EZEKIELE 2
2
1Kutani a ku eka mina: “N'wana wa munhu, pfuka u yima, ndzi ta vulavula na wena.” 2Kan'wekan'we moya wu nghena eka mina, loko a ri karhi a vulavula, wu ndzi yimisa emilengeni, kutani ndzi twa loyi a vulavulaka na mina.
3A ku eka mina: “N'wana wa munhu ndzi ku rhuma eka vana va Israele lava nga yingisiki, lava ndzi fularheleke va ndzi dyohele swin'we ni vatata wa vona ku fika siku ra namuntlha. 4I vana lava tiarisaka, lava nga ni timbilu leti nonon'hwaka; ndza ku rhuma eka vona, u ta va byela, u ku: ‘Hosi Yehovha u ri.’ 5Hambi va yingisa, kumbe va nga yingisi, kasi i yindlu leyi tiarisaka, va ta swi tiva leswaku ku ni muprofeta exikarhi ka vona. 6Na wena, n'wana wa munhu, u nga va chavi, u nga chavisiwi hi ku vulavula ka vona, hambi u le xikarhi ka swigatlu ni mitwa ni swipame, u nga chavi ku vulavula na vona, u nga chavi mimombo ya vona hambi va ri vanhu lava tiarisaka. 7U ta va byela marito ya mina, hambi va yingisa, hambi va nga yingisi hikuva va tiarisile. 8Wena, n'wana wa munhu, u yingisa leswi ndzi ku byelaka swona! U nga tiarisi kukota yindlu leyi ya vatiarisi. Ahlamisa nomu wa wena u dya leswi ndzi nga ta ku nyika swona.”
9Kuteloko ndzi languta, ndzi vona voko ri tshambuluteriwele eka mina, ri tamele buku leyi songiweke. 10A yi phurumula emahlweni ka mina; a yi tsariwile endzeni ni le handle; swirilo, ni mahlomulo, ni ku vaviseka a swi tsariwe eka yona.
Currently Selected:
EZEKIELE 2: TSO29
Highlight
Share
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.