2 Timothy 4
4
Yakꞌusda ooghuni bé bubulh yaílhduk
1ꞋEt huwa Yakꞌusda ꞌinkꞌez neMoodihti Jesus Christ ꞌen oobut nyudusni, ꞌen ꞌutinelh tsꞌiyanne nalh be hóodutaltsilh, ndai kꞌúneꞌ yulꞌen-i, ꞌi bulh. ꞋOh de khunane ꞌinkꞌez yaidlane cha, ꞌenne buba nahutiyeh. 2ꞋAhoolhyiz lhadíntꞌoh Yakꞌusda ooghuni bé bubulh yaílhduk. Whúbunilhtun ndet whe nintaꞌhutꞌih-un, ꞌinkꞌez tankꞌus ꞌuhutꞌen-un hukwa budíni, ꞌinkꞌez budzi do náꞌinleh. Howa whúlnaꞌ-un whulh sinyin, ꞌinkꞌez dune hodilhꞌeh. 3Whuz de whúdizulh, ndi khuni tsꞌihꞌun unꞌa ꞌuntꞌoh-i, ꞌi ꞌaw huyodoolꞌeh hukwa lheꞌhuntiszin. Kꞌus dichꞌoh hukwaꞌ huninzun kꞌunꞌa, ꞌet za hodutatsꞌo hukwaꞌ huninzun. Mbene la didutchꞌoh hukwaꞌ huninzun te za dune hodulhꞌehne, ꞌenne za uboohootuzálhtsꞌilh hukwaꞌ huntizilh. 4ꞋInkꞌez khuni ꞌalhaꞌ ꞌuntꞌoh-i, ꞌi ꞌaw hidótsꞌo hukwa lheꞌhuntiszil. ꞋEt kꞌus khuni ꞌantsꞌi unli-i, ꞌohwhi za hika ꞌuntizilh. 5ꞋEt hoontsꞌi nyun tsꞌiyantsuk whunih-i be whuchꞌa soo cho khindli. Yakꞌusda be ꞌutꞌen kꞌoh whulukhun mba howa whulnaꞌ ꞌet hoontsꞌi nilhtꞌi za ꞌilhdzun. ꞋInkꞌez Yakꞌusda ooghuni be yailhduk whe dune ilhyís-un, ꞌet za ndóntꞌen. ꞋInkꞌez Yakꞌusda be ooba ꞌintꞌen-i, ꞌi tsꞌiyawh lhadónleh.
Paul datítsah-un howu yalhduk
6Si ꞌawet be khusna-i Yakꞌusda ba huwa tꞌaih kꞌunꞌa nadusjulh leꞌ ꞌusneh.#4:6 Ndai la tsꞌekoo tooꞌ diztiꞌ-i loodel oozih nahidiyulh-i inleꞌ, ꞌi Lizwifne bube ꞌutꞌen ꞌuntꞌoh. ꞋInkꞌez ndi nahidiyulh-i, ꞌi Paul khuna leꞌ ꞌuntꞌoh ni whe ꞌutni. ꞋInkꞌez ndo tisyalh-un ꞌawet nilhdukw suliꞌ. 7Hoonzoo whe tsꞌihꞌun unꞌa lhisgan. ꞋAwet Yakꞌusda be ꞌutꞌen kꞌoh ꞌuwhusꞌen-un tsꞌiyantsuk lhaoodusla. Tsꞌihꞌun unꞌa be ꞌalha ꞌuhoontꞌoh-i hostun. 8ꞋUdekꞌez khuni beꞌ dusni, ndet tsꞌihꞌun unꞌa hoontꞌoh whe whuchꞌa oonusde-un, ꞌet sba ꞌusꞌai. NeMoodihti tsꞌihꞌun nahiyilh-un, ꞌen yutilhtselh-i, ꞌet dzin sgha ítaꞌalh. ꞋInkꞌez ꞌaw si za iloh. Mbene la dudzi ndulcho-i be bunalh be hóodutalhtsilh ꞌinkꞌez yutiꞌelh hukwaꞌ ninzunne, ꞌenne ꞌilhoghun hinli whe tsꞌiyawh si skꞌunꞌa za ꞌúbutilelh.
Tsꞌiyanne sla ditni
9ꞋA cho stsꞌu tónyaꞌ. 10Demas ꞌen sla ditni. Ndi yun kꞌut núkat-i ꞌon nus yukaꞌ ninzun. ꞋEt huwa keyoh Thessalonica whuz whinya. Crescens ꞌen Galatia tsꞌe whinya ꞌinkꞌez Titus ꞌen cha yun kꞌut Dalmatia tsꞌe whinya. 11Luke ꞌen za szih usda. Mark ꞌen ookunainda ꞌinkꞌez ndiz nyulh tóoꞌas, ꞌen sba ꞌutꞌen huba unzoo ꞌet huwa. 12ꞋInkꞌez Tychicus ꞌen keyoh Ephesus tsꞌe whesꞌaꞌ. 13Ndiz tanyalh de, sdzoot sba tolhchoos. ꞋI Carpus keyoh Troas tsꞌe ꞌen daꞌ oozih neínuschooz. Nyoo khuni úkꞌéguz-i, ꞌi cha tonꞌaꞌ, ꞌinkꞌez khuna-i zuz ookꞌu neꞌúsguz-i, ꞌi oonaoodolnoh junih. ꞋI soo ookaꞌ nuszun.#4:13 Paul khuna whe ꞌoh daꞌ khuna-i zuz lhahidulhꞌih-i, lhtsꞌenuhuyutꞌaz ꞌinkꞌez ꞌi hikꞌu neꞌuguz inleꞌ.
14Nyoon lhuztih ꞌultlꞌuz ꞌutꞌen-un, Alexander huyulhni, ꞌen tube lhat-un whe sundílhdaꞌ. Be ꞌutꞌen kꞌoh huwa uncha neMoodihti yuba ꞌukꞌelha whulhtsi. 15Nyun cha ookwa huwonleꞌ. ꞋEn dune ulhtus-i be neghuni dulhyoh ꞌitꞌelh-un ꞌuntꞌoh ꞌet huwa.
NeMoodihti ꞌaw nela dootnih ꞌaitꞌoh
16ꞋEt ꞌudechoo ooduzkut daꞌ, ꞌaw ꞌilhoghun hoontsꞌi stꞌa nélhiyal. Kꞌus tsꞌiyanne sla huditni, ꞌet hoontsꞌi ꞌaw bukꞌeholtsꞌit hukwa lheꞌnúszun. 17ꞋEt hoontsꞌi neMoodihti szih inyin ꞌinkꞌez ꞌen ye ulhtus-i, ꞌi gha ꞌustus inleꞌ. ꞋEt ndi ulhtus-i, ꞌi be si sgha la ndi Yakꞌusda be ba yaduk-i, ꞌi tsꞌiyawh tsꞌihꞌun unꞌa huyoozálhtsꞌaiꞌ. ꞋEt de la ꞌuyoonne ꞌudun yun kꞌut whutꞌenne cha tsꞌiyawh huyoozólhtsꞌaiꞌ. ꞋInkꞌez cha neMoodihti ꞌen khuna-iti sutuzilhghelh-i yuchꞌá sulhyih.#4:17 Ndi khuna-iti sutuzilhghelh-i ꞌet whuz unꞌa Lerwe Caesar lhane Jesus Christ yulh ꞌutꞌenne, ꞌenne cha ubuhanghan, ni whe ꞌutni. 18ꞋInkꞌez yakꞌuz neMoodihti ꞌen lerwe unli, ꞌet wheni sghunli, ꞌinkꞌez oozih tisdalh whutsꞌun, ꞌutꞌen untsiꞌ-i tsꞌiyawh yuchꞌa sutálhtelh. ꞋEt huwa ꞌen ꞌilhiz wheni ꞌinkꞌez ꞌon ꞌun cha uzdólhtiꞌ. ꞋEt ndo honeh.
Khit whutso whusaóonyaꞌ
19Ndunne Prisca ꞌinkꞌez Aquila, ꞌinkꞌez cha Onesiphorus ooyoh dilhtsꞌine, tsꞌiyawh hadih sba budóniꞌ. 20Erastus ꞌen keyoh Corinth ꞌet usda. Trophimus ꞌen nduda ꞌinka keyoh Miletus tsꞌuwhútni, ꞌet nenústi. 21ꞋEt khit tileh whutsꞌo, ꞌet soo ꞌintꞌoh whe stsꞌun tonyaꞌ. Eubulus, ꞌen cha hadih nyulhni, ꞌinkꞌez Pudens, Linus, Claudia, ꞌinkꞌez tsꞌiyawh lhulhutsinke, ꞌenne cha hadih nyuhútni.
Ye unzoo-i nyulh óotꞌeꞌ
22NeMoodihti Jesus Christ ꞌen ndzi yo oodaꞌ ꞌinkꞌez ꞌi nyulh óotꞌeꞌ. ꞋEt Yakꞌusda ye unzoo, ꞌi nuhwheni tsꞌiyawh nohwhulh ꞌóotꞌe. ꞋEt ndoh honeh.
Currently Selected:
2 Timothy 4: crx
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
2 Timothy 4
4
Yakꞌusda ooghuni bé bubulh yaílhduk
1ꞋEt huwa Yakꞌusda ꞌinkꞌez neMoodihti Jesus Christ ꞌen oobut nyudusni, ꞌen ꞌutinelh tsꞌiyanne nalh be hóodutaltsilh, ndai kꞌúneꞌ yulꞌen-i, ꞌi bulh. ꞋOh de khunane ꞌinkꞌez yaidlane cha, ꞌenne buba nahutiyeh. 2ꞋAhoolhyiz lhadíntꞌoh Yakꞌusda ooghuni bé bubulh yaílhduk. Whúbunilhtun ndet whe nintaꞌhutꞌih-un, ꞌinkꞌez tankꞌus ꞌuhutꞌen-un hukwa budíni, ꞌinkꞌez budzi do náꞌinleh. Howa whúlnaꞌ-un whulh sinyin, ꞌinkꞌez dune hodilhꞌeh. 3Whuz de whúdizulh, ndi khuni tsꞌihꞌun unꞌa ꞌuntꞌoh-i, ꞌi ꞌaw huyodoolꞌeh hukwa lheꞌhuntiszin. Kꞌus dichꞌoh hukwaꞌ huninzun kꞌunꞌa, ꞌet za hodutatsꞌo hukwaꞌ huninzun. Mbene la didutchꞌoh hukwaꞌ huninzun te za dune hodulhꞌehne, ꞌenne za uboohootuzálhtsꞌilh hukwaꞌ huntizilh. 4ꞋInkꞌez khuni ꞌalhaꞌ ꞌuntꞌoh-i, ꞌi ꞌaw hidótsꞌo hukwa lheꞌhuntiszil. ꞋEt kꞌus khuni ꞌantsꞌi unli-i, ꞌohwhi za hika ꞌuntizilh. 5ꞋEt hoontsꞌi nyun tsꞌiyantsuk whunih-i be whuchꞌa soo cho khindli. Yakꞌusda be ꞌutꞌen kꞌoh whulukhun mba howa whulnaꞌ ꞌet hoontsꞌi nilhtꞌi za ꞌilhdzun. ꞋInkꞌez Yakꞌusda ooghuni be yailhduk whe dune ilhyís-un, ꞌet za ndóntꞌen. ꞋInkꞌez Yakꞌusda be ooba ꞌintꞌen-i, ꞌi tsꞌiyawh lhadónleh.
Paul datítsah-un howu yalhduk
6Si ꞌawet be khusna-i Yakꞌusda ba huwa tꞌaih kꞌunꞌa nadusjulh leꞌ ꞌusneh.#4:6 Ndai la tsꞌekoo tooꞌ diztiꞌ-i loodel oozih nahidiyulh-i inleꞌ, ꞌi Lizwifne bube ꞌutꞌen ꞌuntꞌoh. ꞋInkꞌez ndi nahidiyulh-i, ꞌi Paul khuna leꞌ ꞌuntꞌoh ni whe ꞌutni. ꞋInkꞌez ndo tisyalh-un ꞌawet nilhdukw suliꞌ. 7Hoonzoo whe tsꞌihꞌun unꞌa lhisgan. ꞋAwet Yakꞌusda be ꞌutꞌen kꞌoh ꞌuwhusꞌen-un tsꞌiyantsuk lhaoodusla. Tsꞌihꞌun unꞌa be ꞌalha ꞌuhoontꞌoh-i hostun. 8ꞋUdekꞌez khuni beꞌ dusni, ndet tsꞌihꞌun unꞌa hoontꞌoh whe whuchꞌa oonusde-un, ꞌet sba ꞌusꞌai. NeMoodihti tsꞌihꞌun nahiyilh-un, ꞌen yutilhtselh-i, ꞌet dzin sgha ítaꞌalh. ꞋInkꞌez ꞌaw si za iloh. Mbene la dudzi ndulcho-i be bunalh be hóodutalhtsilh ꞌinkꞌez yutiꞌelh hukwaꞌ ninzunne, ꞌenne ꞌilhoghun hinli whe tsꞌiyawh si skꞌunꞌa za ꞌúbutilelh.
Tsꞌiyanne sla ditni
9ꞋA cho stsꞌu tónyaꞌ. 10Demas ꞌen sla ditni. Ndi yun kꞌut núkat-i ꞌon nus yukaꞌ ninzun. ꞋEt huwa keyoh Thessalonica whuz whinya. Crescens ꞌen Galatia tsꞌe whinya ꞌinkꞌez Titus ꞌen cha yun kꞌut Dalmatia tsꞌe whinya. 11Luke ꞌen za szih usda. Mark ꞌen ookunainda ꞌinkꞌez ndiz nyulh tóoꞌas, ꞌen sba ꞌutꞌen huba unzoo ꞌet huwa. 12ꞋInkꞌez Tychicus ꞌen keyoh Ephesus tsꞌe whesꞌaꞌ. 13Ndiz tanyalh de, sdzoot sba tolhchoos. ꞋI Carpus keyoh Troas tsꞌe ꞌen daꞌ oozih neínuschooz. Nyoo khuni úkꞌéguz-i, ꞌi cha tonꞌaꞌ, ꞌinkꞌez khuna-i zuz ookꞌu neꞌúsguz-i, ꞌi oonaoodolnoh junih. ꞋI soo ookaꞌ nuszun.#4:13 Paul khuna whe ꞌoh daꞌ khuna-i zuz lhahidulhꞌih-i, lhtsꞌenuhuyutꞌaz ꞌinkꞌez ꞌi hikꞌu neꞌuguz inleꞌ.
14Nyoon lhuztih ꞌultlꞌuz ꞌutꞌen-un, Alexander huyulhni, ꞌen tube lhat-un whe sundílhdaꞌ. Be ꞌutꞌen kꞌoh huwa uncha neMoodihti yuba ꞌukꞌelha whulhtsi. 15Nyun cha ookwa huwonleꞌ. ꞋEn dune ulhtus-i be neghuni dulhyoh ꞌitꞌelh-un ꞌuntꞌoh ꞌet huwa.
NeMoodihti ꞌaw nela dootnih ꞌaitꞌoh
16ꞋEt ꞌudechoo ooduzkut daꞌ, ꞌaw ꞌilhoghun hoontsꞌi stꞌa nélhiyal. Kꞌus tsꞌiyanne sla huditni, ꞌet hoontsꞌi ꞌaw bukꞌeholtsꞌit hukwa lheꞌnúszun. 17ꞋEt hoontsꞌi neMoodihti szih inyin ꞌinkꞌez ꞌen ye ulhtus-i, ꞌi gha ꞌustus inleꞌ. ꞋEt ndi ulhtus-i, ꞌi be si sgha la ndi Yakꞌusda be ba yaduk-i, ꞌi tsꞌiyawh tsꞌihꞌun unꞌa huyoozálhtsꞌaiꞌ. ꞋEt de la ꞌuyoonne ꞌudun yun kꞌut whutꞌenne cha tsꞌiyawh huyoozólhtsꞌaiꞌ. ꞋInkꞌez cha neMoodihti ꞌen khuna-iti sutuzilhghelh-i yuchꞌá sulhyih.#4:17 Ndi khuna-iti sutuzilhghelh-i ꞌet whuz unꞌa Lerwe Caesar lhane Jesus Christ yulh ꞌutꞌenne, ꞌenne cha ubuhanghan, ni whe ꞌutni. 18ꞋInkꞌez yakꞌuz neMoodihti ꞌen lerwe unli, ꞌet wheni sghunli, ꞌinkꞌez oozih tisdalh whutsꞌun, ꞌutꞌen untsiꞌ-i tsꞌiyawh yuchꞌa sutálhtelh. ꞋEt huwa ꞌen ꞌilhiz wheni ꞌinkꞌez ꞌon ꞌun cha uzdólhtiꞌ. ꞋEt ndo honeh.
Khit whutso whusaóonyaꞌ
19Ndunne Prisca ꞌinkꞌez Aquila, ꞌinkꞌez cha Onesiphorus ooyoh dilhtsꞌine, tsꞌiyawh hadih sba budóniꞌ. 20Erastus ꞌen keyoh Corinth ꞌet usda. Trophimus ꞌen nduda ꞌinka keyoh Miletus tsꞌuwhútni, ꞌet nenústi. 21ꞋEt khit tileh whutsꞌo, ꞌet soo ꞌintꞌoh whe stsꞌun tonyaꞌ. Eubulus, ꞌen cha hadih nyulhni, ꞌinkꞌez Pudens, Linus, Claudia, ꞌinkꞌez tsꞌiyawh lhulhutsinke, ꞌenne cha hadih nyuhútni.
Ye unzoo-i nyulh óotꞌeꞌ
22NeMoodihti Jesus Christ ꞌen ndzi yo oodaꞌ ꞌinkꞌez ꞌi nyulh óotꞌeꞌ. ꞋEt Yakꞌusda ye unzoo, ꞌi nuhwheni tsꞌiyawh nohwhulh ꞌóotꞌe. ꞋEt ndoh honeh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.