfala, an God hu hemi Sevia blong yumi hemi laekem tu. 4Hemi laekem evri pipol fo kasem tru laef an fo save long Gudnius wea hemi tru tumas. 5Wanfala God nomoa hemi stap ya, an wanfala man nomoa hemi stap hu hemi lidim olketa pipol go long God, an disfala man ya nao hemi Jisas Kraes. 6Hemi letem hem seleva fo dae fo peimaot evri pipol from sin blong olketa. Diswan, hemi somaot long gudfala taem blong hem, wea God hemi laek fo sevem evri pipol. 7Dastawe#2 Timoti 1:11. nao God hemi siusim mi fo waka olsem aposol. Hemi laekem mi fo talemaot Gudnius long olketa pipol hu i no Jiu, an fo tisim olketa abaotem biliv wea hemi barava truwan. Mi toktru ya, mi no laea.
8Nao mi laekem olketa man long evri ples, fo olketa mas prea. Olketa mas stret gudfala, an olketa mas save holemap han blong olketa long prea#2:8 “holemap han blong olketa long prea” Long taem ya, hemi wanfala kastom blong olketa long taem blong prea. wea olketa no filkros an olketa no raoa. 9Mi#1 Pita 3:3. laekem tu olketa woman fo werem gudfala kaleko, wea hemi no fo stael nomoa. An olketa mas no staelem tumas hea blong olketa o yusim enikaen gol an naesfala pel, an olketa mas no werem olketa kaleko wea hemi dia tumas fo baem. 10Olketa woman hu i laek fo falom toktok blong God, olketa mas duim olketa gudfala waka wea hemi fitim fo olketa duim. 11Olketa woman mas hambol an stap kuaet taem olketa stap fo lanem enisamting long sios. 12Mi no letem olketa woman fo tis o fo garem paoa ovarem olketa man. Nomoa, olketa mas stap kuaet nomoa. 13Bikos#Jenesis 2:7, 21-22. yu save, God hemi mekem Adam fastaem an bihaen nomoa hemi mekem Iv. 14An#Jenesis 3:1-6. Seitan hemi no laea long Adam, woman ya nao hemi laea long hem an long wei ya nao woman hemi brekem lo blong God. 15Bat bae God hemi sevem olketa woman, bikos olketa nao i save bonem pikinini.#2:15 “Bat bae God …” Nara wei fo talem moa,“Bat bae God hemi mekem olketa woman i stapgud taem olketa bonem pikinini.” Pol hemi agensim olketa laea tisa wea olketa no laekem olketa woman fo marit an garem pikinini. Bat olketa mas gohed tu fo biliv an fo somaot lav an fo stap holi long laef blong olketa.
Currently Selected:
1 Timoti 2: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.