TITO 3
3
Timhaka leti Tito a fanelaka ku dyondzisa tona.
1U va tsundzuxa ku yingisa vuhosi ni tindhuna, ni ku ya hi nawu, ni ku tilunghisela mitirho hinkwayo leyo saseka; 2va nga tshuki va lumbeta munhu, va tshika timholovo, va tikhoma, va kombisa ku olova hinkwako eka vanhu hinkwavo.
3Hikuva, na hina, khale a hi hungukile, hi ri lava alaka ku yingisa, lava lahlekeke, lava fumiwaka hi ku navela, ni ku titsakisa loko tala; lava hanyaka emoneni ni le makwangeni, lava faneleke ku vengiwa, ni lava venganaka. 4Kambe siku ku vonakalaka vunene bya Xikwembu, Mulondzovoti wa hina, ni rirhandzu ra xona eka vanhu, 5u hi hanyisile, ku nga ri hi mitirho leyinene leyi tirhiweke hi hina, kambe hi tintswalo ta xona, hi ku hlantswa ka ku tswariwa ra vumbirhi, ni vuntshwa bya Moya lowo Kwetsima, 6lowu xi wu cheleke hi ku tala ehenhla ka hina ha Yesu Kriste, Mulondzovoti wa hina; 7leswaku, leswi hi nga hlayiwa lava lulameke hi tintswalo ta xona, hi ta va ni ku tshemba ku endliwa vadyandzhaka va vutomi lebyi nga heriki.
8Rito leri ri tiyile, kambe ndzi rhandza leswaku u tiyisa hi matimba timhaka leti, leswaku lava pfumeleke eka Xikwembu va tilangutela, va ta rhanga va chivirikela mitirho leyinene: Hi swona leswinene, leswi lulamelaka vanhu.
9Kambe chava ku kanetana ka vuhunguki, ni ka tinxaka, ni timhaka leti hambanaka, ni ku kanela ehenhla ka nawu, hikuva a swi pfuni nchumu, i swahava.
10Hambana ni munhu la dyondzisaka leswi hambanisaka loko u n'wi pfuxile kan'we kumbe kambirhi, 11u nga tiva leswaku lowo tano u onhakile, i mudyohi, u tiavanyisile.
Marungulo man'wana ni ku lela.
12Kutani loko ndzi ta va ndzi ku rhumele Artema, hambi a ri Tixiko, hatlisa u ta eka mina eNikopoli, hikuva ndzi anakanyile ku pindzuka vuxika kona. 13Longelela Zena, mudyondzisi wa nawu, na Apolosi, erendzweni ra vona, va nga tshuki va pfumala nchumu. 14Varikwerhu a va dyondze, na vona, eku chivirikela mitirho leyinene va ta pfuna emasikwini ya ku pfumala, va nga tshuki va pfumala mihandzu.
15Lava ndzi nga na vona va ku rungula hinkwavo. Rungula lava hi rhandzaka eku pfumeleni.
Tintswalo a ti ve na n'wina hinkwenu!
Currently Selected:
TITO 3: TSO29
Highlight
Share
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.